¹ Ngo wingasumina ifi fintu tuleshimika, nani? Nga nikuli nani uko Yawe asokolwele amaka yakwe? ² Ala ni Yawe umwine ewafwaile ukuti umubomfi wakwe akulile pa cinso cakwe, nga umuti uuteku uwalulembelya, uwalimbwa apauma ndi, apo imishila yauko ilepula mu nshila pakwanda. Talemoneka uwacindama nangu uwaemba icakuti ifwe tuuposeko amano. ³ Ifwetwalimusulile, tatwamuposeleko amano nakalya.Aliculile nokufwa ubukali. Ifwe twalimusulile icakuti tatwalefwaya, pantu tatwalemutunga pabuntu kabili tatwamucindike. ⁴ ''Cine cine alibulile amacushi ayo twalinokuposwamo nifwe. Alisendele ubukali ubo ifwe twali nokumfwa. Ifwe twatilefye ni Lesa eumuletele aya amacushi nobulanda, pakuti amulimune. ⁵ Lelo kwena nipamulandu wabumpula mafunde bwesu ecalengele ukuti bamucenaule ifyo, nipamulandu wa bubifi bwesu ecalengele ukuti bamupumaule ifyo. Ukulimunwa kwakwe ekwalenga ukuti ifwe tuleikala umutende, impumo shakwe eshalenga ukuti ifwe tuleundapwa. ⁶ Bonsefye ifwe twali nge mpaanga ishaluba, bonse umo umo twailefye iciyeye mu nshila shesu. Yawe nao epakuposa ifyabubifi fyesu pali ena. ⁷ Balemucintanya, balemucusha, lelo ena tasoselepo nangu ukulandapo nakalya. Ali ngo mwana wa mpaanga uubafye tondolo ilyo balemutwala mukumwipaya, ali nge mpaanga iibafye iyanakilila ilyo kabeya aleibeya, awe noa tewakulandako nakalya. ⁸ Balimwikete mulufyengo, bamupela umulandu, bamupingula nokumwipaya. Tapali nangu umo uwamunkulo yakwe uwasakameneko kufyo balemucita, ilyo bamulofya ukufuma mu calo ca mweo, tapali abatile, ''Nipamulandu wabumpula mafunde ebo afyengelwa? ⁹ Bapekenye inshishi yakwe pamopene ne ntala misoka, ena epakushikwa mu nshishi yamukankala, nangu kwena ashatalile acita ulufyengo nelyo lumo, nangufye ukulanfdda ububi mukanwa kakwe. ¹⁰ Kwena ni Yawe ewafwaile umubomfi wakwe afwantwe nokucula icibi, epakuti ukufwa kjwakwe kube ilambo ilyakufuta pabubifi. Kabili akamona ubufyashi bwakwe nokutantalisha inshiku shakwe, kabili ukufwaya kwakwa Yawe kukalange ifyo apekanya filecitikafye bwino. ¹¹ Epakuti amacushi wakwe yonse nga yapwa mu mweo wakwe akasansamuka nakabili. Akashininkisha ukuti kanshi taculile apafye. Nimukwishiba emo umubomfi wandi umulungami akalungamikila abengi, kabili akasenda nefibi fyabo fyonse. ¹² Emulandu wine naine nkamutekela apacindama pakati kabacindami. Akakana ne mpalume shonse icatapwa. Pantu umwine ewipeleshe kukufwa, kabili apendelwe pamulongo waba mpula mafunde. Lelo ewasendele ifyabubifi fya bengi, nokubapapatilako pali bumpula mafunde bwabo.