¹ Lolesha, imfumu ikateka mubulungami, kabili umwana mwaume wa mfumu akateka mumulinganya. ² Cila umo akaba nge cintelelweukufuma ku mwela kabili icakufisamamo ukufuma ku mabimbi, nge milonga yamenshi mucalo icabula amenshi, nge cintelelwe celibweilikalamba mucalo icisuma. ³ Elyo amenso ya abo abamonatayakamone, kabili namatwiya abo abomfwa tayakomfwishe. ⁴ Abasha tekanya bakatontonkanya bwino bwino ku kumfwikisha,kabili ba cibulu bakalanda bwino bwino mukwangufyanya. ⁵ Ifipuba tafya katale afitwa abalashi, nangu uwakaso ukwitwa ka pekape. ⁶ Pantu icipuba cisosa ubuwelewele,no mutima wakwe upekanya ububi nemisango yakusangukila lesa,kabiliasosa ifyabipa pali yawe. alenga abali ne nsola ukubulwa icakunwa. ⁷ Uwakaso inshila yakwe iibi. Ena onaula abalanda ku bufi, nangu umulanda alanda icilungeme. ⁸ Lelo umulashi apanga mano yabulashi; Pamulandu wabulashi bwakwe akeminina. ⁹ Imeni, banamayo mwebali pa kutusha, no kumfwa kwishiwi lyandi; kutikeni kuli ine. ¹⁰ Pakashita akanono ukucila Pa mwaka icitetekelo cenu cikatobeka, Imwe banamayo batekanya, pantu ukusombola kwa ngano takwakabe, noku longana takwakese. ¹¹ Tutumeni, imwe bana mayo mwebali pa kutusha, sakamaneni, imwe bamo abacicetekelo; fuleni insalu shenu ishayanguka nokushala ubwamba; fwaleni insamu mu misana yenu. ¹² Imwe mukawelesha Pamulandu wa mabala ayasuma, ukutwala ifisabo fya myangashi. ¹³ Impanga ya bantu bandi Ikafusha imyunga nefimpusa fya myunga, namuli ififyonse mumayanda yansansa mumisumba yakusekelela. ¹⁴ Pantu icipango nacilekeleshiwa; nomumba uwaisulamo abantu ukasulwa; akapili no lupungu lwa kwa kalinda lukaba incengo umuyaya, ukusekelela kwa mpunda sha mpanga, umulemfwe wa mukuni wa mpanga; ¹⁵ Mpaka umupashi uketulwilwe pali ifwe ukufuma pamulu, namatololo ya kasanguke impanga ya fitwalo, ne mpanga yafitwalo ileitwa nga matololo. ¹⁶ Elyo umulinganya ukekala mu matololo; nobulungami bukekala mu mpanga ya fisabo. ¹⁷ Imilimo yabulungami ikaba mutende; nefi katumbuka mubulungami, ukukutumana ne necitetekelo umuyayaya. ¹⁸ Abantu bandi bakekala mu cibote mumayanda yacingililwa, muncende ishakutushishamo ishaba tondolo. ¹⁹ Lelo nasngu cibefyo ikaloka iya mabwe nomutengo naonaulwa, no musumba nausebana umupwilapo, ²⁰ Imwemwe balanda pa lulamba lwa milonga yonse mukapalwa, imwe mwebatuma ing'ombe shenu na ba punda kukusepa.