¹ Panuma ya ifi fintu, imfumu Ahasuerusi ya cindamike Hamani umwana mwaume wakwa Hamedata umwina Agagi, kabili ya mubikile pa cipuna ca maka yapa muulu ukucila ba cilolo bonse abali pamo na ena. ² Bonse aba bomfi ba mfumu abali pa mpongolo ya mfumu ba lefukama noku kontama kuli Hamani, nga fintu imfumu ya bebele ukucita. Lelo Mordekai tafukeme nangu ukukontama panshi. ³ Elyo ababomfi ba mfumu abali pa mpongolo ya mfumu ba tile kuli Mordekai, ''Cinshi iwe taubelele ifunde lya mfumu?'' ⁴ Balandile nankwe cila bushiku, lelo alikene ukubela ifyo ba lefwaya. Eico balandile pamo na Hamani ku kumona nga cakuti umulandu wakwa Mordekai kuti washala nga filya fine, pakuti alibebele ukuti ali mu Yuda. ⁵ Ilyo Hamani amwene ukuti Mordekai tafukeme no kukana mulanga umucinshi, Hamani aiswilemo icipyu. ⁶ Ali sulile umusango wa kwipaya Mordekai eka, pantu ababomfi ba mfumu balimwebele ifyo abantu bakwa Mordekai bali. Hamani atontonkenye ukulofya aba Yuda bonse, abantu bakwa Mordekai, abali mu bufumu bonse ubwakwa Ahasuerusi. ⁷ Mu mwenshi wa kubalilapo (umwenshi wa Nisani), umwenshi walenga ikumi na ibili ku mfumu Ahasuerusi, umwina Puri-ica ku pendwilako-ca poselwe ku ntanshi yakwa Hamani, ku kusala ubushiku no mwenshi. Bapendwile ubushiku no bushiku mpaka icipendwilo ca ponene mu mwenshi walenga ikumi na ibili (uuli mwenshi wa Adari). ⁸ Elyo Hamani atile ku mfumu Ahasuerusi, kuliko abantu abmo aba salanganine no ku pelwa mu fitungu fyonse mu bufumu bwenu. Ifunde lyabo lya lipasanako kuli abo abantu bambi, kabili tabasunga mafunde ya mfumu, eico tacili ica wama ku mfumu uku baleka bekale. ⁹ Inga cakuti caba ica kusekesha ku mfumu, ''Peeleni icipope ica ku bepaya, kabili nkapeela amatalanti amakana ikumi limo ilya silfere mu minwe yabo babomba mu makwebo ya mfumu, pakuti bakabike mu cipao ca mfumu.'' ¹⁰ Elyo imfumu ya bulile imindminwe mu minwe yaiko nokupela Hamani umwana mwaume wakwa Hamedata umwina Agagi, umulwani waku ba Yuda. ¹¹ Imfumu yatile kuli Hamani, ''Nkamona ukuti ba kubwesesha ulupiya kuli iwe na bantu bobe. Kuti mwacitamo ifyo mutemenwe.'' ¹² Elyo bakalemba ba mfumu baitilwe pa bushiku bwalenga ikumi na shitatu mu mwenshi wakubalilapo, kabili icipope conse ica kwa Hamani ico akambishe ca lembelwe kuba kalamba bemininako imfumu mu fitungu, kuli abo bonse abali mu fitungu fyonse, kuba kalamba ba fitungu mu bantu bapusana pusana, na kubakalamba ba bantu, na mu fitungu ukulingana ne milembele yabo abene, naku bantu bonse mu lulimi lwabo. Ca lembelwe mwishina lya mfumu Ahasuerusi kabili fyakakatikwe ne mindaminwe. ¹³ Amakalata yalituminwe ukupitila mu babomfi mu fitungu fyonse ifya mfumu, ku kulofya, ukwipaya, elyo no konaula aba Yuda bonse, ukufuma ku misepela ukufika ku mukote, abana na banakashi, mu bushiku bumo-pabushiku bwalenga ikumi na shitatu mu mwenshi walenga ikumi limo na ibili (umwenshi wa Adari)-no kusenda ifipe fyabo fyonse. ¹⁴ Icaabulwa ca makalata ya lembelwe ca pangile ifunde mu fintungu fyonse. Mu fitungu fyonse ca lengele ukwishibikwa ku bantu bonse pa kuti baipekanye kuli ubu bushiku. ¹⁵ Kuba bomfi ba makalata balile no kangufyanya ku kupelwe mu kati ke sano mu Shushani. Imfumu na Hamani baikele ku kunwa, lelo umusumba wa Shushani wali mu cimfulu mfulu.