¹ Bele nawa, nebo nakonkomana; ifilubi fyabo fisendwa kunama na kunama ishisenda ifipe. Ifi filubi musenda fisendo fyafina ku nama shamaka. ² Bonse pamo bakakontama, amakufi panshi; tabakapusushe ifimpasho, kabili abene bakaya muli bunkole. ³ Umfwa kuli ine, we ng'anda yakwa Yakobo, bonse mwebashalapo mu ng'anda yakwa Israele, abo abasendwa naine ukufuma ilyo mushila fyalwa, mwasendelwe mwifumo. ⁴ Nakukukota kobe naba ifyo naba, kabili mpaka umushishi obe ukabe imfwi nkalakusenda. Nakupangile kabili nkakwafwa; nkakusenda kabili nkakupususha. ⁵ Nikuli nani mwingampalanya? Ninani mutontonkanya uo ningapala, pakuti bengampalanya? ⁶ Abantu balefukumuna golde ukufuma mumufuko nokupima silfere pasekelo. Balipila uufula ifyela, nokupangamo akalesa; bakakontama panshi no kucishinshimuna. ⁷ Babika pakubeya nokusenda; bacibika pa ncende cilingile ukwikala, kabili cikemikwa pa ncende yaciko kabili tacakasele ukufuma palya. Balilila kuli cena, lelo teti casuke nangu ukusunga uuli onse ukumufumya mumafya yakwe. ⁸ Tontonkanyeni pali ifi fintu; takuli kufilaba, imwe mwempula mafunde! ⁹ Tontonkanyeni palwa fintu fyatangilile, kuli isho nshita shakale, pantu nine Lesa, takuli umbi, nine Lesa, kabili takuli nangu umo uwaba nga ine. ¹⁰ Mbilisha impela ukufuma ku ntendekelo, nokufuma kale ifishila citwa; nasosele, ''Amapange yandi yakacitwa, kabili nkacita ico ndekabila.'' ¹¹ Ingita iconi icibi ukufuma kukabanga, umuntu nasala ukufuma ku calo ukutali; ee ninsosa; kabili nkafikilisha; nalipanga, kabili nkacita. ¹² Umfweni kuli ine, imwe mwe bantu ba filumba, mwebafuma kukucita icisuma. ¹³ Ndeleta ubulungami bwandi mupepi; tabwaba kutali, na ipusukilo lyandi talilolela; kabili nkapela ipusukilo kuli Sione nobusuma bwandi kuli Israele.