¹ Caali ngefi mukuya kwashiku, katumika wa lukombo lwa mfumu yaku Egyipiti na kapaanga wa mukate wa mfumu balibishe kuli shikulu, imfumu ya Egyipiti. ² Farao afulilwe abbomfi bakwe aba babili, umukalamba waba katumika wa lukombo no mukalamba waba kapanga wa mukate. ³ Abapoosa mu cifuungo mu ng'anda yakwa kangalila waba malonda, mu muputule umo wiine umo bakakile Josefu. ⁴ Kangalila waba maloonda abapeela kuli Josefu, ewalebasunga no kubatumika. Baikeele mu cifuungo pa nshita-ntali. ⁵ Bonse pamo cila-umo balotele icilooto-katumika wa lukombo na kapanga wa mukaate wa mfumu ya Egyipiti abo abakakilwe mu cifuungo-cila-muntu alilotele icilooto cakwa mu bushiku bumu bwino, na cila-cilooto calikwete ubupilibulo bwaciko. ⁶ Josefu ilyo aishile kuli beena uluceelo abalolekesha. Moneni, baali abasakamana. ⁷ Aipwishe ababomfi bakwa Farao aba aali mu cifuungo mu ng'anda yakwa shikulu, atiile, ''Cinshi mulemonekela aba bulaanda ngashi ileelo?'' ⁸ Batiile kuli eena, ''Ifwe bonse pamo cila-umo natuloota icilooto no wakutulondolwela tapali neelyo umo.'' Josefu abebele ati, ''Tali ukwilula kwabafye kuli Lesa? Ngabeni, napapata.'' ⁹ Umukalamba waba katumika wa lukombo aebele Josefu iciloto Atile kuli eena, ''Mu cilooto candi, nacimona, umwangashi waciba pa ntanshi yandi. ¹⁰ Umwangashi waciba ne misambo itatu. Cilyafye amabuula yatuumba, no kubalula yabalula yatwala ne fisansangu fya myangashi iyapya. ¹¹ Ulukombo lwakwa Farao lwaciba mu minwe yandi. Epakubuula imyangashi nalaikamina mu lukombo lwakwa Farao, na yabiika no lukombo mu minwe yakwe Farao. ¹² Josefu atiile kuli eena, ''Ubu e bulondoshi bwa ciko. Imisambo itatu ni nshiku shitatu. ¹³ Mukkati ka nshiku shitatu Farao ali noku kusumbula noku kubwesesha pa milimo yobe walebomba. Ukulabiika no lukombo mu minwe yakwa Faroa walebomba. Ukulabiika no lukombo mu minwe yakwa Farao, nga filya fiine walecita ilya waali katumika wa lukombo wakwe. ¹⁴ Leelo ukanjibukisha nga fyaenda bwino kuli iwe, kabinge napapata ukankwatileko luse. Ukanadileko kuli Farao ukuti akamfumyeko muli cino cifuungo. ¹⁵ Icine-cine bamfumishefye ku caalo ca Bahibulu. ku bulaamba. Nakuno kwine tapali ico nacita icakuti bambiike na muli cino cifuungo. ¹⁶ Ilyo umukalamba wa bakapaanga wa mukaate amona ukuti ukwilula kwabo ukwayaana, asosa kuli Josefu ati, ''Naine wiine naliloota, ifyo nalotele, namwene, imiseke ya mikaate itatu yaali pa mutwe wandi. ¹⁷ Mu museke wacipela pa muulu mwali ifyasalulwa icisuma ifyamisango-na-misango ifyakwa Farao, leelo ifyooni fyacilalya ukufumya mu museke wiine uo naciseenda pa mutwe wandi.'' ¹⁸ Josefu amwaswike ati, ''Ifyo cilepilibula nifi: imiseke itatu ni nshiku shitatu. ¹⁹ Mukati ka nshiku shitatu Farao ali no kusunsumbulo mutwe cobe no ku ufumyako elyo akakukulika pa cimuti Ifyoni fikalakonkobola ne minofu yobe. ²⁰ Caali pa bushiku ubwaleenga shitatu ubo ubwali bwakusefya ukufyalwa kwakwa Farao. Apangiile ababomfi bakwe bonse umutebeto. Elintu aimishe umukalamba wa bakatumika wa lukombo no mukalamba waba kapanga wa mukate pakati ka babomfi bakwe. ²¹ Umukalamba wa bakatumika wa lukombo bamubweseshe pa milimo yakwe, na kabali no lukombo mu minwe yakwa Farao. ²² Leelo akuliile umukalamba wa bakapanga wa mukate, ngomo Josefu abelwilile. ²³ Umukalamba wa bakatumika wa lukombo ukufika na pali ii nshita taibukishe kuli Josefu nakalya, leelo alimulabileko.