¹ Nomba umfwa, Yakobo wemubomfi wandi, na Israele, untu ine nasala: ² Ifi efyo Yawe atila, uwakupangile iwe kabili uwakulengele mwifumo kabili akakwafwa iwe: ''Witina, Yakobo umubomfi wandi; na iwe, Yeshurini untu nasala. ³ Pantu nkapongolwela amenshi pamushili wacilaka, notumilonga utulekonkoloka pamushili wauma: Nkapongolwela umupashi wandi pa bufyashi bobe, namapalo pabana bobe. ⁴ Bakakula mumo ne cani, pamo nge fimpusa mululamba lwa milonga. ⁵ Umo akatila, 'Ine ndi wakwa Yawe,' naumbi akalumbula ishina lyakwa Yakobo, naumbi akalemba pakuboko kwakwe, ndi wakwa Yawe, nokuinika umwine ishina lyakwa Israele.'' ⁶ Ifi efyo Yawe atila imfumu yaba Israele kabili kalubula obe. Yawe wamabumba: ''Ndi wantanshi, kabili ndi wakushalikisha; kabili takuli Lesa lelo nine. ⁷ Nani uwaba nga ine? Lekeni alande nokulondolola kuli ine ificitwa ifyacitike mu kupanga abantu bandi bakukale, kabili lekeni bena balande ificitwa ifikesabako. ⁸ Witina nangu ukuba nomwenso. Bushe nshasosele akale sana kuli imwe, nokucilanda? Muli bakambone bandi: Bushe paliba Lesa umbi ukucila pali ine? Tapaba nalimbi ilibwe: Naishiba ati takwaba nangu umo.'' ⁹ Bonse ababasa ifilubi bafye, ne fintu basansamukilamo tafyaba nangu cimo; bakambone babo teti bamone nangu ukwishiba icili conse, kabilui bakalengwa insoni. ¹⁰ Nani uwingapanga kalesa nangu ukubumba akalubi akafye? ¹¹ Mona, abanankwe bonse bakalengwa insoni; bakabasa bantunsefye. Lekeni beminine pamo; bakatina kabili bakalengwa insoni. ¹² Shikafula abomba nefibombelo fyakwe, ukucipanga, abomba kumalasha. Afipanga bwino sando kabili abomba nokuboko kwa kosa. Aumfwa insala, namaka yapwa: Tanwine menshi kabili afwa icitu. ¹³ Kapanga wa mbao apima icimuti no mwando, kabili abikamo nefishibilo kukalembelo. Apanga nefibombelo fyakwe kabili abikamo nefishibilo kucakupiminako cakwe. Acipashanya ngo muntu, caba icisuma ngo muntu, pakuti cileikala mu ng'anda. ¹⁴ Atema Imikedari, nangu asala umukupri nangu icimuti ca mu oke. Asenda umwine mu ng'anda. Alimba icimuti kabili imfula eilenga ukuti cikule. ¹⁵ Elyo umuntu abomfya pa mulilo nokonta. Ee, alapangako umulilo nokupangilapo umukate. Elyo apangako ukufuma kuli cena ka Lesa nokulakontamina; apangako necilubinokulacikontamina. ¹⁶ Alabomfyako nafimo nge nkuni, aocapo nenama. Alalya nokwikuta. Alontako nokutila, ''Eya, nomba nakaba, nimona umulilo.'' ¹⁷ Icashalako ku nkuni apangamo kalesa, icimpasho cakwe; acikontamika nokushinshimuna, nokupepa nokutila, ''Mpususheni, pantu uuli kalesa wandi.'' ¹⁸ Tabaishiba, nangula ukwiluka, pantu amenso yalipofula kabili teti bamone, kabili imitima yabo teti ilike. ¹⁹ TRpali nangu umo ukutontonkanya, nangula ukwiluka nokutila, ''Ningocapo fimo ifya cimuti pa mulilo; Ee, nimpangilapo nomukate pamalasha yaciko. Ningocapo nenama pamalasha yaciko nokulya. Nomba ndepangako kucileshalako ku cimuti mumasango umbi ica kulumbanya? Kuti nakontama kucimuti?'' ²⁰ Ali ngowalelya imito; umutima wabepwa ewalemumfwa. Teti aipusushe umwine, nangula teti atile, ''Ici cintu mukuboko kwa kulyo kwandi nikalesa kabufi.'' ²¹ Tontonkanya pali ifi fintu, Yakobo, na Israele, pantu ulimubomfi wandi; nalikucitile; uli mubomfi wandi: Israele, nshakakulabe. ²² Nimfimbapo, nge kumbi ilyatikama, pamilomo yabucisanguka bobe, kabili nge kumbi, imembu shobe; bwelela kuli ine, pantu nalikulubula. ²³ Imbeni, imwe mwe myulu, pantu Yawe nacita ici; pundisha, iwe panshi ye sonde. Sekeleleni mukwimba, mwe mpili, iwe we mutengo ne cimuti icilimo; pantu Yawe nalubula Yakobo, kabili nkakulanga ubukata bwakwe mu Israele. ²⁴ Ifi efyo Yawe atila, umupashi obe, ilyo uwakulengele mwi fumo: ''Nine Yawe, nine neka uwakupangile fyonse, ekafye uwatambalike imyulu, ekafye uwalenga isonde. ²⁵ Neufulunganya ifishibilo fya balanda ifyafye kabili uushibelela uluse kubabelenga ifyafye; neubwesha amano yaba mano kunuma kabili ukufunda kwabo ubuwele wele. ²⁶ Ine, Yawe, uusuminisha amashiwi yaba bomfi bakwe kabili afileta ukupitila mu filanda kwa nkombe shakwe, uwatile kuli Yerusalemu, akekalwamo,' nakumishi yakwa Yuda, 'Bakaikula nakabili kabili nkemya ukubongolola wakwabo'; ²⁷ uutila kuli bemba washika, 'Kama, kabili nkakamya ukwenda kwa menshi. ²⁸ Yawe eumo uusosa kuli Sailasi, 'Emucemi wandi, akacita ubufwayo bwandi bonse; akapangana ne cipope pali Yerusalemu, akakula cipya cipya,' nape tempele, 'nokuleka umufula ukulwe.'''