¹ Ubukombe bwaishile palwa kwa Moabu. Mucine, ubushiku bumo mu nshita yabushiku Ari uwaku Moabu: nabikwa ku boni no konaulwa; mucine, ubushiku bumo Kiri waku Moabu naonaulwa. ² Baile pa mulu we tempele, abantu baku Dibon baile pamulu apatali mukulolesha; Moabu aleililila pali Nebo na pali Medaba. Nabeya ne mitwe yabo yonse amapala ne myefu yabo yonse nababeya. ³ Mu misebo yabo balefwala insamu; pa mitenge yama yanda yabo na mulubansa uuli onse alosha, mufilamba. ⁴ Heshabone na Eleale balomba ubwafilisho; ne shiwi lyabo lya umfwika ukufika naku Yohasi. Eico abaume babulwi abena Moabu bafwaya ukubafwa; batutuma abene beka. ⁵ Umutima wandi ulelilila pali Moabu; imbutushi shakwe shilenina ukuya ku Zoar naku Egelati Shelishaya. Balenina apakuninina ukuya ku Luhithi balelila; pa musebo ukulola ku Horonaimu balilisha pamulandu wakonaulwa kwabo. ⁶ Amenshi yamu Munirimu nayakama; icani nacibonsa; ifimena nafyuma; tapali umulemfye nangu umo uushele. ⁷ Nefyo basombwele nokutulila nabafisenda no kwabusha kwishilya lya mulonga uwali ne fimuti fyamipapula. ⁸ Ukulila nakushinguluka icitungu ca Moabu; ukuwelesha kwabo kufikile ku Egilamu naku Bere Elimu. ⁹ Pantu amenshi yaku Diboni nayesula umulopa; lelo ine nkaleta nafimbi pali Diboni. Inkalamo ikasansa abo abakafyuka ukufuma ku Moabu na abo bonse abashalapo mu calo.