¹ Yawe amoneke kuli Abrahamu mu miterebinti ya mu Mamre, ilyo aikele mu mwinshi we hema mucikabilila icakasuba. ² Ilyo aloleshe pamulu kabili, moneni, amwene abaume batatu nabeminina akatala mukila napo aikele. Ilyo abamwene, alibutwike ukufuma mu mwinshi we hema nokuya bakumanya nokubafukamina. ³ Alandil, ''Mwe Shikulu, nga ninsanga ukusenaminwa mu menso yenu, napapata mwipitilila umubomfi wenu.'' ⁴ Lekeni utumenshi utunono tuletwe, pakuti musaambe amakasa yenu, nokutusha mwisamba lya cimuti. ⁵ Lekeni ndete utu fyakulya, pakuti tusansamushe ubumi bwenu. Panuma mutwalilile nobulendo bwenu, pantu namwisa pamubomfi wenu.'' Balyaswike, ''Cita ifyo ulandile.'' ⁶ Elyo Abrahamu bwangu bwangu aile kuli Sara mwi hema lyakwe, nokulanda, ''Endesha, buula ifipimo fitatu ifya bunga, panga umufuba nokupanga umukate.'' ⁷ Elyo Abrahamu abutukile ukwali umukuni, nokubuula umwana wang'ombe umuteku kabili umusuma, nokupeela umubomfi, alyangufyenye ukupekanya. ⁸ Alipekenye ishiba ilyasuka nomukaka ne ng'ombe iyapekanishiwe, nokupela abeni, elyo aiminine mwisamba lya cimuti ilyo bena balelya. ⁹ Balandile kuli ena, ''Alikwi Sara umukashi obe?'' Ayaswike, ''Ali mulya mwi hema.'' ¹⁰ Alandile, '''Ndinokubweluluka kuli imwe shiku ilyo umwaka wayaluka nokumona, Sara umukashi obe akakwata umwana umwaume.'' Sara alekutika mu mwinshi we hema, ilyali kunuma yakwe. ¹¹ Nomba Abrahamu na Sara bali abakote, abali nemyaka iingi, na Sara alicilile panshita iyo abanakashi bakwatilapo abana. ¹² Elyo Sara alisekel, nokutila, ''Panuma ubufyashi bwandi bwalipwa no mulume wandi mukote, bushe nomba kuti naba necakunsansamusha?'' ¹³ Yawe alandile kuli Abrahamu, ''Mulandu nshi Sara asekela nokulanda, ''Bushe nkafyala umwana, ilyo ine ndi mukote'? ¹⁴ Bushe icili conse calikosa kuli Lesa? Panshita iyo ine napekanya, ilyo umwaka wayaluka, nkabweluluka kuli imwe, munshita ino ine muli uyu mwaka uleisa Sara akakwata umwana.'' ¹⁵ Elyo Sara alikene kabili alandile, ''Nshaciseka.'' pantu alitinine. Asosele, ''Iyo, waciseka.'' ¹⁶ Elyo abaume balimine nokulola ku Sodoma. Abrahamu aile alebashindika. ¹⁷ Leelo Yehoba alandile, ''Bushe mfise kuli Abrahamu ifyo ndimupepi nokucita. ¹⁸ Pantu Abrahamu ukwabula ukutwishika akaba uluko ulukalamba, nenko shonse ishapesonde shikapalilwa muli ena? ¹⁹ Pantu nalimusonta pakuti akalangilile abana bakwe naba mung'anda yakwe abakukonkapo ukusunga bwino inshita yakwe Yawe, ukucita ubulungami no mulinganya, pakuti yehoba engafikilisha kuli Abrahamu ifya asosele kuli ena.'' ²⁰ Elyo Yawe alandile, ''Pmlandu ukulila kwa Sodoma na Gomora nakukulisha, elyo nolubembu lwabo nalukulisha, ²¹ naya nomba kulya nokuimwena ukukulila kwabo ukwishile kuli ine, ngacakuti nabacita ici. Nga tefyo, ndeya ishiba. ²² Eyo balya bantu bafumine kulya, nokulola ku Sodoma, leelo Abrahamu ashele naiminina mupepi na Yehoba. ²³ Elyo Abrahamu apalamine nokulanda, ''Bushe muleya onaula abalungami nababifi pamo? ²⁴ Limbi muli abalungami amakumi yasano mu musumba. Bushe muleipaya nokuna pususha abalungami amakumi yasano abali mu musumba? ²⁵ Cakutalifye imwe ukucita icamusango uyu, ukwipaya abalungami pamo nababipa, icakuti ubulungami uku pendelwa pamo pene nobubifi. Cakutali ico kuli iwe! Bushe kapingula we sonde teti acite icalungama?'' ²⁶ Yehoba alandile, ''Nganasanga abalungami amakumi yasano mu musumba, elyo nkapususha cilya cifulo pamulandu wabo.'' ²⁷ Abrahamu ayaswike nokulanda, ''Moneni, ndefwaya ukusosa kuli imwe bashikulu, nangu ndilukungu kabili imito! ²⁸ Nga cakuti impendwa amakumi yasano yabwelelako panshi na bantu basano abalungami? Bushe muleonaula umusumba onse pamulandu wabantu basano ababulilapo?'' Elyo alandile, ''Nsha onaula, nganasanga muli ama kumi yane nabasano.'' ²⁹ Asosele kuli ena nakabili, nokutila, ''Nga ngacakuti amakumi yane ebasangwa mulya?'' Ayaswike, ''Nshili nakucitita pamulandu wa bantu amakumi yane? ³⁰ Atile, ''Napapata mwifulwa, Shikulu, nsuminisheni nsose. Limbi amakumi yalesangwa mulya.'' Ayaswike, ''Nshacitile, nganasanga amakumi yatatu mulya.'' ³¹ Atile, ''Moneni, ndefwaya ukusosa kuli Shikulu wandi! Limbi amakumi yabili balesangwa mulya, ''Ayaswike, ''Nsha onaula pamulandu wa bantu amakumi yabili.'' ³² Atile, ''Napapata mwifulwa, Shikulu nalasosa ifi umuku wakulekelesha. Nga limbi ikumi limo lyasangwa mulya, '''Elyo atile, ''Nsha onaula pamulandu we kumi limo.'' ³³ Yawe atwalilile ukuya panuma yakupwisha ukulanshanya na Abrahamu, na Abrahamu abwelele ku cifulo cakwe.