¹ Josefu bamuletele ku Egyipiti. Potifa, umubomfi wakwa Farao uwaali kakansha wa ba maloonda kabili Umwina-Egyipiti amushita ukufuma ku Bena-Ishimaelo, abamutwele kulya. ² Yehoba aleeba na Josefu kabili aali umuntu uwashuka ngashi. Aleikala mu ng'anda yakwa shikulu wakwe Umwina-Egypiti. ³ Shikulu wakwe alimwene Yehoba aali nao no kuti Yehoba alemulenga kuba uwashuka muli fyonse ifyo alecit. ⁴ Josefu asanga kutemwikwa pa cinso cakwa wishiulu Alepyungila Potifa. Potifa epakucita Josefu ukuba kangalila wa ng'anda yakwe yonse, ne fintu fyonse ifyo akwete, e walefisunga. ⁵ Ukufumafye pa nshita yine ilya amusontele ukuba kangalila wa ng'anda yakwe yonse napa fintu fyonse ifyo akwete, Yehoba apaalile ing'anda ya Mwina-Egyipiti pa mulandu wakwa Josefu. Ipaalo lyakwa Yehoba lyali pali fyonse ifyo Potifa akwete mu Mung'anda namu mabala. ⁶ Potifa abuula ifintu fyonse ifyo akwete afifuntwile muli Josefu nga kasunga wafiko. Kanshi talesakamana pa cintu nangu cimo kanofye pa fyakulya aleelya epela. Nomba Josefu aali uwatelela busaka-busaka no mubili uwakalembulo. ⁷ Napa numafye mukuya kwa nshita muka-shikulu wakwe atontele amenso pali Josefu no kutiila, ''Isa tulaale nobe.'' ⁸ Leelo alikeene no kweba muka-shikulu wakwe ati, ''Moneni shikulu wandi tasakamana kuli fyonse ifyo ncita muno nga'anda, na fyonse ifyo akwata afibiika ukusungwa mu maboko yandi. ⁹ Tapali uwacila pali ine muli ino nga'anda. Kabili tafisapo icintu nelyo ciimo kuli ine kanofye iwe, pantu niwe mukashi wakwe. Nga kanshi nomba kuti nacita shani icabiipa umusango yu nakabili icili lubeembu kuli Lesa?'' ¹⁰ Alelansha Josefu ni cikanga ni cila-bushiku, leelo alikeene ukulaala nao neelyofye kuuba nankwe pamo. ¹¹ Ubushiku bushilile kantu aile no kwingila mu ng'anda ku kubomba imilimo pamo nga pee. Pa baume bonse abalebomba mu ng'anda tapaali nelyo umo uwalimo. ¹² Efyo amusakatile mu fyakufwala no kutila, ''Isa tulale noobe.'' Epakufyombotokamo, amusha ne cakufwala cakwe mu minwe, no kufumina panse. ¹³ Caishile nga aciba, ilyo amwene ukuti nomba asha ne cakufwala cakwe mu minwe yakwe no kubutukila panse, ¹⁴ ico icalengele ukwita abaumu abaleboomba, yakwe no kubeela ati, ''Moneni, uyu umu Hibulu Potifa aleeta muno lisebanya-bantu. Aciisa ingila no kwisa kuli ine ukuti tulaale nankwe, na ine epa kupuunda. ¹⁵ Caciba ngefyo ilyo aumfwa napuunda, epa kusha icakufwala cakwe kuli ine, afulumuka, no kuya panse.'' ¹⁶ Uyu nakulu-bantu alefuka-fukafye ne cakufwala cakwa Josefu mpaka ukufikafye ilyo shikulu-wakwe abwelele pa ng'anda. ¹⁷ Amwebele no kumulondolwela ati, ''Uyu umu Hibulu umusha uo waleeta kuli ifwe, acisanyingilila no kumpondensoni. ¹⁸ Caciba ngefi ilyo nacisa puunda, elyo acifulumuka nokusha icakufwala cakwe kuli ine. ¹⁹ Caali ngefyo, ilyo shiulu wakwe aufwile ubulondoloshi bwa mukashi wakwe ilyo amwebele ukuti, ''Ifi efyo umusha obe acicita kuli ine,'' Afulilwe nganshi. ²⁰ Shikulu wakwe Josefu amusendele no kumubiika mu cifungo, ku cifulo uko abafuungwa ba mfumu balekakilwa. Na mu cifuungo alesangwa. ²¹ Leelo Yehoba ali na Josefu no kulaanga icipangano ca bufumu-cumi kuli eena. Amulengele no kutemwikwa ku cinso cakwa kosunga wa baffungwa. ²² Kasunga bafuungwa nao abuula abafuungwa bonse abapeela mu minwe yakwe Josefu bonse umo babeele mu cifungo. Pali fyonse ifyalecitika mulya, Josefu ewalelolekeshapo. ²³ Kasunga wa bafuungwa talesakamana icili conse nga cili mu kuboko kwakwe, pantu Yehoba aali na eena. Yehoba alemupeela muli fyonse ifyo alecita.