¹ Ilyo Isaki akotele na menso yakwe yanakile ukwakuti tekuti amone, aitile Esau, umwana wakwe mukalamba, no kulanda kuli ena, ''We mwana wandi.'' Na Esau atile kuli ena, ''Ndipano,'' ² na Isaki atile, ''Mona kuno, ni nkota. Nshishibe ubushiku bwa mfwa yandi. ³ Eico nshibula amata yobe, ifumo lyobe no buta bobe, kabiye mumpanga nokuyangipaila inama ine. ⁴ Uncitile ifisuma ifyakulya ine. Ico natemwa, nokuleta kuli ine pakuti indye nokukupala ilyo nshilafwa.'' ⁵ Ninshi Rabeka aleufwa ilyo Isaki atile kuli Esau umwana wakwe. Esau aile mu mpanga mukulunga nokuileta. ⁶ Rabeka atile kuli Yakobo umwana wakwe nokulanda, ''Mona kuno nacumfwa wiso alelanda kuli Esau umukalamba obe. Acilanda ati, ⁷ kandetele inama nokupekanishisha ifyakulya ifisuma, ukuti ndye nokukupala ku cinso ca kwa Lesa ilyo nshilafwa.'' ⁸ Eico nomba, we mwana wandi umfwe shiwi lyandi ifyo ndekukambisha iwe. ⁹ Kabiye kumukuni, undetele abana babili aba mbushi abasuma; ndekupekanishisha ifisuma ifyakulya kuli ifyo ifya kwa wiso, ico atemwishe. ¹⁰ Nobe ulecitwala kuli wiso, nokuleka alye, pakuti akupale iwe ilyo talafwa.'' ¹¹ Yakobo alandile kuli Rabeka nyina, ''Moneni, Esau umukalamba wandi muntu wa masako, naine ndi muntu watelela. ¹² Limbi tata aleya ngikata ine, ndeya moneka kuli ena ngo ulemukonya. Ndeyailetela itipu pali ine kabili ipalo iyoo.'' ¹³ Nyina atile kuli ena, ''We mwana wandi leka itipu lyonse liponene pali ine. Umfwa ishiwi lyandi, nokuya. Kashilete kuli ine.'' ¹⁴ Elyo Yakobo ailebula abana ba mbushi nokuba batwala kuli nyina, na nyina apangile ifyakulya ifisuma, ifyo wishi atemenwe. ¹⁵ Rabeka abulile ifyakufwala ifisuma ifyakwa Esau, umwana wakwe umukalamba, ifyali kuli ena mu ng'anda, nokufifwika Yakobo, umwana wakwe umwaice. ¹⁶ Amufwikile ne mikupo yabana ba mbushi pa maboko yakwe na patelela pamukashi wakwe. ¹⁷ Abikile ifyakulya ifisuma no mukate ifya apekenye mu minwe ya mwana wakwe Yakobo. ¹⁸ Yakobo aile kuli wishi nokulanda ati, ''Tata, Wishi atile, ndikuno; niwe nani, mwana wandi?'' ¹⁹ Yakobo atile kuli wishi, ''Nine Esau ibeli lyobe. Ncitile ifyo mulandile kuli ine. Nomba imwni nokulya inama, ukuti imwe mumpale ine.'' ²⁰ Isaki atile ku mwana wakwe, cinshi wasangila bwangu, mwana wandi? Atile, pantu Yawe Lesa obe euletele kuli ine.'' ²¹ Isaki atile kuli Yawe, ''Isa palama kuli ine, pakuti nkwikate, mwana wandi, nokusambilila nga niwe Esau icishinka nangu iyo.'' ²² Yakobo apalanime kuli Isaki wishi; na Isaki alimwikete nokulanda ati, ''Ishiwi lyakwa Yakobo ishiwi, leelo amaboko yena maboko yakwa Esau.'' ²³ Isaki tamushininkishe ena, pantu amaboko yakwe yali aya masako nga maboko ya mukalamba wakwe Esau, Isaki ali mupalile ena. ²⁴ Atile, ''Niwe mwana wandi Esau cishinka nao alyaswike, ''Ninebo.'' ²⁵ Isaki atile, leta ifyakulya kuli ine, ndelya inama yobe, ukuti nkupale iwe.'' Yakobo aletele ifyakulya kuli ena. Isaki alilile, na Yakobo aletele umwangashi, nao alinwine. ²⁶ Elyo wishi Isaki atile isa mupepi ililine nokumfyompa, mwana wandi.'' ²⁷ Yakobo alishile mupepi nokumufyompa ena, elyo amunushishe ukununka kwa fyakufwala fyakwe nokumupala ena. Atile, ''Mona, ukununka kwa mwana wandi waba ngo kununka kwa mpanga iyo Yehoba apala. ²⁸ Lesa akupele umume wa mu mulu, napafunda pano isonde, nomwangashi upya uwa citoto. ²⁹ Abantu abengi bakakubombela iwe no luko shikakutotela panshi ube cibinda paba kalamba bobe, napa bana bakwa noko bakakutopa kawa panshi nokukutotela. Uuli onse uwakutipa akabe uwatipwa; uuli onse uwakupala akabe uwapalwa.'' ³⁰ Nomba ilyo Isaki apwile ukupala Yakobo, na Yakobo afuma nokuya ukufuma cinso cakwa Isaki wishi, Esau umukalamba wakwe aishile ukufuma mu kulunga. ³¹ Elyo nao kabili ifya fyakulya ifisuma elyo atwele kuli wishi. Atile kuli wishi, ''Tata, imeni nokulya inama ya mwana, pakuti mupale naine.'' ³² Isaki wishi atile kuli ena, ''Niwe nani?'' atile ati, ''Nine mwana wenu, ibeli lyenu, Esau.'' ³³ Isaki atutwime apakalamba atile, ''Nani uwipeye inama nokuleta kuli ine? Nindya yonse ilyo taulaisa, elyo nokumupala ni mupala. Icine cine, ali nokupalwa.'' ³⁴ Ilyo aumfwile ishiwi lyakwa wishi, elyo alilile ukulila ukukalamba, elyo atile kuli wishi, ''Mpaleni naine tata.'' ³⁵ Isaki atile, ''Munonko naisa pano mubucenjeshi nokukusendela ipalo lyobe.'' ³⁶ Esau atile, ''Bushe tetwa ishina Yakobo? Pakumbepa imiku ibili. Asenda ububeli bwandi, elyo, moneni, nomba ansendela ne palo lyandi. Elyo alanda, ''Tamwasungapo ipalo lyandi?'' ³⁷ Isaki ayaswike Esau ukuti. ''Mona, nimupanga cibinda obe, elyo nimupela bonse ba munonko ukuba ababomfi, ni mupela ingano nomwangashi iipya. Fishi fimbi ifyo ninga cita kuli iwe, we mwana wandi?'' ³⁸ Esau atile kuli wishi, ''Tamukwetepo nangu ipalo limo ilyandi, tata? Mpaleni naine, tata.'' Esau alilile apakalamba. ³⁹ Esau wishi ayaswike nokutila kuli ena, ''Mona, ncende ukekalako ikaba ukutali ukufuma ku bukankala bwapano isonde, ukutaluka ukufuma ku mume wa mumakumbi pamulu. ⁴⁰ Kulupanga lobe uli nokwikal, uuli nokubombela munonko. Nomba ilyo uka mufulilwa, elyo ukafumya ikoli pa mukoshi obe.'' ⁴¹ Esau apalile Yakobo pamulandu we palo ilyo wishi amupalile, Esau atile mu mutima wakwe, panshiku shakulosha tata shikaba mupepi, panuma yaifyo elyo nkepaya munyinane Yakobo.'' ⁴² Amashiwi yakwa Esau umwana umukalamba fyaebelwe kuli Rabeka. Nao atumine ku kwita Yakobo umwana wakwe umwaice nokutila kuli ena, ''Mona, umukalamba obe Esau aleisansamushisha umwine pali iwe ukupanga uku kwipaya iwe. ⁴³ Leelo pali ico, we mwana wandi, umfwe kuli ine fyukila kuli Labani, umukalamba wandi mu Harani. ⁴⁴ Ikala na ena munshiku, cikasuke icipyu cakwa munonko acibwela. ⁴⁵ Bukasuke ubukali bwakwa munonko bukaseshiwepo ukufuma pali iwe, nokulaba paco wacita kuli ena. Elyo nkatuma nokukuleta iwe ukukufumya kulya. Nga cinshi ine ninga lufisha bonse mubushiku bumo? ⁴⁶ Rabeka atile kuli Isaki, ''Ninengwa bunani ku mweo kubana banakashi bakwa Hete. Yakobo abulo umo uwa mubana bankashi bakwa Hete ngo mukashi, nga aba umwanakashi, uwa mubana banakashi ba mucalo. Busumanshi umweo wandi ukuba kuli ine?