¹ Eico imfumu na Hamani yaile ku mutebeto pamo na na mfumu Ester. ² Mu bushiku bwa cibili bwine, pa mutebeto wa mwanganshi, imfumu yatile kuli Ester, ''Cinshi ica kulomba cobe, we na mfumu Ester? Cikapelwa kuli iwe. Cinshi ulefwaya? Nangu ni citika wa bufumu, kuti na kupela.'' ³ Elyo na mfumu Ester ayaswike, ''Nga cakuti ninsanga ububile mu menso yenu, mwe mfumu, nangu cisuma kuli imwe, lekeni umweo upelwe kuli ine-ici ecakulomba candi, na ipushishako naku bantu bandi. ⁴ Pantu twalishitishiwa, ine na bantu bandi, ukuti tonaulwe, twipaiwe, no kulofya. Abatushitishafye nga basha, nga abaume na banakashi abasha, nga natalala, pantu ukumanama kwa musango uyu kukafulunganya imfumu.'' ⁵ Elyo imfumu Ahasuerusi yatile kuli Ester na mfumu, ''Nani uyo? Alikwi uyo muntu uwingasangwa uwaisula umutima wakwe ukucita ico cintu?'' ⁶ Ester atile, ''Uletulwisha, uyu umulwani, ni uyu umubi Hamani!'' Elyo Hamani alitinine pa menso ya mfumu na namfumu. ⁷ Ne mfumu yaimine ne cipyu ukufuma pa mutebeto wa cakunwa ca mwanganshi no kuya kwibala lya mwisano, nomba Hamani atwalilile ukupapatila umweo wakwe kuli na mfumu Ester. Ali mwene ukuti umupamba walamucitikila ena ukufuma ku mfumu. ⁸ Elyo imfumu yabwelele ukufuma kwibala lya mwisano no kwingila na mumuputule umwali umutebeto wa mwanganshi. Hamani ninshi nawila pacakukuwamapo apo Ester ali. Imfumu yatile, ''Bushe acenda na mfumu naine epondi mu ng'anda yandi?'' Mukwangufyanyafye icebo cafumine mu kanwa ka mfumu, ababomfi bafimbile Hamani pa menso. ⁹ Elyo Harbona, umo mubalashi uwalebomba ku mfumu, atile, ''Icapindama icilepele imikono amakumi yasano mubutali icaiminina kumbali ya ng'anda yakwa Hamani. Ico apekanishishe Mordekai, uyo umo uwasosele pakucingilila imfumu. ''Ne mfumu yatile, mukulikenipo.'' ¹⁰ Eico balimukulikile Hamani pacapindama cintu apekanishishe Mordekai. Elyo ne cipyu ca mfumu caponene panshi.