¹ Abalungami baloba, lelo takuli nangu umo uwangwako, nabantu ba cipangano cacishinka basalanganishiwa, lelo takuli nangu umo uwatubuluka ukuti abalungami balanginishiwa ukufuma kububi. ² Aingila mumutende; batusha pamalo yabo, bonse abaendele mubololoke bwabo. ³ Lelo iseni kuno, imwe bana baume babaloshi, abana ba mu ncende kabili umwanakashi uuicita umulale lale umwine eka. ⁴ Nani uutemenwe ukutumfya? Nipali nani uwasamwina akanwa nokusheteka ululimi? Bushe tamuli bana bakwa cisanguka, abana balufiwa? ⁵ Mukangabuka mwebene mweka pakusenda capamo mwisamba lya muoke, mwisamba lya cimuti conse icakatapa katapa, imwe mulebepeya bana benu mumipuma yamimana iyauma, mwisamba lya fimilale fyamabwe yakalamba. ⁶ Mukati kafintu ifyatelela ifyamumipoka poka wa mumana ifyo nakwete kukupela. Fyaba efintu fyobe watemwa. Witulula umutulo wafya kulya kuli bena nokupela icabupe ca mbuto. Bushe muli ifi fintu kuti nasansamukilamo? ⁷ Wapekenye ubusanshi bobe palupili ulwalepa; kabili waile palya kukupela amalambo. ⁸ Kunuma yacibi napamyalo ya cibi wabikilepo icishibilo cobe; yalimbutwike ine, wailengele ubwamba wemwine weka, nokuya; wapangile ubusanshi bobe. Wapangile icipangano nabena; yatemenwe amasanshi yabo; wamwene ifyamfwalo fyabo. ⁹ Waile kuli Meleke namafuta wafushishe ifyefuungo. Watumine abeminishi ukutali; watentemukile ku manda. ¹⁰ Walinakile ukufuma mulwendo lobe ulutali, lelo tawatile, ''Cifyefye.'' Wasangile umweo mukuboko; eico tawanenwike. ¹¹ ''Nani uulesakamikwako? Nani uuletina icibi uulekulenga ukulufiwa, sana icakuti taleibukisha ine nangu ukutonyonkanya pali ine? Pamulandu wakuti nalitondolo panshita iitali, tawali uwamwenso kuli ine. ¹² Ndebilisha ificitwa fyobe fyonse ifyalunama nokulanda fyonse ifyo wacitile, lelo tabakakwafwe. ¹³ Ilyo ukalila umusowa, leka fikolongane ifyabaswa fyobe fikupusushe. Cifwile umwela ukasenda fyonse, umupu uukafisenda fyonse ukutali. Eico ukuba muli ine akapyana icalo nokukwata icifulo mulupili lwandi ulwamushilo. ¹⁴ Akatila, 'Kuleni, kuleni! Wamyeni! fumweni fyonse ifyakuipununako ukufuma mu nshila ya bantu bandi!''' ¹⁵ Panti ifi efyo yapulamo kabili umo uwasumbulwa atila, uwaikala umuyayaya, uo ishina lyakwe lya mushilo, ''Naikala umwacindama kabili incende ya mushilo, pamopene nankwe ekutila ndi uwafunshika nomupashi wakunakila, kukupuputula imipashi yabanakilila, kabili kupuputula imitima yabacula. ¹⁶ Pantu nshakakulubulwishe umuyayaya, nangu ukuba uwakalipa umuyayaya, pantu lyena umupashi wamuntu kuti wafwa icitu kuli ine, imyeo iyo nailengele. ¹⁷ Pamulandu walubembu walukakala lwakwe kabili, nalikalipe, nalikandile ena; nafishile icinso candi kabili nalikalipe, lelo abwelele kunuma mu nshila yamutima wakwe. ¹⁸ Nalimona inshila shakwe, lelo ndinokundapa ena. ndinokutungulula ena nokumusekesha kabili nkasekesha bonse abalosha pali ena, ¹⁹ kabili ncita ifisabo fyakumilomo. Umutende, umutende, kuli bonse abakutali nakuli bonse abamupepi ifyalanda Yawe ndi nokundapa bena, ²⁰ Lelo ababifi bali kwati ni bemba uusunkana, uushingatusha, kabili amenshi ykwe yatwalila ukwima mukufundaulwa namatipa. ²¹ Tapaba umutende pababifi ifyalanda Lesa.''