¹ Buka, buka, fwala ubukose bobe, Sione; fwala ifyakufwala fyobe ifyaemba, Yerusalemu umusumba wa mushilo; pantu tabakatale nakabili abashasembululwa nangu abakowela abengila muli webo. ² Inkunte ufume mulukungu; ima nokwikala, Yerusalemu; kakula iminyololo ukufuma mu mukoshi obe, umwana mwanakashi uwa muli bu nkole uwa mu Sione. ³ Pantu ifi efyo asosa Yawe, ''Walishitilwe apabula akantu, kabili ukulubulwa ukwabula indalama.'' ⁴ Pantu ifi efyo shikulu Yawe alanda, ''Mukutendeka abantu bandi batentemwike kukwikala mubweni mu Egypto; na Assiria alibatitikisha apabula umulandu. ⁵ ''Nomba cinshi nebo nkwete kuno,'' ubu bukombe bwakwa Yawe pantu abantu bandi basendwa apabula akantu? Aba bantu ababateka balabapumya ubu bukombe bwakwa Yawe ne shina lyandi lilapentelwa lyonse akasuba nobushiku. ⁶ Eico abantu bandi bakeshiba ishina lyandi; bakeshiba muli bulya bushiku ukuti ninebo neusosa. Ee, Ninebo!'' ⁷ Efyo yaemba pa mpili amakasa ya muntu uuleta imbila nsuma, uubila umutende; uuleta imbila yakupala abantu, ababila palwe pusukilo, abasosa kuli Sione, ''Lesa obe aleteka.'' ⁸ Umfwa , bamalond bobe basansule amashiwi, capamo bembe nensansa, pantu ilinso yabo lyonse likabamona, ukubwela kwakwa Yawe ku Sione. ⁹ Pongomokeni mukwimba nensansa capamo, mwe fibolya fyamu Yerusalemu; pantu yawe natalalika abantu bakwe; nalubula Yerusalemu. ¹⁰ Yawe nalanga ukuboko kwakwe ukwamushilo mu menso ya nko shonse; isonde lyonse lilamona ipusukilo lyakwa Lesa wesu. ¹¹ Fumeni, fumeni, kabiyeni uko; mwiikatako kucakowela; fumeni mukati ka ncende iyo; mube abaisungilila, mwebo mwebasenda ifipe fyakwa Yawe. ¹² Pantu tamwafume mukampampa, nangu ukufuma mukufulumuka iyoo; pantu Yawe abatungilila; kabili Lesa wakwa Israele aleba inshindishi yenu. ¹³ Moneni, umubomfi wandi akacita icamona; akaba pa mulu kabili akasumbulwa, nokusansabikwa. ¹⁴ Ngefyo abengi bamupapile imimonekele yakwe yalyonaike ukucila neya bauntu, ne cata cakwe ukufma ku ca bumuntu. ¹⁵ Nelyo ine, umbomfi wandi akasabilila inko ishingi ne shamfumu shikesala utunwa twashiko pamulandu wakwe. Pantu ico tashaebelwe, eco shikamona, kabili ico tasha umfwilepo, shikeshiba.