¹ Iseni, imwe bonse mwe bali necilaka, iseni ku menshi, na imwe mwe babula impiya, iseni, mushite nokulya! Iseni, shiteni umwangashi nomukaka ukwabula impiya kabili ukwabula icakulipilapo. ² Cinshi mupimina silfere ku cishili cakulya, kabili cinshi mubombella icishili cakwikusha? Kutikisheni bwino bwino kuli ine nokulya ifisuma, nokuilemena mwe bene mu kufikapo. ³ Pepekeni amatwi yenu nokwisa kuli ine! Kutikeni pakuti mube nobumi! Ndinokupanga icipangano cakubelelela naimwe mwebashintilila pali ine, icisumino cacitemwiko icafikapo ico nalaile kuli David. ⁴ Moneni, namubikileko nga kambone ku nko, pamo nge ntungulushi na kakambisha wa bantu. ⁵ Mone, muli nokwita uluko ulo mushaishibe, noluko ulo mushaishibe lukesa butula imwe pamulandu wakwa Yawe Lesa wenu, umo uwamushilo wakwa Israel, uyo uwamicindamika.'' ⁶ Fyayeni Yawe ilyo engasangwa, umwite ilyo ali mupepi. ⁷ Lekeni umubifi afume mu nshila yakwe no muntu uwalubembu ukufuma kumatontonkanyo yakwe. Lekeni ena abwelele kuli Yawe, nao akamumfwila inkumbi, nakuli Lesa wesu uyo uukamwelela umupwilapo. ⁸ Pantu amatontonkanyo yandi tayaba nga amatontonkanyo yenu nelyo imimbile yenu tayaba nge mimbile yandi efyasosa Yawe- ⁹ ngefyo imyulu yasansukisha ukucila isonde, efyo nemibele yandi yasansukisha ukucila imibele yenu, na matontonkanyo yandi ukucila pa matontonkanyo yenu. ¹⁰ Nga filya fine imfulu nobufuminishi fipona panshi ukufuma mu mulu nokukana bwelelamo kulya kanofye fyatapilisha umushili nokumesha ifimenwa nokupela imbuto ku mulimi uwatanda nomukate ku ulya, ¹¹ efyo neshiwi lyandi likabila ilyo iliya ukufuma mu kanwa kandi talyakabwelele kuli ine ibusha, lelo likafikilisha ubufwayo paco nalitumine. ¹² Pantu mukafuma mu nsansa nokumitwala mu mutelelwe; impili no tupili fikapongomoka nokwaula mu nsansa pa menso yenu, ne fimuti fyonse ifyamu mpanga fikatota ne ndupi shafiko. ¹³ Mu cifulo ca fimpusa fya myunga, mukamena imisaipuleshi; napa cifulo pamenena kaenya, pakamena ifimuti fya mietulo, nei ikaba yakwa Yawe, pamulandu we shina lyakwe, nge cishibilo cape nape ico icishakabale aciputuka.