¹ Ubukombe pali turi: lileni imwe mwe maato yaku tashishi; pantu takuli ing'anda nangu icabu; ukufuma kucalo caku cyprus casokolwelwe kuli imwe. ² Benitondolo imwe mwe bekashi bakululamba; bashi makwebo ku sidon abenda pali bemba , bamisushishe ifyuma. ³ Pa menshi ayengi pali nseko shaku shiho, ubusomboshi bwa Nile ebwalefumya; kabili bwaishile ubwakushitishipo no kushitakunko. ⁴ Iwe we musumba wa Sidoni, ala nausebana, pantu bemba kuno kwine matenga ya muli bemba mukalamba nafikukana, filesosa afiti, ''Awe ifwe tatwatala atufyalapo abana. Ifwe tatwatala atukushapo abana baume nangufye abanakashi.'' ⁵ Nabena Egypti nabena bakacilimukila no kututuma ku mwenso, ilyo bakomfwa ukuti Turi naonaika. ⁶ Pumenipo imisowa imwe mwe bena Tashishi. Esheni ukufulumukila mu calo ca palulamba lwa pali bemba. ⁷ Bushe uyu Turi e musumba wenu uwasansa, ulya basokolwele kale nakale, mulya mwalefuma abantu abaleabuka bemba pakuya teeka ifyalo fimbi? ⁸ Bushe nani apangile ukucita ifi kuli Turi, umusumba waba shamfumu, uwatekelwe nabashimakwebo abali intungulushi ishacindamisha pa calo? ⁹ Ala ni Yawe umwine wafita ewapangile ukucita ifi, pakuti bonse abapwishe icilumba, napakuti abacindami babo nabo abacefye. ¹⁰ Uucilinganya icalo cobe ngo mulonga wa Nailo, we mwana mwanakashi wa Tashishi, pantu nomba takuli cakukulesha. ¹¹ Yawe napangwila ukuboko kwakwe pali bemba, naonaula ifyalo fya ba shamfumu. Napela icebo icakonaula imisumba yonse iya malinga, iyo abena Kenani babamo. ¹² Iwe wenacisungu mwana Sidoni, ala nacipwa, tawalesansamuka iyoo. Abantu bobe nabasanswa, nangufye balefulumukila ku Saiprasi, nako kwine tabakaye iikalako ku mwati tondolo. ¹³ Moneni icalo ca bena Kaludea balilobafye bonse nakalya nakalya. Abena Asiria ebalekele inama sha mpanga esho shise mukulaikala mu musumba wa Turi. Bena Asiria ebaishilekulako impungu pakutebelela umusumba, ebabongolwele namalinga ya musumba wa Turi, nokusha icibolya. ¹⁴ Pumenipo imisowa, imwe mwe benda namato ya ku Tashishi. Umusumba uo mwashintililemo umutima, naonaika. ¹⁵ Inshita imo ikafika ilyo Turi akalabikilwako pa myaka amakumi cine lubali, imyaka iyo imfumu imo ifwile yakokolapo pano calo. Iyo myaka amakumi cine lubali nga yapwa, elyo abantu bakalaimba Turi kwati ni cilende abati, ¹⁶ ''Bula isese lyobe, pitana mu musumba, iwe we kacilende kalabikwako. Ala akulisha isese bwino, akwimba nakabili inyimbo shobe ishingi, uleke abatemwikwa bobe bakwibukisheko.'' ¹⁷ Iyo myaka makumi cine lubali nga yapwa, Yawe akaleka Turi alebomba nakabili umulimo wakwe uwakale uwabusulwishi, Turi wine akalaisulwisha ku fyalo ifya shamfumu shonse mpanga yonse pano isonde lyonse. ¹⁸ Lelo indalama isho akamwernamo bakalashitula kuli Yawe. Tabakaleshitutila kuno iyoo, pantu bonse ababombela Yawe nisho ndalama esho bakakulambula pakushitamo ifyakulya ne nefyakufwala ifyo bakalakabila.