¹ Yosefu akambishe uwali umukalamba pa ng'anda yakwe, atila, ''Isusha ifya kulya, mu mifuko yabantu aba ifyo benga senda, ubwekeshemo nolupiya umo umo mu mufuko wakwe. ² Leelo ubikemo kapu yandi, iya Silfere mu mufuko wa mwaice nolupiya lwakwe ulwakushitamo ifyakulya. ''Umukalamba nao acitile ifya mwebele Yosefu. ³ Ilyo bwacele ulicelo elyo aba bantu babalekele ukuya, na bapunda babo. ⁴ Ilyo bafumine mu musumba leelo balitabafika kutal, Yosefu atile kumu bomfi wakwe, ''Ima, bakonke balya bantu ubasange nobacilila nokubeba ukuti, cinshi ico mwabwesesha ububi pa fyakulya ifi? ⁵ Bushe tekapu yakwa Shikulu wandi anwinako, kabili ni kapu iyo abomfya mukubulilako? Mwabifya, pakuti icibi napali ifi mwacita.'' ⁶ Umubomfi ali basangile nokulanda amashiwi kuli bena. ⁷ Leelo batile kuli ena, ''Cinshi Shikulu wandi alandila amashiwi yamusango uyu? Ukufuma ukutali ababomfi benu tekuti bacite icamusango uyu. ⁸ Moneni, ulupiya ulu ifwe twasangile mu mifuko yesu, mwatubwesha nakabili ukufuma mu calo ca Kenani. Nga nomba kuti twaiba shani silfere na golide ukufuma mung'anda yakwa sokulu? ⁹ Nomba pali ifwe fwe babomfi benu uwalasangwa nafyo, lekeni afwe, naifwe bonse tuleba na basha bakwa sokulu obe.'' ¹⁰ No mubomfi atile, ''Nomba ukulinga nefyo mulandile. Uwalasangwa nayo aleba umusha wandi kabili imwe muleba abakaele.'' ¹¹ Elyo cilaumo ayangufyenye ukwikisha umufuko wakwe panshi nokuleta, kabili cila muntu alaisula no mufuko wakwe. ¹² No mubomfi atampile ukulondamo. Atampile kumukalamba wabo nokulekelesha umwaice, na kapu yasangilwe mu mufuko wakwa Benjamini. ¹³ Elyo balepwile ifyakufwala fyabo. Cila muntu atwikile icipe cakwe pali punda wakwe nokubwelela ku musumba. ¹⁴ Yuda naba munyina baishile mu ng'anda ya kwa Yosefu. Kabili Yosefu ali acili mulya, bawile kucinso cakwe. ¹⁵ Yosefu atile kulibena, ''Cinshi mwa citila ici cintu? bushe tamwishibe ukuti ine ngo muntu nalicenjela ukubuka?'' ¹⁶ Elyo Yuda atile, ''Cinshi ifwe twalalanda kuli Shikulu/ twalalandashani? nangu twalacita shani pakuti mushininkishe ukuti tuli bakaele? Lesa wacine nasanga ifilubo fyaba bomfi bakwe. Moneni, twalaba abasha bakwa Shikulu, ifwe bonse elyo nao kapu asangilweko.'' ¹⁷ Yosefu atile, ''Tekuti ncite icabipa fyo. Uo kapu alesangwa mu minwe yakwe, uyo muntu euleba umusha wandi, leelo imwe, kabiyeni umutende ku shinwe.'' ¹⁸ Elyo Yuda aishile palama mupepi nokutila, ''We shikulu wandi, napapata mwingaleka umubomfi wenu alande shiwi pakuti mumfwe mwe shikulu, kabili mwileka ubukali bwenu bwimine umubomfi wenu, pantu imwe muli nga Farao. ¹⁹ Shikulu wandi aipwishe ababomfi bakwe, atila, ''Bushe mwalikwata shinwe nangu munyinenwe?'' ²⁰ Elyo ifwe twatile kuli shikulu, ''twalikwata shifwe, umukote no mwana wa bukote bwakwe, umwaice. leelo munyina wakwe alifwa, ena eka ewashala muli nyina uno. Kabili ba wishi alimutemwa. ²¹ Elyo panuma mwatile kuba bomfi bobe, ''Kabiyeni mu mulete kuli ine pakuti ine nkesemumona? ²² Panuma, twatile kuli shkulu, ''Umulumendo tekuti ashe wishi. Pantu nga ashile wishi, wishi kuti afwa. ²³ Elyo mwatile kuba bomfi benu ati, ''Kano nga mwaisa na munyinenwe umwaice kuno, tamwakamone icinso candi na kabili.'' ²⁴ Elyo twaimine nokuya ku mubomfi wenu shifwe nokumweba amashiwi yonse ayakwa shikulu. ²⁵ Shifwe atile kuli ifwe, ''Bwelelenimo na kabili, katushitileniko ifyakulya.'' ²⁶ Elyo ifwe twatile, ''Twafilwa ukuyako, kano nga tuli na munyinafwe umwaice, elyo ifwe twalay, pantu tekuti tumone icinso ca ulya muntu nga tatuli na munyinefwe umwaice.'' ²⁷ Umubomfi wenu shifwe atile kuli ifwe, ''Mwalishiba imwe ukuti umukashi wandi afyele kuli ine abana baume babili. ²⁸ Umo pali balya alinshile nandi antile, ''Icine cine nabamulepaula mufipimfya, kabili ine nshamumona ukufika nalelo,'' ²⁹ Nomba uyu nao nga mwamusenda ukufuma kuli ine, kabili icabipa camucitikila, ninshi mukantente mushisha mu manda ne wa Mishishi ya mfwi mububi. ³⁰ Nomba, eico ilyo ine nkafika ku mubomfi obe shifwe wandi, ukwabula uyu mulumendo pamo naifwe, apo umweo wakwe walambatila ku mweo wa mulumendo, ³¹ nomba ilyo fye akamona ukuti umulumendo talipo, akafwa apopene, ninshi fwe babomfi benu tukakatenetmushisha umushishi wamfwi umubomfi wenu shifwe wesuku manda pamulandu wa cikonko. ³² Pamtu ne mubomfi wenu nali cikatilo pamulumendo pakumufumya pali shifwe natile, nganafilwa ukumubwesesha kuli iwe, ninshi nabembuka kuli shifwe umuyayaya. ³³ Eico nomba, shilekeni ne mubomfi wenu nshale umusha kuli Shikulu ukucila umulumendo ayapamo na bamunyina. ³⁴ Pantu kuti naya shani kuli shifwe ukwabula umulumendo pamo nandi? Epali namona bucushi ubukesa pali shifwe.''