¹ Caishile panuma ya myaka ibili intntulu ilyo Farao alotele iciloto. kabili moneni naiminina mumbali ya mumana wa Naelo, ² Moneni, ing'ombe cine lubali shilefuma mumumana wa Naelo, shilemoneka ishayemba kabili ishaina. Shilely umulemfwe mumatete. ³ Moneni, ishimbi ing'ombe cine lubali shilefuma mumumana wa Naelo ukokonka pali she, shelemoneka ishabipa kabili isha onda. Shaiminine bushilya mululamba lwa mumana wa Naelo. ⁴ Elyo ishing'ombe ishalemone ishabipa kabili ishaonda shalile ing'ombe ishayembele kabili ishaina. Elyo Farao alishibwike. ⁵ Elyo alele ali lotele iciloto pamiku wabubuli, moneni kwali imituoe yangano cine lubali ishisuma shilefuma ⁶ Moneni, imitwe cinelubali iyaonda elyo iyaswaluluka kumwela wakukabanga, ilemena. ⁷ lyaonda mitwe shacibawile ishalemfuma ishamitwe ikulu. Farao alishibwike, elyo, moneni, cali ciloto. ⁸ Cali nimulocelo nomupashi wakwe wacushiwe. Afumine no kwita abamalele elyo nabantu abamu Egyipiti. Farao abebele ulwa filoto fyakwe, lelo tapali nangu umo uwingewila kuli Farao. ⁹ Elyo imfumu yabakasumika yalandile kuli Farao, ''ílelo ndetotonkanya pamilandu yandi. ¹⁰ Farao alifulilwe ababomfi bakwe, no kubika ine mukalyati munganda yakwa kapitao wabamalonda, imfumu yabakafumbika naine. ¹¹ Twalotele iciloto ubushiku bumobwine, ena na ine. Twalotele cilamuntu uukulingana nokwilula kwaciloto cakwe. ¹² Kwali umuhebere uwacine muli ifwe, umubomfi wakwa kapitao wabamalonda. Twalimwebele ena elyo atwilwilile ifiloto fyesu. Ailwile kuli cila umo ukulingana neciloto cakwe. ¹³ Caishile ilyo atwilwilile kuli ifwe, kabili calicitike. Farao alimbweseshe pacifulo candi, lelo uumbi alimukulike.'' ¹⁴ Elyo Farao atumine no kuyaita Yosefu. Bwangu bwangu bali mufumishe mucilindi. Alibeele umwine, alicingishe ifyakufwala no kwingila kuli Farao. ¹⁵ Farao alandile kuli Yosefu, ''nalikwete iciloto, lelo tapaba kelula kuli ico. Lelo nalyumfwa palwa iwe, ukuti ilyo waumfwa iciloto kuti wailula.'' ¹⁶ Yosefu ayaswike Farao, nokutila, ''temuli ine. Lesa alinokwasuka Farao nomutende.'' ¹⁷ Farao alandile kuli Yosefu, ''muciloto candi moneni, naiminine palulamba lwa NIle, ¹⁸ Moneni, ingombe cine lubali shafuma mu Nile, ishaina elyo ishisuma, elyo shalameme mumatete. ¹⁹ Moneni, ing'ombe cinelubali cafunine panuma shaisho. Ishishakosoloka ishishalemoneka bwino, elyo ishaonda. Nshatalile mbonapo mumpanga yonse iya Egyiti ishishalemoneka bwino ngesho. ²⁰ Ishaonda nokukanamoneka bwino shalile shonse ingombe ishalemoneka bwino ishabalilepo. ²¹ Ilyo shonse nabashilya tekuti cishibikwe ukuti nashilya shonse palishilya. Pantu shalifye ishalemoneka bwino ukucila nefyo sha kumuma. Elyo nalishibwike. ²² Naliloleshe muciloto candi, no, kumona, imitwe cine lubali iyanga no yapandana ukufuma muli cimo, iyatwamisha elyo isuma. ²³ Moneni, imitwe naimbi cine lubali-yafotele, ukonda, nokusokoteka kumwela wakukabanga-yaimine ilya. ²⁴ Lyaonda yaminawile imitwe yangano cinelubali isuma. Naebele aba malele ifi filoto, lelo takwali nelyo umo uwinganondolwela kuli ine.'' ²⁵ Yosefu atile kuli Farao, ''Ifiloto fyakwa Farao fimofine. Ifyo Lesa alimukucita, napingula kuli Farao. ²⁶ Ingombe cine lubali ishisuma myaka cine lubali nemitwe yangano cine lubali isuma myaka cine lubali. Ifiloto fimofine. ²⁷ Ing'ombe cine lubali ishaonda elyo ishishalemoneka bwino ishoshamoneke panuma yoshilya myaka cine lubali, elyo kabili imitwe iyaonda cinelubali iyapungashiwile nomwela wakukabanga ikab myaka cine lubali iyacipowe. ²⁸ Ico ecintu ico nalandile kuli Farao. Ifyo Lesa ali nokucita na sokolwela kuli Farao. ²⁹ Lolesha imyaka cinelubali mukaba ifyakulya ifingi mumpanga yonse iya Egyipiti. ³⁰ Imyaka cine lubali iya cipowe ilinokwisa panuma, nafyose ifya mubwingi fili nokulabwa mumpanga ya Egyipiti, elyo icipowe cikaku mana impanga yonse. ³¹ Nokufula takwakebushiwe mumpanga umulandu wacipowe ico icili nokukonkapo, pantu cikaba icayafya. ³² Icakuti cilya ciloto cali bwekeshiwepo kuli Farao nipamualandu umulandu nawishibishawa na Lesa, na Lesa alacita ici bwangu. ³³ Nomba lekeni Farao amano umuntu uwamusangwela na mano, elyo amubike ena pampanga ya Egyipiti. ³⁴ Lekeni Farao asonte abakwangalila pampanga elyo lekeni basende ifilyo fyabusano ifya Egyipiti mu myaka cinelubali iya fyakuya. ³⁵ Lekeni bena ba longenye ifyakulya fyonse muli iyo isuma ileisa no kututila ingano mumaka ya kwa Farao, pantu ifyakulya fikalabomfiwa mumi sumba. Bafwile ukufisunga. ³⁶ Ifyakulya fikaba fyakulisha kumpanga pamyaka cine lubali iyacipowe icikaba mumpanga ya Egyipiti. Muli iyinshila impanga tailinakuponenwa na cipowe. ³⁷ Uku kupandwa amano kwali ukusuma mumenso yakwa Farao elyo namumenso yababomfi bakwe bonse. Farao alandile kubamfi bakwe bonse. ³⁸ Farao alandile kubabomfi bakwe, ''Kuti twasangako umuntu ngo uyu muli wena umuli umupashi wa kwa Lesa. ³⁹ Kabili Faro alandile kuli Yosefu, ''apo Lesa nakulanga fyonse ifi, takuli nelyo umo uli uwamusangwelana mano nga iwe. ⁴⁰ Iwe walaba kung'anda yandi, elyo ukukonka neshiwi lyobe abantu bandi bonse ba lekonka. Nimulongwe emonalebela umukalamba pali iwe. ⁴¹ Farao alandile kuli Yosefu, ''mona, nakubika umukalamba pampanga yonse iya Egyipiti.'' ⁴² Farao afulile inindaminwe ukufuma kukuboko no kufwika kukuboko kwakwa Yosefu. Amufwiike ena ne fyakufwala ifyatelela ifyamushilwa, bamubikile nomunyololo wa golide mumukashi wakwe. ⁴³ Abulengele ena ukwisha iceleta lyabubili elyo akwete. Abantu babilikishe pali wena, ''Ukufuma amakufi, ''Farao amubikile umukalamba pampanga yonse iya Egyipiti. ⁴⁴ Farao alandile kuli Yosefu, ''nine Farao, elyo ukufumyako iwe takuli umuntu uwingemya ukuboko kwakwe nangu ulukasa lwakwe mumpanga yonse iya Egyipiti. ⁴⁵ ''Farao aitile Yosefu ishina safenati-panea.'' Amupele ena Asnati, umwana mwanakashi wakwa potifera shimapepo ukuba, ngomukashi. Yosefu aile nokuba umukalamba pa mpanga ya Egyipiti. ⁴⁶ Yosefu alinemyaka amakumi yatatu ilyo aminine pa cakwa Farao, imfumu ya Egupti. Yosefu afumine po pacinso cakwa Farao, elyo aile mumpanga Yose iya Egyipiti afumine po pacinso cakwa Farao, elyo aile mupanga Yosefu iya Egyipiti. ⁴⁷ Mumyaka cine lubali iyafyakulya impanga yafumishe ifingi. ⁴⁸ Akolongenye ifyakulya fyonse ifyamyaka cinelubali iyo yali mumpanga ya Egyipiti nokubika ifyakulya mumisumba. Abikilemo muli cilamusumba ifyakulya fyamumabala ayo ayashingulwike. ⁴⁹ Yosefu atutile ingano kwati mucanga wapambali lwamumana, ifingi icakuti alekele ukupenda, umulandu fyafuma mukupenda. ⁵⁰ Yosefu ali nabana bababili iyo imyaka yacipowe tailaisa, aba Asenati, umwana mwanakashi wakwa Potifera shimapepo abo amufyalile ena. ⁵¹ Yosefu aitile ishina lyawakubalilapo Manase, pantu alandile, Lesa nenenga ine ukulaba kumafyafya yandi yonse nakubangandi yakwatata bonse.'' ⁵² Aitile ishina lwa wabubili umwana mwaume Efraimu, pantu ena alandile, ''Lesa nanenga ukuba nabana abengi mumpanga naculilemo. ⁵³ Imyaka cinelubali iyafyakulya ifingi iyali mumpanga ya Egyipiti yaliisa yapwa. ⁵⁴ IMyaka cinelubali iya cipowe yatampile, ngefyo Yosefu alandile. Kwali icipowe mumpanga yonse, lelo mumpanga yonse iya Egyipiti mwali ifyakulya. ⁵⁵ ILyo impanga yonse iya Egyipiti ya pwililwe ifyakulya, abantu balepundilila kuli Farao ifyakulya. Farao alandile kubena Egyipiti, ''Kabiyeni kulu Yosefu nokucita ico alesosa.'' ⁵⁶ Necipowe caponene mumpanga yonse, Yosefu aiswile amatala nokushitisha kubena Egyipi. Icipowe cacililemo mupanga ya Egyipiti. ⁵⁷ Icalo conse caleisa ku Egyipiti mukushita ingano ukufuma kuli Yosefu, umulandu ici powe cali cili lemo mucalo conse.