¹ Pali bulya bushiku imfumu Musuerusi yapele Ester na mfumu ifyuma fyakwa Hamoni, umulwani waba Yuda, kabili Mordekai atampile ukubombela imfumu, pantu Ester aebele imfumu ifyo ali na Mordekai. ² Imfumu yafulile ininda minwe yaiko iya kufwatikilako iyo apokele ukufuma kuli Hamoni, no kupela kuli Mordekai. Ester asontele Mordekai ukulayangalila ibala lyonse ilya kwa Hamoni. ³ Elyo Ester alandile na kabili ku mfumu. Alele ubunkupeme panshi no kulila ngefyo alepapata kuli ena ukupwisha amapange ya buncita tubi kuli Hamoni umwina Agage, ku mapange akwete ayakumine aba Yuda. ⁴ Elyo imfumu ya sontele inkonto ya mukuba kuli Ester, aimine no kwiminina ku cinso ca mfumu. ⁵ Atile, ''Nga camusansamusha mwe mfumu kabili nga cakuti na sanga ukutemwa mu menso yenu, nga cakuti ifintu fyamoneka ifisuma ku cinso ca mfumu, kabili ndepapata mu menso yakwe, lekeni ikambisho lilembwe no konaula amakalata yalembelwe ukupitila muli Hamoni umwana mwaume wakwa Hamedata umwina Agegi, amakalata aya lembelwe mu konaula aba Yuda abali mu fitungu fyonse ifya mfumu. ⁶ Pantu kuti cangwamina shani ilyo ndemona ifinkunka fileponena pa bantu bandi? Kuti nashipikisha shani ukutamba ubonaushi bwaba lupwa lwandi?'' ⁷ Imfumu Ahasuerusi yatile kuli namfumu na Mordekai umu Yuda, ''Moneni nimpela Ester ing'anda yakwa Hamoni, kabili na bamukulika pa cimuti, pamulandu aleya mukusansa aba Yuda. ⁸ Lembeni nalimbi ikambisho kuba Yuda mwishina lya mfumu no kukakatikapo ininda minwe ya mfumu. Pantu ikambisho lya lembwa kale mwi shina lya mfumu no kukakatikapo ininda minwe ya mfumu icakuti tekuti calulwe.'' ⁹ Elyo bakalemba wa mfumu baitilwe pali ilya nshita, mu mwenshi wa butatu, uwali mwenshi wa Sibani, pa bushiku bwalenga amakumi yabili na shitatu ubwa mwenshi. Pantu ikambisho lya lembelwe lya kwete fyonse ifyo Mordekai akonkomeshe ukukuma aba Yuda. Lya lembelwe nabalashi ba fitungu, abalashi naba cilolo ba fitungu abashingulwike ukufuma ku India ukufika Kushi, 127 ifitungu, ku citungu conse calembelwe mu kulembwa kwa ciko, naku bantu bonse mu lulimi lwabo naku ba Yuda mu milembele yabo na mu lulimi lwabo. ¹⁰ Mordekai alembele mwi shina lya mfumu Ahasuerusi nokufwatikapo pali cena ininda minwe ya mfumu. Atumine amakalata ku nkombe ishali pali bakabalwe, bakabalwe bonse ba nkondo aba bomfiwa ku mulimo wa mfumu, bakabalwe abalubilo nganshi abafyelwe kuli ba kabalwe abakota abakubufumu. ¹¹ Imfumu yapele aba Yuda abali mu misumba yonse insambu shakulongana pamo no kupanga ica kucingilila ubuumi bwabo: Ukuti bakufye, bepaye, no konaula ifita fya bulwi ukufuma ku bantu nangu ku citungu ifingafwaya ukusansa bena ukubikapo abana nabekashi pamo pene, nangu ukusenda ifikwatwa fyabo. ¹² Ici calinokucitika mu fitungu fyonse ifya mfumu Ahasuerusi, pa bushiku bwe kumi na shitatu mu mwenshi we kumi na ibili, ekutila umwenshi wa Adari. ¹³ Ifyalembelwe ifye kambisho fyali no kupelwa nge funde ku citungu conse no kusabankanishiwa pa lwalala ku bantu bonse. Aba Yuda baliteyenye pali bulya bushiku ukulandula abalwani babo. ¹⁴ Eico inkombe shali pali ba kabalwe bakwi sano aba balebomfiwa ku mulimo wa mfumu. Baile ukwabula ukushinga shinga. Ikambisho lya mfumu lya pelwe ukufuma kwi sano ku Shushani. ¹⁵ Elyo Mordekai afumine ku cinso ca mfumu nafwala ifyakufwala fya bufumu ifya makumbi makumbi ne fya buuta, ne cilongwe cikalamba ica golde no mwingila uwakolokondwe uwakashika, no musumba wa Susa wabilishe no kusekelela. ¹⁶ Aba Yuda bali no lubuuto ne nsansa no kusangalala no mucinshi. ¹⁷ Muli cila citungu na muli cila musumba, ukuli konse uko ishiwi lya mfumu ne kambisho lya fikile, kwali ukusansamuka no kusangalala muba Yuda, umutebeto no kutusha. Abengi ukufuma mu bantu abapusana pusana bayalwike aba Yuda, pamulandu wakutina aba Yuda.