¹ Abrahamu kabili aupile umwanakashi umbi; ishina lyakwe aali Ketura. ² Amufyalile Zimurani, Jokishani, Medani, Ishibaki, na Shua. ³ Jakisha aali wakwa Sheba na Dedani. Ulupwa lwakwa Dedani baali Bena-Asiriani, Abena-Letushi na Bena-Leumu. ⁴ Abana bakwa Midian baali ni Efuri, Hanoki, Abida na Eludaa. Aba bonse baali lupwa lwaka ketura. ⁵ Abrahamu apeele fyonse ifyo akwete kuli Isaki. ⁶ Leelo ilyo acili umuumi apeele ifyabupe ku baana abaume abo afyeele ku bakashi ba mu mbali no kubatuma ku mpanga yaku kabanga, uko ukutalwike na Isaki, umwana mwaume wakwe. ⁷ Ishi shaali e nshiku sha myaka mu buumi bwakwa Abrahamu isho aikeele paano calo, imyaka umwanda umo na mokumi cine-konse na isaano. ⁸ Abrahamu alekele umweo no kufwa mu musinku uusuma umwaume umukote uwa buumi ubwafikapo nno kuyalaala ku bantu bakwe. ⁹ Isaki na Ishimaelo abaana bakwe abaume bamushikile mu lucengo lwa Makipela, mu cisampa cakwa Efuroni umwana mwaume wakwa Zaha umwina-Hiti, ukuli mupeepi naku Mamure. ¹⁰ Iyi e mpanga Abrahamu ashitile ukufuma ku baana baume bakwa Heti, Abrahamu kumo no mukashi wakwe sara Bashikilwe kulya. ¹¹ Panuma ya mfwa yakwa Abrahamu, Lesa apaalile Isaki umwana-mwaume wakwa, na Isaki aikeele mupepi naku Beri Lahai Roi ¹² Nomba ulu elupwa lwakwa Ishimaeo, umwana-mwaume wakwa Abrahamu, uo Hagari umwina-Egyipiti, uwali umusha waka Sara kuli Abrahamu. ¹³ Aya mashina ya baana-baume bakwa Ishimaelo, ukulingana no mutande wa myalwa umo bakonkaniine; Nebayoti-ibeli lyakwa Ishimaelo, keda, Adibeli, Mibusamu , ¹⁴ Mishima, Duma, Masa, ¹⁵ Hadadi, Tema, Jeturi, na Kedema. ¹⁶ Aba e baana-baume bakwa Ishimaelo, naaya e mashina yaabo, umwabeela imishi yaabo, no mwabeela inkaambi shabo; bakateeka ukumi-limo-na-babili umwabeela imitundu yaabo. ¹⁷ Iyi yaali e myaka ya buumi bwakwa Ishimaelo, umwanda umo na makumi-yatatu na cine-lubali. Alekel umweo no kufwa afwa, no kuyalaala ukwalaalaabantu bakwe. ¹⁸ Abantu bakwe baikeele ukufuma ku Havila ukufika ku Ashuri, apali, upeepi naku Egyipiti nga muleeya ku Asiria. Baikele ukwabula ukwampana pamo. ¹⁹ Ubu ebutantiko ubwakuma Isaki, umwana-mwaume wakwa Abrahamu. Abrahamu aali wishi wakwa Isaki. ²⁰ Isaki aali ne myaka amakumi-yane ilyo abulile Rebeka ngo mukashi wakwe, umwana-mwanakashi wakwa Betuele umwina-aromu waku Padani Aramu, inkashi yakwa Labani umwina-Aramu. ²¹ Isaki alepepelako umukashi wakwe kuli Yehoba pantu takwetepo umwana, na Yawe epakwasuka ipepo lyakwe, na Rebeka umukashi wakwe epakwimita. ²² Abana balawikaana mu kati ke fumo lyakwe, e pakutiila '''Ngeci calacitika shani ifi kuli ine?'' Epakuyaipusha Yawe palwa ici.'' ²³ Na Yawe atile kili eena, ''Muli imishobo ibili mu cisa cobe, na bantu babili bakapatulukana ukufuma muli iwe. Umo akaba uwashangila nganshi ukucila umubiye, no mukalamba akabombelo mwaice.'' ²⁴ Ilyo yafikile inshita yakuti e ngapaapa , moneeni, mu cisa cakwe mwali bampundu babili. ²⁵ Uwabalilepo ukufyalwa aali uwakashika amubili onse nge nsalu ya mafufu. Bamwinike ishina lya Esau. ²⁶ Panuma, munyina nao afyalwa. Icisansa cakwe caikeete ku citeende cakwa Esau. Bamwinike Yakobo. Isaki aali ne myaka amakumi-mutanda ilyo umukashi wakwe afyeele aba baana. ²⁷ Ilyo aba balumendo bakulile, na Esau aishileba umupaluwa nama uwa mpofu, umwaume uwaswaswata mu mpanga; leelo Yakobo eena aali uwakutumana, kabili ilingi liine alesangwafye pa ng'anda. ²⁸ Nomba Isaki atemenwe Esau pantu alemwipaila inama alelya, leelo Rebeka atemenwe Yakobo. ²⁹ Yakobo alipiike ifyakulya. Esau efyo aingiile ukufuma mu mpanga, ninshi natembuka ku nsala. ³⁰ Esau aebele Yakobo ati, ''Mpelako ifyakulya ifi ifyakashika ndyeko. Napapata natembuka muno ku nsala! Neco e calengele bamwinike ne shina lya Edomu. ³¹ Yakobo atile, ''Pakubala nshitisha insambu-sha bubeli bobe.'' ³² Esau atile, ''Mona, Ine pano ndi pa kufwa. Ngo busuma bwa nsambu-shabubeli kuli ine buli kwi?'' ³³ Yakobo atile, ''Pakubala lapa kuli ine,'' na Esau alapile umulapo namu nshila ilya yine ashitishe insambu-shabubeli bwakwe kuli Yakobo. ³⁴ Yakobo apeele Esau umukate no muto we landa. Efyo aliile anwinapo no muto, efyo aimine no kutampo kuya uko aleeya. Na muli iyi mibeele Esau asushishe insambu-sha bubeli bwakwe.