¹ Ifi efyo Yawe asosa kubasubwa bakwe, kuli Sailasi, uo ukuboko kwakwe ukwa kukulyo njikete, pakuti acimfye inko shonse ku ntanshi yakwe, kukukakula ishamfumu, nokwisula ifibi ku ntanshi yakwe, pakuti impongolo shibe ishaisuka: ² ''Nkakutangilila nokulinganya impili; nkatobaula mutupifya ifiibi fya mukuba nokuputaula mutupimfya inshimbi yafyela, ³ kabili nkakupela ifyasungwa mu mfifi no bunonshi bwafiswa ukutali, ukuti wishibe ukuti nine, Yawe, uukwita mwishina lyobe, nine, Lesa wakwa Israele. ⁴ Pantu Yakobo umubomfu wandi, na Israele wasulwa wandi, nakwitile mwishina lyobe, kukupela ishina lyacindama, nangula ushanjishiba. ⁵ Nine Yawe, kabili takwaba umbi; takwaba Lesa kanofye ine. Nkakukosha, nangula ushanjishiba; ⁶ ukuti abantu beshibe ukutuka akasuba, na ukufuma kumasamba, ukuti takwaba Lesa umbi kano ine: Nine Yawe, kabili takwaba umbi. ⁷ Napangile ulubuto nokulenga imfifi; ndeta umutende nokuleta ubucushi; Nine Yawe, uwacitile ifi fintu fyonse. ⁸ Imwe mwe myulu, lokeleni panshi ukufuma mumulu! Lekeni amakumbi yaloshe ubulungami. Lekeni insonde limine, ukuti ipusukilo lifule, kabili ubulungami bufule pamo nabo. Nine, Yawe, uwafilengele fyonse. ⁹ Webulanda kuli onse uutalikisha nowamupanga, kuli uyo uwatemwa inongo mu filongo ifya pamushili! Bushe iloba kuti lyatila kuli kabumba, 'Finshi ulepanga?' nangu 'Umulimo obe taukwete fyakwikatilako'? ¹⁰ Webulanda kuli uyo uutila kuli wishi, 'Cinshi ulefyala?' nangu kuli nyina, 'Cinshi ulefyala?' ¹¹ Ifi efyasosa Yawe, uwashila wakwa Israele, kalenga wakwe: 'Cinshi mwipushisgha amepusho pamulandu waco ncita kubana bandi? Bushe mulanjeba ifyakucita palwa mulimo waminwe yandi?' ¹² Napangile isonde nokulenga umuntu ukwikalamo. Yali minwe yandi iyatambulwile imyulu, kabili nakambishe intanda ukumonekela. ¹³ Nasumbwile Sailasi mubulungami, kabili nkakungula utushila twakwe tonse. Akakula umusumba wandi; akaleka abantu bandi ababa mu calo cimbi ukuya ku myabo, kabili tekumalipilo nelyo kumafisa kanwa; efyasosa Yawe wamilalo. ¹⁴ Ifi efyasosa Yawe, ''Ubukumu bwaku Egypto nefipe fyamakwebo ifyabena Kushi nabena Sebi, abaume bacimo icatali, bakaletwa kuli iwe. Bakaba bobe. Bakakukonka panuma, bakesa muminyololo. Bakafukama kuli iwe nokupapata kuli iwe ukutila, 'Mu cine cine Lesa aba naiwe, kabili takwaba umbi ukwabula ena.''' ¹⁵ Mu cine niwe Lesa uuifisa umwine, Lesa wabena Israele, kapususha. ¹⁶ Bkalengwa insoni nomusebanya capamo; aba abapanga ifilubi bakenda abakalifiwa. ¹⁷ Lelo Israele akapusushiwa kuli Yawe no kubapusushiwa kwa muyayaya; tawakalengwe insoni nakabili nangu ukukalifiwa. ¹⁸ Ifi efyasosa Yawe, uwalengele imyulu, Lesa wacine uwalengele isonde nokulipanga, uwalipangile. Alililengele, tekuba ifyafye, lelo alipangile kukwikalamo: ''Nine Yawe, kabili takwaba umbi. ¹⁹ Nshasosele mukufisama, mu ncende shimo ishafiswa; Nshasosa kubana bakwa Yakobo, 'Mfwayeni ine apafye!' Nine Yawe uulanda ifyalungama; uusuminisha ifintu ifyalungama. ²⁰ Ilonganyeni mwebene nokwisa! Kolonganeni pamo, imwe mwebafyuka ukufuma ku nko! Tababa nobwishibilo, abo abasenda ifimpashanya nokupepa tulesa utushingabapususha. ²¹ Palameni nokusumina kuli ine, leteni icishibilo! Lekeni bampane pamo. Nani amilangile ici ukufuma ku nshita yakale? Nani abilishe ici? Teine, Yawe? Takwaba Lesa kwabula ine, Lesa wamulinganya kabili kasunga; takwaba umbi ukucila ine. ²² Pilibukileni kuli ine nokupusushiwa, konse ukwapela isonde; pantu nine Lesa, kabili takwaba umbi. ²³ Nali ilapa nemwine, ukulanda ifyapampamikwa fyandi, kabili nshakapilibuke: Kuli ine ikufi lyonse likafukama, ululimi lonse lukalapa. ²⁴ Bkasosa ulwa ine, ''Muli Yawe mweka emwaba ipusukilo nobukose.'''' Bakalengwe insoni bonse abamufulilwa. ²⁵ Muli Yawe emo ubufyashi bwakwa Israele bonse bukabela bukalungamikwa; bakatakisha ine.