¹ Sara aikele imyaka umwanda umo amakumi yabili na cine lubali. II yali emyaka Sara aikele nomweo. ² Sara afwilile mu Kiriati Arba, wena, Hebroni, mu mpanga ya Kenani. Abrahamu aloseshe nokulila Sara. ³ Kabili Abrahamu aimine nokuya ukufuma ku citumbi ca mukashi wakwe, na ukulanda kubana ba kwa Hete, ukutila, ⁴ ''Ndimwisa muli imwe. Napapata mpeleniko impanga ukwakushika mukati kaimwe, pakuti ninga shikamo icitumbi candi.'' ⁵ Abana bakwa hete bayaswike Abrahamu, ukuti, ⁶ ''umfwa kuli ifwe, cibinda wandi. uli uwashila uwa kwa Lesa muli ifwe. Shika icitumbi cobe mucifulo icakushikamo cesu. Tapali nangu umo muli ifwe uwalakukanya icakushikamo cakwe, pakuti wingashikamo icitumbi cobe.'' ⁷ Abrahamu alimine na ukutota kubantu ba mu calo, na kubana bakwa Hete. ⁸ Asosele kuli bena, ukutila, ''Nga cakuti munsuminisha ukuti mfwile nashika icitumbi candi eco umfweni kuli ine kabili mpapatileniko kuli Efrone umwana wakwa Zahara, ine wine. ⁹ Mwipusheni ukunshitishako ininga yakwa Makpela, iyo akwata, iyaba kumpela yampanga yakwe, pamutengo onse muleke ashitishe kuli ine palwalala nga impanga iyakushikamo.'' ¹⁰ Nomba Efrone aikele mu bana bakwa Hete, na Efrone Hittite ayaswike Abrahamu mu matwi yabana bakwa Hete, kuli bonse abaleingila mu mpongolo ya calo cakwe, ukutila, ¹¹ ''Awe, cibinda, ngufweni. Namipela impanga yandi, na ininga iilimo, naiepla kuli imwe ku menso yabana ba bantu. Napela kuli imwe ukulashikamo ifitumbi fyenu.'' ¹² Elyo Abrahamu atotele ku cinso ca bantu ba mu calo. ¹³ Asosele kuli Efrone mu matwi ya bantu bamu calo, ukutila, ''Leelo nga cakuti mulekabila, napapata ngufweni. Nkalipila pa mpanga, sendeni indalama kuli ine, kabili nkayashika icitumbi candi kulya.'' ¹⁴ Efrone ayaswike Abrahamu, ukutila, ¹⁵ ''Napapata, Shikulu wandi, ngufweni. Iciputulwa ca mpanga ya kushitamo ishele imyanda ine iya amasheke ya silfele, bushe ici cinshi pakati ka ine naimwe?'' ¹⁶ Abrahamu aumfwile kuli Efrone na Abrahamu alangile kuli Efrone icipendo ca silfele ico asosele mu matwi yabana bakwa Hete, imyanda ine iya ma shekele ya silfele, ukulingana ne cipimo icaimikwa icabamakwebo. ¹⁷ Eico impanga yakwa Efrone, iyali mu Makpela, iyapalamene ku Mamre, Ishi, empanga, ine ninga limamo nafyonse ifintu ifyali mumpanga ukushinguluka umupaka, umo waitile ¹⁸ kuli Abrahamu ukushita kwali pafinso fya bana bakwa Hete, nabonse abaishile ku mpongolo ya musumba wakwe. ¹⁹ Panuma yaifi, Abrahamu ashikile Sara umukashi wakwe mu ninga ya mpanga ya Makpela, iya paleme ku Mamre, ishi, Hebroi, mu calo ca Kenani. ²⁰ Eico impanga na ininga yalipelwe kuli Abrahamu nge mpanga ya kushikamo ukufuma kubana bakwa Hete.