¹ Isaki aitile Yakobo, nokumupala nokumu konkomesha ati, ''Iwe taufwile kupa umukashi ukufuma mubena Kenani. ² Ima, kabiye ku Padani, Aramu, ku ng'anda yakwa Betuele noko wakwa wiso, nakulya kwine eko ukufumye umukashi, umo pabana banakashi bakwa Labani ndume yaba noko. ³ Kabili Lesa wamaka yonse akakupala, nokukulenga ukufula nokusanda, naiwe ukesaba ne bumba lya bantu abengi. ⁴ kabili akakupela ipalo lyakwa Abrahamu, iwe nakubufyashi bobe na panuma yobe, pakuti winga pyana icaalo umo imwe mwaikele, ico Lesa apeele kuli Abrahamu.'' ⁵ Awe Isaki atumine Yakobo ku Padani Aramu, kuli Betuele mwina Sira, ndume yakwa Rebeka, nyina wakwa Yakobo na Esau. ⁶ Kabili Esau amwene ukuti Isaki napala Yakobo nokumutuma ukuya ku Padani Aramu, mukuyafwaya umukashi wakupa kulya kwine. Kabili amwene kuti Isaki amupalile nokupela ikambisho, ukutila, ''Taufwile ubuula umukashi ukufuma muli banakashi bamu Kenani.'' ⁷ Esau kabili amwene ukuti Yakobo naumfwile wishi naba nyina, kabili baya naku Pagani Aramu. ⁸ Elyo Esau amwene ukuti abanakashi bamu Kenani tabasekeshe Isaki kuli wishi. ⁹ Eico Esau aile kuli Ishameele, nokubuula, ukulunda pabakashi abo akwete, mahaliti mwana Ishamaele, mwana Abrahamu, nkashi yakwa nebayote, ukuba umukashi wakwe. ¹⁰ Yakobo afuma beeresheba no kuya kulya ku Harani. ¹¹ Aishile kuncende imo ifi aikele kulya kwine ubushiku bonse, pantu akasuba kaliwile. Abulilepo nelibwe limo pamabwe pa ncende ilya, epo abika umutwe asendema nokuulala pancende palya pene. ¹² Alotele nokumona umutanto nawimikwa pesonde nokufika mu mulu. Impela yafikile mu mulu naba malaika wakwa Lesa baleninapo nokwikila. ¹³ Moneni, Yawe eminine pamuulu atile, '' Nine Yawe, Lesa wakwa wiso wakwa Abrahamu, kabili Lesa wakwa Isaki. Icaalo ulemina nkacipela kuli iwe nakubantu bobe. ¹⁴ kabili nabantu bobe bakafula ngo lukungu lwa pano isonde, kabili ukasalanganina ku ma samba na kukabanga nakukapinda kakuso nakukapinda ka kukulyo. Kabili muli iwe namu bantu bobe emo indupwa shonse isha pano isonde shikamwene ipaalo. ¹⁵ Moneni, nakulaba nemwe, kabili nakulakulinda konse uko uleya. Kabili nkakubweshesha nakabili mucalo ici; pantu nshakakushe. Ine nkacita fyonse ico nakulaile.'' ¹⁶ Yakobo ashibwike mutulo, nokutila, ''mucine cine Yawe ali muli ino ncende, ukwabula ine ukwishiba.'' ¹⁷ Alinomwenso kabili atile, ''Pano pantu pakutiina nganshi! Cine cine pano epa ng'anda yakwe Lesa. Kabili empongolo ya mu mlu. ¹⁸ Kanshi Yakobo abukile ulucelo nokubuula ilibwe ilyo abikile umutwe wakwe. Nokulimika nokupongolwelapo amafuta pamulu we libwe. ¹⁹ Kabili akutile iyi ncende ati Betele, nomba ishina lya musumaba ulya walini Lusi. ²⁰ Yakobo alapile umulapo atile, ''Nga Lesa akulaba naine nokulansunga munshila iyo njendamo kabili, nga akulampela ifyakulaya ne fyakufwala, ²¹ kabili nga nabwela umutende ku ng'anda yakwa Tata, elyo Yawe akailanga ukuti ni Lesa wandi. ²² Elyo kabili aimika ilibwe ilikaba ishincililo lwe libwe. Kabili ukufuma fyonse nakupeela icine cine nkapeela ica pe kumi kuli iwe.''