¹ Elyo Yakobo aile pa bulendo afikile ku calo ca bantu ba ku kabanga. ² Awe ilyo aloleshe amwene icishima mu citungu, kabili, moneni, imikuni ya mpanga itatu yalele mupepi ne cishima. Pantu ni pali cilya cishima epo balemwesha imikuni, ne cilibwe icali pakanwa ku cishima cali icikulu. ³ Lintu imikuni yonse yalekolongana palya, ba kacema baleku nkulusha icilibwe ukufumya pa kanwa ka cishima nokunweshapo impanga elyo nokubwekeshapo kabili icilibwe pakanwa ka cishima, apo caleikala. ⁴ Yakobo atile kuli bena, ''Mwe bamunyinane, muli bakwi?'' ba yaswike abati, ''tuli ba ku Harani.'' Atile kuli bena. ⁵ ''Namu mwishiba Labani mwana nahori?'' Batile. ''Natumwishiba.'' ⁶ Atile kuli bena , ''Bushe ali umu Feude?'' Batile. ''Ali umutende, kabili lolesha kulya, umwana wakwe Rachele umwanakashi aleisa ne mpanga.'' ⁷ Yakobo atile. ''Moneni akasuba kali pakati ka mutwe. Tailakumana inshita yakuti imikuni ikolongane pamo. Mulingile ukunwisha impanga amenshi nokuti muye nokuleka shilyeko umulemfwe.'' ⁸ Batile, ''Tekuti tushinwishe amenshi mpaka imikuni yonse yakolongana pamo. Abaume ninshi lyena balekunkulushapo icilibwe ukucifumya pakanwa ka cishima, nokuti tunwishe impanga amenshi.'' ⁹ Ilyo Yakobo acili alelanda na bena, Rachele aishile ne mpanga shakwa wishi, pantu ewale shicema. ¹⁰ Limbi Yakobo amwene Rachele, umwana mwanakashi wakwa Labani, indume yaba nyina, ne mpanga shakwa Labani, indume yaba nyina, Yakobo aishile akankulwishepo icilibwe pa kanwa ka cishima, nokunwisha umukuni wakwa Labani, indume yakwa nyina. ¹¹ Yakobo afyompele Rachele nokulil ne shiwi ilyasansuka. ¹² Yakobo aebele rachele ukuti ni lupwa lwa ba wishi, no kutila mwana wakwa Rebeka. Elyo Rachele abutwike nokuya shimikila wishi. ¹³ Ilyo Labani aumfwile ilyashi lyakwa Yakobo umwana wa nkashi yakwe, abutwike ku kumukumanya, amukumbatile, amufyompele, nokumuleta ku ng'anda ku mwakwe. Yakobo ashimikile Labani ifi fyonse. ¹⁴ Labani atile kuli ena, ''Iwe cine cine uli fupa lyandi no munofu wandi.'' Elyo Yakobo aikele na ena ukufikafye na ku mwesha umo. ¹⁵ Elyo Labani atile kuli Yakobo. ''bushe kuti wala bombela ine apafye pamulandu wakuti uli lupwa lwandi? Unjebe, bushe amalipilo yobe yakaba shani?'' ¹⁶ Nomba Labani akwete abana abanakashi ababili. Ishina lya mukalamba ni Lea, ne shina lya mwaice ni Rachele. ¹⁷ Amenso yakwa Lea yali ayateku, leelo Rachele ali uwayemba icata ne mimonekele. ¹⁸ Yakobo atemenwe Rachele, eico atile. ''Nkakubombela imyaka cine lubali pali Rachel, umwana obe umwanakashi umwaice.'' ¹⁹ Labani atile, ''Cawama ukuti namupela kuli iwe, ukucila ukuti na mupela ku muntu umbi. Wikale naine.'' ²⁰ Eico Yakobo abombele imyaka cine lubali pali Rachele; kabili yamoneke kuli wena kwati ninshikufye ishinono, pakumutemwa kwakwe. ²¹ Elyo Yakobo atile kuli Labani. ''Mpela umukashi wandi, pantu inshiku shandi na shipwa pakuti ninga mupa!'' ²² Eico Labani alonganike pamo bonse abantu abapali ilya ncende nokucita umutebeto. ²³ Munshita ya cungulo bushiku, Labani abukile Lea umwana mwanakashi wakwe nokumuleta kuli Yakobo, nao aingile kuli ena. ²⁴ Labani apele umubomfi mwanakashi wakwe Silipa kumwana wakwe Lea, ukuba umubomfi wakwe. ²⁵ Mulucelo, moneni, ali ni Lea! Yakobo atile kuli Labani. ''Cinshi ico wacita kuli ine? Bushe nshabombele kui iwe pali Rachele? Nha cinshi wancenjesesha?'' ²⁶ Labani atile, ''Telutambi lwesu ukupela umwana umwanakashi umwaice ilyo tali lapelwa ibeli.'' ²⁷ Pwilikisha umulungu wa bwinga bwa uyu mukashana, elyo tukakupela noyu wine pakubomba kuti ine pa myaka naimbi cine lubali.'' ²⁸ Yakobo acitile ico, no kupwilikisha umulungu wakwa Lea. Elyo Labani amupele rachele umwana wakwe nao ngo mukashi wakwe. ²⁹ Labani kabili apele Bila ku mwana wakwe Rachele, ukuba umubomfi wakwe. ³⁰ Eico Yakobo aingile nakuli Rachele, kwine leelo atemenwe Rachele ukucila Lea. Eico Yakobo abombele Labani pa myaka naimbi cine lubali. ³¹ Yawe amwene ukuti Lea tali uwatemwikwa, eco aiswile ubufyashi bwakwe, leelo Rachele takwetepo umwana. ³² Lea aimite nokufyala umwana umwaume, nokumwinika ishina lya Rubeni. Pantu Lea asosele ati, ''Pamulandu wakuti Yawe namonapa bucushi bwandi; cine cine nomba umulume wandi ali nokuntemwa.'' ³³ Elyo aimite nakabili nokufyala umwana umwaume. Atile, ''Pamulandu wakuti Yawe naumfwa ukuti nshatemwikwa, eco kanshi ampele noyi umwana umwaume,'' ne shina amwinike ni Simeoni. ³⁴ Elyo alimite nakabili nokufyala umwana umwaume. Atile, ''Nomba uno muku umulume wandi alailundila kuli ine, pamulandu wakuti ni mufyalila abana abaume batatu,'' Eco kanshi ishina lyakwe ainikwe ni Lebi. ³⁵ Alimite nakabili nokufyala umwana umwaume atile, ''Uno muku ndelumbanya Yawe.'' Eco kanshi amwinike ishina Yuda: elyo alekele ukukwata abana.