¹ ''Kutikeni kuli ine mu mutalalila, mwe fishi ; lekeni inko shibweshe cipya cipya amaka ya shiko; lekeni bese mupepi no kulanda; lekeni twise pamo mupepi tulanshanye pa cimfulunganya. ² Nani acincisha pamo ukufuma ku kabanga, ukubeta mu bulungami ku mulimo wakwe? ayikatenye inko kuli ena no kumwafwa ukucimfya ishamfumu. Ababweseshe ku kulukungu no lupanga lwakwe, ngo mwela ulepunganya uuleulusha impimbili ku kubutuka bwakwe. ³ Ale bakonka lunkwa-lunkwa no kupita mumutende, mu tushila umo ashabala apita na makasa yakwe. Nani ⁴ acitile no kupwilishisha ificitwa ifi? Nani aitile inkulo ukufuma ku kuntendeka? ine, yawe, intendekelo, kabili ne mpela iine, nine wene. ⁵ Ifinshi fyalemwene no kutiila; impela ye sonde yatuntuma; bali pa leme no kufika. ⁶ Cila umo afwe umwina mupalamano wakwe, na cila umo asosele kuli umo no munankwe, ' Ikoselesheni.' ⁷ Eico kapala wa mbao akoseleshe kengulula wa golinde, na uyo leengelela pakuti cilakupukula. ⁸ Lelo iwe, isreale, wemumbumfi wandi, yakobo uo nasalile, ufyashi wakwa Abramu cibusa wandi, ⁹ Iwe weo ndebwesha ukufuma incende sha nkutali, na kuli uyo natile,' uli mu bomfiwandi;' ninkusala kabili nshakakukane. ¹⁰ Witina, pantu ndinaiwe. Wisakamikwa, pantu nine Lesa obe. nkakukosha. no kukwafwa. kabili nkakutungilila ku kuboko kwandi ukwalungama ukwa ku kulyo. ¹¹ Mona, bonse abafulilwa iwe, bakalengwa insoni kabili bakasebana; abo abalekukana bakaba nge fyafye kabili ba konaulwa. ¹² Ukufwaya kabili tawakabasange abo walelwanabo; abo abalekwimina bakaba nga bafye, kabili abafyefye. ¹³ Pantu ine, Yawe Lesa obe,' nkekata ukuboko kobe ukwakukulyo, nale kuli iwe, witiina; Ndekwafwa; ¹⁴ Witiina, Yakobo we mwambo, kabili imwe mwebaume ba kwa Israele; Nkakwafwa ububukombe bwa kwa Yawe, kalubula obe, uwa mushilo wakwa Israele. ¹⁵ Ine nkanina apatali nokufika pa mulu wa makumbi nkaba ngo wapulamo.' Tepapa nomba Yawe nakufwinta ku calo cabafwa ku nindi ukwa shika. ¹⁶ ''Abakumona bakalakutamba, bakulakulolekesha nokulaipushanya abati, 'Bushe uyu muntu teulya apukenye icalo nokululunkanya ifyalo ne sha mfumu? ¹⁷ Bushe teulya aonawile imisumba, nokusangula isonde lyonse amatololo? Bushe teuyu alekaanya ba nkole ukubwelelamo kumyabo? ¹⁸ Ishamfumu shonse ishatekele pano calo shalala mululumbi, cila umo alala mu ndi yakwe yine. ¹⁹ Nomba iwe tawakwatapo inindi, ne citumbi cobe caliposwa kunse kwati ciposwa ica kaanwa. Califimbwa nefitumbi fya bashilika abafwilile mu nkondo, fyonse pamo fyaliposwa mu cilindi ca mabwe, nokushindaila bacishindaila. ²⁰ Iwe tawakashikwe nge fishikwa isha mfumu shimbi, pantu iowe walyonawile icalo cobe, walipeye nabantu bobe. Mulupwa lobe ulubi tamwakalumbulwe nelyo umo kukushalapo. ²¹ ''Aleni tampeniko ukwipaya abana baume aba iyi mfumu. Ba mwane bali nokufwa pamulandu wabubifi bwa fikolwe fyabo. Tapakatale apaba nakabili mwene nangu umo uukatekapo icalo nangu ukufushamo imisumba.'' Yawe akonaula Babiloni ²² Yawe umwine wafita alisosele ati, ''Ine nkasansa umusumba wa Babilon nokuonaulafye kalya kalya. Nshakashemo kantu, nshakashemo mwana, nangufye umuntu umbi uwakuti akashalemo alepema.'' Efyasosa Yawe. ²³ ''Nkasangulula umusumba ukuba icifulo umwakusangwafye ifipululu, kabili akaba nga tefwe tefwe. Nkapyanga Babilon ku ceswa cabonaushi, efyasosa Yawe umwine wamaka yonse.'' ²⁴ Yawe umwine wafita alilapile ati, ''Cinefye ifyo ine napanga ifili nokucitika ifyo ine napingula ukucita, ifyo cikaba. ²⁵ Ine nkalofya abena Israeli mu calo candi, nokubanyantaulapo mu mpili shandi. Nkapusuhsa abantu bandi kwikoli lya bena Israeli, nkabatulako ne fipe ifyafina ifyo basenda. ²⁶ Efyo ine napanga ukucitila isonde lyonse, nokuboko kwandi ninjimya pakulimuna abantu bamishobo yonse.'' ²⁷ Ee apo Yawe umwine wafita apangile ukucita ifi, nga nani uwingamucilima? Apo emishe ukuboko kwakwe, nga nani uwingakubwesha? Yawe akalofya aba Filisiti. ²⁸ Umwaka uo imfumu Ahasi afwililemo, kwatulile amashiwi kuli Lesa ayakuti, ²⁹ ''Imwe mwe ba Filisiti, inkonto yalemikupaula naikontoka, lelo kwena mwilacankwa pali uyu mulandu, pantu insoka imo ikafyala impini, impini nayo ikafyala insoka yabusungu iikalapupuka. ³⁰ Nomba abalanda bene bene ine ne Yawe nkalabasunga, nababusu bakalaikalila kumatwi tondolo. Nomba imwe mwe ba Filisiti, awe nkamuletela icipowe icabipisha, icishakashepo nangu umo umubi pali imwe. ³¹ ''Imwe mwe misumba yonse iyaba Filisiti, pumenipo imisowa, akukuteni mutule. Imwe mwe misumba akukankeni kumyenso. Pantu ulukungu lulya lulefutumuka, luletula lubali lwakukapinda kakukuso, ne bumbva lya fita umushaba kuwe nelyo umo mumpuka shaliko. ³² Nga kanshi ifwe tukasuka shani inkombe shatwishiba ukufuma ku mushobo wafita? Ifwe tukashebafye ukuti, 'Ala ni Yawe ewasokolola Sioni, nabantu bakwe abacula emo bafisama.''