¹ Ifi efyasosa Yawe, ''Moneni ifyalungama, cita umulinganya; pantu ipusukilo lyandi lyapalama, nobulungami bwandi bwalsokololwa. ² Uwapalwa nilyo umuntu uwacita ifi, nokwikatisha. uubaka isabata, ukukana likowesha, kabili uusunga ukuboko kwakwe nokufuma kukucita ububifi.'' ³ Mwileka umwina fyalo uwaisaba umusambi wakwa Yawe atile, ''Yawe akapantula lilyalinefye ukumfumya mu bantu bakwe.'' Mutungwi tafwile atila, ''Moneni, Ndicimuti cauma.'' ⁴ Pantu ifi efyo Yawe atila, ''Kuli bamutungwi abaceceta amasabata yandi nokusala ifya kusekesha, ine nokwikata bwangu ifipope fyandi, ⁵ kuli bena nkapekanya umukanda wandi kabili mukati kafibumba fyandi ilibwe lyacibukisho ilya wamisha ukucila ukukwata abana baume nabana banakashi. Nkapela bena ilibwe lya cibukisho ilya muayayaya ilishaputulwe. ⁶ Nkabili abena fyalo abakailunda abene beka kuli Yawe kukubombela ena, kabili abatemwa ishina lyakwa Yawe kukushinshimuna ena, onse uubebeta isabata kabili uulisunga ukufuma kukulipelula, nokwikata bwangu icipangano candi- ⁷ Nkamuleta mulupili lwandi ulwa mushilo nokumulenga ukuba abasekelela mu ngánda yandi iyamapepo; ifyabupe fyabo ifyakoca nefyabupe fyabo ifyamalambo fikasumunishiwa pa cipailo candi. Pantu ingánda yandi iketwa ingánda yamapepo iya nko shonse, ⁸ uku ekubilisha kwakwa shikulu Yawe, uukolonganika abatamfiwa bakwa Israele- Nkakolonganika nabambi kukulunda kuli bena.'' ⁹ Imwe bonse mwefiswango fya mumpanga, iseni kabili mulye, bonse imwe mwefiswango fya mumitengo! ¹⁰ Bonse bamalonda babo nibampofu, tabeluka. Bonse nimbwa shakutumana ishishingabosa. Shilalota, nokulambalala pantu shalitemwa ukulala. ¹¹ Imbwa ishilisha apakalamba; tashakatale ikuuta; nibakacema babula ukwiluka; bonse babwelela kunshila shabo, cilaumo tatemwa umulinganya wacibwehsa. ¹² ''Batila,'' isa, ''Lekeni ifwe tulenwa umwangashi nokukolwa. Mailo cikaba kwati nilelo, ubushiku bukalamba ubwacila mucipimo.''