¹ Akalanda kuli iwe, weonaula uo tabaonaula! Akalanda kuli weubemba uo tabatala ababemba! Ilyo waleka ukonaula, uli nokonaulwa. Ilyo waleka ukubeleleka, bakabeleleka. ² Yawe, mube abatupala ifwe; ifwe tulelolela; beni ukuboko kwesu cila lucelo ipusukilo lyesu munshita yamafya. ³ Panshita ya congo abantu babutuka; ilyo waima inko shasalangana. ⁴ Ubonaushi bobe nabulonganikwa ngafilya makanta ilongana; ngo kutoloka kwaba makanta. ngokutoloka kwa muntu pali ena. ⁵ Yawe ali sansabikwa. Aikala pancende iyapamulu. Akesusha Sione no mulinganya no bulungami. ⁶ Ena akaba uwacishinka munshita yenu, ukufula kwe pusukilo, amano ya cifyalilwa, na mano; akatina ka kwa Yawe ecuma cakwe. ⁷ Lolesha, impalume shabo shapunda mumisebo; inombe ishilekabila pa mutende shalila apakalamba. ⁸ Imisebo yaonaulwa; tamuli nangu bamo abalendo. Icipangano nacitobeka, bakambone nabasulwa, no muntunse tacindikwe. ⁹ Icalo calosha nokucululuka; Lebanoni alengwe nsoni nokucululuka; Sharoni ali nge ciswebebe icabatama; na Bashani na Karmele balelukusha amabula yabo. ¹⁰ ''Nomba kuti naima; ''efyalanda Yawe; ''nomba ndi nokwimishiwa pamulu; nomba nkaimya. ¹¹ Mwaimita icani cauma, ukapapa impimbili, ukupema kobe mulilo ukakupwisha. ¹² Abantu bakapya ngemito, ngefyo mateshi yamyunga yakatemwa panshi no kocewa. ¹³ Imwe mwebali ukutali, umfweni ifyo nacita; kabili, mwebali mupepi naine, ishibeni amaka yandi.'' ¹⁴ Ababembu bamu Sioni bali no mwenso; ukututuma na kwikata bonse abashipepa Lesa. Nani pali ifwe uwingekala mulubingu lwa mulilo? Pali baifwe uwingekala mu mulilo wamuyayaya? ¹⁵ Ena uyo uwenda mubulungami no kusosa icacishinka; uusula ifyuma fyakucitikishiwa, ukanya ukuboko kwakwe pakutila teti apoke amafisa kanwa, ukanya ukutwi kwakwe ukufuma mukumfwa ifyakusumya umulopa, na uyo uwisala amenso ukufuma ku kulolesha pa ifyabipa-- ¹⁶ uyu muntu uyo ukekala apalepa, incende yakwe iyabucingo ikaba cubo pakati ka mabwe, ifyakulya fyakwe fikapelwa, na menshi yakwee yakapelwa mukutekanya. ¹⁷ Amenso yobe yakamona imfumu mukuyemba kwa iko; bakamona icalo ukutali. ¹⁸ Umutima obe ukebukisha ukutina; kalemba alikwi, alikwi ena uyo ukkupima ukufina kwa lupiya? Alikwi uyo uupenda impungu? ¹⁹ Tawakamone abantu abamusalula, abantu abalanda ululimi ulweni ulo ushingofwa. ²⁰ Lolesha pali Sioni, umusumba wa mitebeto; amenso yobe yakamona Yerusalemu ngo bwikalo bwa cibote, itenti ilishingafumishiwapo, impopo shakwe tashakanukulwe nangu intambo ishili shonse ukuputulwa. ²¹ Mucifulo caico, Yawe muli bukatebelela akaba naifwe, mu ncende yamimana yapabuka ne milonga. Tapali amato yabulwi ne nkamfi ishingoba, kabili takuli na mato ayakulu ayakushika ka pamo. ²² Pantu Yawe ekapingula wesu, Yawe ekapela wa mafunde yesu, Yawe emfumu yesu; enaakatupususha ifwe. ²³ Imyando yobe ikanenuka; tetiikate umupaipi pancende; teti bafungulwile insalu kushika; ubonaushi bukalamba bukapatululwa, abalemana bakasenda ifyapokololwa. ²⁴ Nabekashi tabakalande, ''Nindwala.'' abantu bekala kulya bakelelwa Pa membu shabo.