¹ Tumeni sukusuku kuntungulushi sha calo ukufuma ku sela mumatololo, kulupili lwa bana banakashi bamu Sioni. ² Ngafilya ifyoni nge cinsa icapaswa, eico banamayo ba ku Moabu fyaba pa fyabu fyaku mumana wa Arnoni. ³ ''Pela ifikomo, pinguleni; pekanyeni fimo ifintelelwe ngo bushiku mukati kabushku; fiseni abasalanganishiwa; mwibemba abasalanganishiwa. ⁴ Lekeni bekale pali imwe, imbutushi ukufuma ku Moabu; cibe icafiswa icifulo kuli bena ukufuma ku konaula.'' Pantu ifyabonaushi fikaleka, nefyakucilinganya fikaleka, nabonse abacushanya bakafuma mu musumba. ⁵ Icipuna cikabikwa mu cikuku; elyo umo ukufuma kwitenti lyakwa Dabidi mucishinka akekala kulya. Akapingula ngefyo afwaile ubupingushi nokucita ubulungami. ⁶ Twalyumfwa ulwa mataki yakwa Moabu, icilumba cakwe, ukuitutumunakwakwe, ne cifukushi cakwe. leelo ukuitutumuna kwakwe kwafye. ⁷ Eico Moabualilile ku Moabu bonse balilile! Baloseshe, iwe icine cine naonaulwa, kulosha ifipapatu fya Kiri Haresete. ⁸ Amabala ya Heshebone nayoma pamo nge myangashi ya Sibuma. Inkakusamfya iwe nefilamba fyandi, Hesgeboni, na Eleale. Pantu pamabala yobe aya lusuba ifitwalo nokulobolola nakupwa mukubilisha kwa kwanga. ⁹ Icine cine inkalilila pamona Yasere pamuyangashiya Sibuma. Inkakusamfya iwe nefilamba fyandi, Hesheboni, na Eleale. Pantu pamabala yobe aya lusuba ifitwalo nokulobolola nakupwa mukubilisha kwa kwanga. ¹⁰ Insansa nokwanga nafifumishiwapo ukufuma kufisabo fyamiti yalefunga; elyo takuli nokwimba, nangu ukubilisha mu mabala yamyangashi. nangu umo takamine imyangashi umwakukamina, pantu nindesha ku kubilisha kwa umo ulekama. ¹¹ Eico umutima wandi walilange nsango ku Moabu, elyo mukatikandi bwailishanya pali Kiri Haresete. ¹² Ilyo Moabu aipwisha umwine ukufuma pa cifulo capamulu nokwingila mwitempele lyakwe kukupepa, amapepo yakwe tayakapwishe nangu cimo. ¹³ Ili eshiwi ilyo Yawe alandile ukukonka Moabu ku nshita yakunuma. ¹⁴ Nakabili Yawe atile, ''Mumyakafye itatu, ubukata bwaku Moabu bukafumapo; mucifulo cabantu bakwe abaengi, abakashalapo bakaba abanono elyo abashaba namaka.''