¹ Nomba panuma yaifi fintu Lesa aeseshe Abrahamu. Atile kuli ena, ''Abrahamu!'' Abrahamu atile, ''Ndi pano.'' ² Kabili Lesa atile, ''Bula umwana mwaume obe, uo watemwa, Isaki, nokuya ku calo ca Moria. Mutule kulya ngecelambo cakoca palupili lumo ulwakulya, ulo nkakweba.'' ³ Elyo Abrahamu aimine ulucelo celo, akakila impunda yakwe, asendele abalumendo babili pamo na ena, pamo nomwana wakwe Isaki. Aputawile ulukuni ulwakutulila, kabili nokuya ubulendo bwakwe kuncende intu Lesa amwebele . ⁴ Mubushiku bwalenga butatu Abrahamu aloleshe mu mulu nokumona incende akatalamukila. ⁵ Abrahamu atile kubalumendo bakwe, ikaleni kuno ne mpunda, leelo ine nomulumendo twalaya kulya. Twalaya mukupepa twalaisa misanga pano pene.'' ⁶ Elyo Abrahamu abulile inkuni ngecakutulilapo nokutwika umwana wakwe Isaki. Abulile mu minwe yakwe umulilo elyo nomwele; kabili baile bonse. ⁷ Isaki alandile kuli Abrahamu wishi ukutila ati, ''Taata wandi, ''Kabili atile, ''Ndikuno, wemwana wandi.'' Atile, mona, umulilo ne ikuni ifi, nomba ngo mwana wa mpanga uwakutulilapo icakoca alikwi?'' ⁸ Abrahamu atile, '''Lesa umwine aleifwaila umwana wa mpanga uwakutula ngecakoca, wemwana wandi, elyo batwalilile ukuya bonse pamo. ⁹ Ilyo bafikile ku ncende intu Lesa abebele, Abrahamu akulile icipailo kulya nokubika inkuni pali cena. Elyo akakile umwana wakwe, nokumubika pacipailo, pamuulu wankuni. ¹⁰ Abrahamu aimishe ukuboko kwakwe nokubula umwele ukuti epaye umwana wakwe. ¹¹ Elyo malaika wakwa yehoba amwitile ukufuma mu mulu nokutila ati, ''Abrahamu!'' Nao atile, ''Epondi.'' ¹² Atile, ''Wibika ukuboko kobe pa mwana, nangu ukucita icili conse icakucena ena, pantu naishiba ukuti ulatina Lesa, ukumona ukuti taukenye umwana obe, obefye mpo, ukufuma kuli ine.'' ¹³ Abrahamu aloleshe mu mulu kabili nokumona kunuma yakwe kwali impanga naikatwa kumasengo lyaiko mu mpanga. Abrahamu aile nokuyabula impanga nokutula kuli ena ngecakoca mu cifulo ca mwana wakwe. ¹⁴ Elyo Abrahamu ainike ilya ncende, ''Yehoba alefwaya,'' kabili cilalandwa ukufika nalelo, ''Palupili lwakwa Yehoba cikapelwa.'' ¹⁵ Malaika wakwa Yehoba aitilwe kuli Abrahamu panshita lyalenga bubili ukufuma mu mulu ¹⁶ kabili atile- uku kumbisha kwa kwa Yehoba- nemwine nalapa ukuti pamulandu naucita ici cintu, kabili taukenye umwana obe, umwana obefye mpo, ¹⁷ mucishinka nkakupala iwe kabili nkakusha ukufusha ubufyashi bobe nge ntanda mu mulu, kabili ngo mu canga kululamba lwa mumana, kabili ubufyashi bobe bukakwata impongolo ishabalwani babo. ¹⁸ Ukupitila mu bufyashi bobe emo inko shonse ishapesonde shikapalilwa, pamulandu wakuti naukonka ishiwi lyandi.'' ¹⁹ Elyo Abrahamu abwelele kuba lumendo bakwe, kabili balimine balaya capamo ku Beere- Sheba, kabili aikele mu Beere-Sheba. ²⁰ Caishile panuma yaifi fintu Abrahamu aebelwe, ''Mika nafyala abana, naena, kuli Nahore munonko wakwe.'' ²¹ Bali ni Usi ebeli lyakwe, Basi munyina wakwe, Kemuele wishi wakwa Aramu, ²² Kesede, Haza, apildashi, Yidlafu, na Betuele. ²³ Betele aishileba wishi wakwa Rebeka. Aba ebana cine konse konse abo Mika afyele kuli Nahore, munyina wakwa Abrahamu. ²⁴ Kanakashi wakwe, uweshina lya Reuma, nao afyele Teba, Gahamu, Tahashi, na Maaka.