¹ Pbushiku bwalenga shitatu Esta afwala insalu shabunamfumu, aya iminina mu lubansa lwa mukati ke sano lya mfumu pa ntanshi ya muputule wa mfumu. Imfumu nayo ninshi naikala pa cipuna cabufumu mukati ke sano ukulungatana ne mpongolo ye sano. ² Ilyo imfumu yamwene Esta naiminina mu lubansa, yatemwa pakumumona. Imfumu epakutambika inkonto ya golide iyali mu minwe yaiko kuli ena. Elyo Esta apalamina aikata pa mulu wa nkonto. ³ Imfumu yamwipusha ati, ''Ninshi namfumu Esta? Cinshi ulefwaya? Ndekupela conse ico ulefwaya nangufye ukukwakanya ubufumu bwandi pakati!'' ⁴ Elyo Esta asosa ati, ''Nga cakuti casansamusha imfumu, lekeni imfumu na Hamani bwangu bwangu iyo napekanisha imfumu.'' ⁵ Imfumu nayo epakusosa ati, ''Iteni Hamani bwangu bwangu pakuti tucite ifyo Esta alefwaya.'' Kanshi Imfumu na Hamani baisa na ku mitebeto Esta apekenye. ⁶ Ilyo bacili balenwa umwangashi panuma ya mutebeto, imfumu yaipusha Esta aiti, ''Bushe cinsi ulefwaya. Ala ulepelwa. Cinshi ulelomba? Nnangufye ukufikafye kukwakanya ubufumu bwandi pakati cilefikilishiwa!'' ⁷ Elyo Esta ayasuka ati, ''Ifyo ndefwya nefyo ndelomba nifi, ⁸ nga ninsanga uluse pa cinso ca mfumu elyo nga cakuti casansamusha imfumu ukumpela ico ndelomba no kufikilisha ico ndefwaya, baleke ukuti imfumu na Hamani bakese nakabili mailo ku mitebeto nkabapekanishisha, lyena nkacita ifyo imfumu isosele.'' ⁹ Ilyo Hamani afumine ku malila, alisaminwe nensansa ishingi mu mutima. Lelo ilyo amwene Modekai mu mpongolo ya mfumu, nokuti taimine nangu ukumutina, ici calengele ukuti Hamani afulwe nganshi. ¹⁰ Lelo kwena ashipikisha aya na ku ng'anda ku mwakwe. Elyo atuma abakwita abanankwe no mukashi wakwe Sereshi. ¹¹ Elyo Hamani atampa ukulabashimikila ubwingi bwa fyuma fyakwe, ne mpendwa ya bana bakwe abaume, na pafyo imfumu yamucindike pakumpela ififulo ifikalamba, no kumusonta ukuba umukalamba wa bacilolo na babomfi ba mfumu. ¹² Alundapo nokuti, ''Eico cine na namfumu Esta wine taitileko umuntu nangu umo ku mitebeto apekenye kanofye ine pamo ne mfumu. Na mailo line nkayako kabili pamo ne mfumu. ¹³ Lelo ifi fyonse tafilepilibula akantu nelyo kamo kuli ine nga cakuti ndemona Modekai umu Yuda naikala pa mpongolo ya mfumu.'' ¹⁴ Elyo umukashi wakwe Sereshi na banankwe bamweba abati, ''Fwayeni abakupanga ifintu fyakukulikilapo abantu icilepele amakubiti amakumi yasano. Elyo ulucelo ukebe imfumu ikakulikilepo Modekai. Elyo ukaye pamo ne mfumu ku mitebeto ninshi nausansamuka.'' Kanshi Hamani atemwa pali aya mano bamupandileko, apanga ne fimuti fyakukulikilapo abantu ba milandu.