¹ Nomba Haabrahamu ali umukote saana na Yawe alipalile Abrahamu mufintu fyonse. ² Abrahamu atile kumubomfi wakwe, uyo uwali uwakotesha mu ng'anda yakwe kabili ewali nobulinde pali fyonse akwete, ''Bika iminwe yobe mwisamba lye tanta lyandi ³ kabili ndekulenga ukulapa kuli Yawe, Lesa wa mumulu kabli Lesa wape sonde, ukuti tawakabulile umwana mwaume wandi umukashi ukufuma mu baana abanakashi ba mu Kenani, umo naleta ubwikashi. ⁴ Lelo ukuya ku calo candi, na kuli ba lupwa lwndi, nokubulila umwana wandi umwaume Isaki umukashi.'' ⁵ Umubomfi atile kuli ena, ''Nga cakuti umwakashi tasumine ukunknka kuli cino calo? Bushe mfwile ukusenda umwana mwaume obe ku calo uko wa fumine?'' ⁶ Abrahamu atile kuli ena, ''Shininkisha ukuti taubweseshe umwana mwaume wandi kulya! ⁷ Yawe, Lesa wa mumulu, uwandetele ukufuma mu ng'anda yakwa taata nokufuma mu calo caba lupwa lwndi, kabili uwalaile ine no mulapo ukutila, 'kubufyashi bobe nkapela ici calo, akatunma malaika wakwe ku cinso cobe, kabili ukabula umaukashi wamwana wandi umwaume ukufuma kulya. ⁸ Lelo nga umukashi talefwaya ukukonka iwe, elyo ukaba uwakael kuli uyu mulapo wandi. Lelo taufwile ukutwala umwana wandi umwaume kulya.'' ⁹ Eico umubomfi abikile iminwe yakwe mwisamba lye tanta lya kwa Abrahamu cibinda wakwe, nokulapa kuli ena ukulola kuli uyu mulandu. ¹⁰ Umubomfi asendele ingamila ikumi isha kwa cibinda wakwe nokuya. alisendele nefyabupe ifyapusana pusana ukufuma kuli cibinda wakwe. Alimine nokuya ku citungu ca Aram Naharaim, ku musumba wa Nahore. ¹¹ Alengele Ingamila ukufukama kunse ya musumba pa cishima ca menshi. Cali icungulo, inshita banamayo baya mukutapa amenshi. ¹² Elyo atile, ''Yawe, Lesa wakwa cibinda wandi Abrahamu, peleeni ine ishuko ilelo kabili nangeni icipangano ca cishinka kuli cibinda Abrahamu. ¹³ Moneni, kuno kuntu njiminine pacishima ca menshi, nabana banakashi aba baume aba mumusumba baleisa mukutapa amenshi. ¹⁴ Lekeni cicitike ifi. Nga natila kumwakashi umwaice, 'napapata mpelako umutondo pakuti inwe, kabili atila kuli ine, 'Nwa, kabili nalenwisha ngamila shobe pamo pne; elyo leka abe eumo untu musalile umubomfi wenu Isaki. Pali cipangano cacishnka kuli cibinda wandi. ¹⁵ Nomab ilyo talapwisha ukulanda, moneni Rebeka ishile nomutanto wakwe pakubeya kwakwe. Rebeka afyelwe kuli Betu umwana mwaueme wakwa Meka, umukashi wakwa Naore, munina Abramu. ¹⁶ Umukashana umunono ali umusuma saana kabili na cisungu. Taishibe mwaume nangu umo. Atentemukile kukamfukumfuku aiswishe umutondo wakwe nokubwela. ¹⁷ Elyo umubomfi abutwike kukumukumanya kabili atile, ''Napapata mpelako utumenshi twakunwa ukufuma mumutondo obe.'' ¹⁸ Atile, ''Nwa, cibinda wandi,'' Kabili abikile umutondo wakwe paminwe yakwe nokumpela amenshi. ¹⁹ Ilyo apwishishe ukumupela amenshi, atile, ''Nalatapa amenshi aya ngamila shobe mpaka shipwishe ukunwa. ²⁰ Eico alyangufyenye nokwitulwila amenshi mucipe, elyo abutwike nakabili kucishima kukutapa amenshi, nokutapa amenshi aya ngamila shonse. ²¹ Umwaume amuloleshe umutalalila ukumona ngacakuti Yawe alicindamike ubulendo bwakwe nangu iyo. ²² Ilyo ing'amila shalekele ukunwa, umwaume afumishe ininda minwe ya mumona iya fina ishekele citika, na makosa yabili aya golide aya kumaboko ayafinine ama shekele ikumi, ²³ nokwipusha, ''ulimwana mwanakashi wakwa nani? Njeba napapata, bushe muli ncende mung'anda yakwa wiso umwakuti naifwe tulale?'' ²⁴ Atile kuli ena, ''Ndimwana mwanakashi wakwa Betele umwana mwaume wakwa Milka, untu afyele kuli Nahore.'' ²⁵ Atile kuli ena, ''Twalikwata impimbili ne caani, ne ncende iyakuti imwe musendamemo ubushiku.'' ²⁶ Umwaume akontemeko nokupepa Yawe. ²⁷ Atile, ''Abe uwapalwa Yawe, Lesa wakwa cibinda wandi Abraham, uusha sula icipangano cakwe ica cishinka nokucetekelwa kwakwe kuli cibinda wandi. Leelo ine, Yawe ntungulula ine kung'anda yalupwa lwakwa cibinda wandi.' ²⁸ Elyo umwanakashana abutwike nokweba aba mung'anda yakwa nyina pamulandu waifi fintu. ²⁹ Nomba Rebeka alikwete ndume yakwe, neshina lyakwe ali ni Labani. Labani abutukile ku mwaume uwali kumusebo pa mumana. ³⁰ Ilyo amwene ininda minwe yamumona namkosa kumaboko yakwa nkashi yakwe, kabili ilyo aumfwile amashiwi yakwa Rebeka nkashi yakwe, ''Ifi efyo umwaume acitile kuli ine,'' aile kumwaume, kabili,moneni, aimine mupepi ne ng'amila pamumana. ³¹ Elyo Labani atile, ''Isa, we wapalwa wakwa Yawe. Mulandunshi wiminine panse? Nmpekanya ing'anda, ne ncende ya ngamila.'' ³² Elyo umwaume aishile ku Ng'anda nokufumya ifipe pa ngamila. Ingamila shapelwe impimbili ne caani, na menshi ayakusamba amakasa yakwe elyo namakasa ya baume abli nankwe. ³³ Babikile ifyakulya ku cinso cakwe ukulya, nomba atile nshalye mpaka nsose ifyo ningile ukusosa. ''Eico labani atile, ''Twalila ukulanda. ³⁴ Atile, ''Ndimubomfi wakwa Abrahamu. ³⁵ Yawe alipaala cibinda wandi saana kabili alicindma. Alimupele impanga ne ng'ombe, silfere na golide, ababomfi abaume naba bomfi abanakashi, nengamila naba kabalwe. ³⁶ Sara, umukashi wakwa cibinda wandi, afyele umwana mwaume kuli cibinda wandi ilyo ali umukote, kabili ali pele fyonse. ³⁷ Cibinda wandi anengele ukulapa, ukutila, 'Taufwile ukubulila umwana wandi umwaume ukufuma mu bana abanakashi abena Kenani, mucalo umo nakula inga'anda yandi. ³⁸ Eico kanshi, ufwile ukuya ku lupwa lwakwa tata, nakubantu bandi, nokubulila umwan mwaume wandi umukashi. ³⁹ Natile kuli cibinda wandi, ' Limbi umwanakashi takankonke ine.' ⁴⁰ Leelo atile kuli ine, 'Yawe, untu nyendako ku cinso cakwe kabili akatambalika inshila yobe, pakuti nkafwaile umwana mwaume umukashi ukufuma muli balupwa bandi nokufuma mulupwa lwabatata. ⁴¹ Leelo mukaba abantungwa ku mulapo wandi nga mwaisa kuli balupwa lwandi elyo bamukanya ukwisa nao. Elyo mukaba abantungwa kumulapo wandi.'' ⁴² Eico nacifika ilelo pa mumana, nokutila, 'Iye Yawe, Lesa wakwa cibinda Abrahamu, napapata, nga mulefwaya ukucita ubulendo bwandi icsuma- ⁴³ ine ndi pano ninjiminina pacishima camenshi- Lekeni umwanakashi uwacisa mukutapa amanshi, umwanakashi untunacisosako, ''Napapata mpelako utumenshi utwakunwa ukufuma mumutondo.'' ⁴⁴ Umwanakashi acitila kuli ine, ''Nwa, kabili ndekutapila amenshi aya ngamila shobe''- Lekeni ena abe umwanakashi untu inwe, Yawe, musalile ukuba umukashi wa mwana mwaume wakwa cibindawandi: ⁴⁵ Ilyo fye nshilapwisha ukulanda mumutima wandi, moneni Rebeka afuminepanse no mutondo pakubeya kwakwe kabili aile ku mumana nokutapa amensh. Eico natile kuli ena, 'Napapata mpelako amenshi. ⁴⁶ Afumishe bwangu bwangu umutondo wakwe pakubeya kabili atile, 'Nwa, kabili ndepela ingamali shobe amensh. Eico nacinwa kabili alimishe ne ngamali pamo. ⁴⁷ Nacimwipusha nokutila, 'Uli mwana mwanamwanakashi wakwa Betule,umwana mwaume wakwa Nahure, untu Milka afyele kuli ena. Elyo nacibika ininda minwe mumona wae na makosa kumaboko yakwe. ⁴⁸ Elyo nacikontama mukupepa Yawe, nokupala Yawe, Lesa wakwa cibinda wandi Abrahamu, uwantungulwile munshila iyalungama kukufwaya umwanakashi uwa mulupwa lwakwa cibinda wandi umukashi wa mwana wakwe umwaume. ⁴⁹ Eico nomba, ngamuli abaipekanya ukulanga ukutemwa ukwafikapo kabili ne cishinka kuli cibinda wandi, njebeni. Nomba nga teifyo, njebeni, pakuti mpilibukile kukubako ukwakulyo nangu kukuso,'' ⁵⁰ Elyo labani na Betule bayaswike kabili batile, ''Ici cintu cifumine kuli Yawe; teti tulande kuli iwe icibi nangu icisuma. ⁵¹ Mona, Rabeka ali ku cinso cobe, Musende nokuya, pantu abe umukashi wamwana mwaume wakwa cibinda obe, nga ifyo Yawe asosa.'' ⁵² Ilyo umubomfi wakwa Abrahamu aumfwile amashiwi Yabo, alikonteme ku cinso cakwa Yawe. ⁵³ Umubomfi afumishe ifipe fya silfere ne fipe fya golide, nefya kufwala, no kufipela kuli Rebeka. Alipele ifya bupe ifya mutengo kuli ndume yakwe na kuli banyina. ⁵⁴ Elyo ena nabaume abali nankwe balile no kunwa. Baikele palya pantu ubushiku bonse, Kabili ilyo baimine akacelo, atile, ''Ntumeni kuli cibinda wandi.'' ⁵⁵ Ndume yakwe nabanyina batile, Lekeni umukashana ekale naifwe inshiku ishinono, nangu ikumi limo, Panuma akaya.'' ⁵⁶ Leelo atile kuli bena, ''Mwinkanya ine, pantu Yawe nanangilila inshila yandi. Ntumeni munshila yandi pakuti nje kuli cibinda wandi. ⁵⁷ Batile, ''Twalaita umukashana nokumwipusha.'' ⁵⁸ Elyo baitile Rebeka nokumwipusha, ''Walaya no yu mwaume? '' Ayaswike, ''Ndeya.'' ⁵⁹ Eico batumine nkashi yabo Rebeka, pamo no mubomfi umwanakashi, pabulendo pamo nomubomfi wakwa Abrahamu na baume bakwe. ⁶⁰ Bapalile Rebeka, kabili batile kuli ena, ''Nkashi yesu, ukabe nyina wamakana ya makana ikumi limo, kabili ubufyashi bobe bukakwate impongolo isha abo abapata bena.'' ⁶¹ Elyo Rebeka aimine, kabili ena nababomfi bakwe abana banakashi, baninine pa ngamila, nokukonka umwaume. Umubomfi asendele Rebeka, nokuya munshila yakwe. ⁶² Nomba Isaki aleikala mu Negevu, kabili elyo abwelulwike ukufuma ku Beere Lahai Roi. ⁶³ Isaki aile mukupepa mumpanga mu cungulo. Ilyo aimishe impumi, moneni, kwali ingamila shileisa! ⁶⁴ Rebeka aloleshe, kabili ilyo amwene Isaki, aikile ukufuma pa ngamila. ⁶⁵ Atile kumubomfi wakwe, ''Niani ulya mwaume uulenda mumpanga kukutukumanya?'' Umubomfi atile, ''Nicibinda wandi.'' Elyo abulile icitambala,kabili alifimbile kumutwe. ⁶⁶ Umubomfi apendulwike kuli Isaki ifintu fyonse ifyo acitile. ⁶⁷ Elyo Isaki amuletele kuli nyina Sara mwi tenti nokusenda Rabeka, kabili asangwike umukashi wakwe, kabili alimutemenwe. Eico Isaki alikoseleshiwe panuma yamfwa yakwa nyina.