¹ Moneni, Yawe alesha icalo umwabula akantu nacisha icibolya, nayalula imimonekele yaciko, nokusalanganya abekashi baciko. ² Ifyofine efyo cikesaba, nakubantu, nakuli shimapepo, efyo cikaba nakumubomfi, efyo cikaba nakuli shikulu wakwe, efyo cikaba nakumubomfi umwanakashi, efyo cikaba nakuli nakulu, efyo cikaba nakuuleshita, efyo cikaba nakuuleshitisha, efyo cikaba nakubakongola, efyo cikaba nakubakongwesha; efyo cikaba nakuulepokelela icakulundapo, efyo cikaba nakuulemupela icakulundapo. ³ Icine cine mu calo mukaba umwabula akantu icapokololwa umupwilapo; pantu Yawe nalanda ili ishiwi. ⁴ Icalo nacuma nokubonsa, isonde lileonaika no muulu, nabantu abacindami mu calo nabaloba. ⁵ Nabekashi ba mu calo bacikowesha pamulandu wakupula mwi funde, baonaula ifipope, kabili batoba ne cipangano ca muayayaya. ⁶ Eico itipo calilila icalo, kabili nabekalamo basangwa nomulandu, nabekashi mu calo baocewa, kabili abantu abanono ebashele. ⁷ Kabili umwangashi uupya nauma, no mwangashi wabonsa, bonse abacetekela mu mitima yabo naifitwa. ⁸ Iciuunda cansansa ica nsambo nacileka, kabili congo ca bantu abo abasekelela; nokusekela kwa nsango nakupwa. ⁹ Nomba bonse abalenwamo umwangashi tabaleimba, kabili no bwalwa nabulula kuli abo abalebunwa. ¹⁰ Nomusumba uwalekeleshiwa naubongoloka panshi; na cila ng'anda naisalwa umwabula ukushala na kantu. ¹¹ Kwali ukulila ku bantu mumisebo pamulandu wa mwangashi; ukulekelela kwabo konse nakupwa, ne nsansa mu calo nashipwa. ¹² Namukati ka musumba mushele icibolya ne mpongolo naitobwa nokubongoloka. ¹³ Pantu ici efyo cikaba mu calo conse pakati ka nko shonse, elyo nomuti wamu olife bakaikunta, cikaba nokukolongonika ilyo ukusombola kwa fitwalo kwacitilwe. ¹⁴ Bonse bakasansula amashiwi yabo pamulu nokupunda na maka pali Yawe, kabili insansa shabo shapundilwe `ukufuma kuli bemba. ¹⁵ Eco abakucitungu akakukabanga bacindamika Yawe, nabamufishi bamuli bemba bapeela ubucindami mwishina lyakwa Yawe, Lesa wabena Israele. ¹⁶ Ukufuma na kumpela yalubali lwa calo twaumfwile inyimbo, shileti, ''Umucinshi ku mulungami!'' Lelo ine natile, ''Ningonda, ningonda ine, webulanda kuli ine! Incenjeshi nashicita ubucenjeshi; ee, incenjeshi nashicita ubucenjeshi icine cine. ¹⁷ Ukutinya, ne cilindi, ne citeyo fili pali iwe, mwebekashi ba mu calo. ¹⁸ Naonse uwafuma ukufulumuka ukufuma ku congo ca cintinya akaponene na mu cilindi, kabili onse uulefua pakati ka cilindi akekatwa nakuciteyo. Nensolokoto sha mulu shikesuka, kabili nemifula yapano calo ikatenta. ¹⁹ Icalo cikapwililika ukulepuka, ne calo nacitenshiwa lubali; ne calona citenta kubonaushi. ²⁰ Icalo cikatenta ngo muntu uukolelwe, kabili cikasunkana ukuya kunuma na kuntanshi nge nsakwe. Kabili amasambi yaciko nayacifinina kabili cikapona no kwima tacakeme nakabili. ²¹ Napali bulya bushiku Yawe akapanika ibumba lya ku mulu mumyulu, ne nshafumu sha pa calo nipa calo. ²² Bonse bakalonganikwa pamo, abafungwa mu cilindi, kabili bakesalilwa mu cifungo; kabili panuma yanshiku ishingi bakapanikwa. ²³ Lyena no mwenshi ukalengwa insoni, kabili nakasuba ukusebana, pantu Yawe wa maumba akabe imfumu nokbukata pa lupili lwa Sione na mu Yerusalemu, na pacinso cakalamba bakwe mubukata.