¹ Elyo Modekai aumfwile fyonse ifyacitike, alepula insalu shakwe, afwala insalu shabulanda, aisuba ne mito. Elyo aingila mukati ka musumba no kulila umusowa uukalamba uwacililishi. ² Aya fika na ku mpongolo ya mfumu. Nomba takwali umungtu nangu umo uwasuminishiwe ukwingila pa mpongolo ya mfumu nafwala insalu sha bulanda. ³ Kanshi mucitungu conse ica calo umwafikile icipope ne cebo ca mfumu, mwali imisowa iikalamba nganshi mu bulanda, ukufunga ukulya, ukulila no kulosha. Elyo aba Yuda abengi bafwele insalu shabulanda nokuisuba imito. ⁴ Elyo ababomfi bakwa Esta abanakashi na bamutungwi wakwe bamushimikile ifyalecitika, awe namfumu aikatwa no bulanda ubukalamba. Atumina Modekai ifyakufwala pakuti afuule insalu shabulanda, nomba ena alikene . ⁵ Elyo Ester aitile Hataki, umo uwa mu bakalamba ba mfumu uwa sontelwe ukulamubombela. Amwebele ena ukuya kuli Mordekai kukusambilila ifya ifyacitike kabili ne fyo calepilibula. ⁶ Eico Hataki aile kuli Mordekai mu lubansa lwa musumba ku ntanshi ya mpongolo ya mfumu. ⁷ Mordekai amwebele ena fyonse ifya citike kuli ena, ne cipendo conse ica silfere ico Hamani alaile ukupela no kubika mu fipope fya mfumu pa kubika aba Yuda mu kufwa. ⁸ Amupele ena ica yambulwa ca malembo ya cipope ica pelwe mu Shishani pakulofiwa kwaba Yuda. Acitile ici pakuti engamupela insambu ya kuya ku mfumu ku kumulombelako uluse, noku mupapatilako kulubali lwa bantu bakwe. ⁹ Eico Hataki aile no kweba Ester ifyo Mordekai asosele. ¹⁰ Elyo Ester alandile kuli Hataki noku mweba uku bwelelamo kuli Mordekai. ¹¹ Atile, ''Aba bomfi ba mfumu bonse na bantu aba mufitungu fya mfumu balishiba ukuti umwaume nangu umwanakashi nga aya mukati ka mfumu mukati ka lubansa ukwabula ukwitwa, kwabafye ifunde limo: Afwile abikwa pa kwipaiwa-kano untu imfumu ya ikatila inkonto ya golide elyo engaba no bumi. Inshaitwa ukwisa ku mfumu pali ishi nshiku amakumi ya tatu.'' ¹² Eico Hataki aebele amashiwi ya kw Ester kuli Mordekai. ¹³ Mordekai abwekeshemo amashiwi kuli Ester: ''Witontonkanya ukuti aba mwisano lya mfumu, kuti wa fyuka na kabili ukucila bonse aba Yuda. ¹⁴ Nga cakuti yashala tondolo pali ino nshita, ukutusha no kupusuka fikema ku ba Yuda ukufuma kumbi, lelo iwe naba mu ng'anda yakwa wiso mu kaloba. Nani waishiba nga cakuti iwe walisa pa cifulo ca bumafumu pa nshita nga ino?'' ¹⁵ Elyo Ester atumine amashiwi kuli Mordekai. ¹⁶ ''Kabiye, kakolonganye aba Yuda bonse abaikala mu Shishani ba ndekeleko ukulya. Mwikalya nangu ukunwa pa nshiku shitatu, ubushiku nangu akasuba. Mwe bakashana bandi naine wine nkaleka ukulya mu musango umowine. Elyo nkaya ku mfumu, nangu ta caba ica suminishiwa ne funde, kabili nga naloba ninshi naloba.'' ¹⁷ Mordekai aile kabili acitile fyonse ifyo Ester amwebele ena ukucita.