¹ Nomba aya emafunde, ne fipope, nobupingushi ubo Yawe Lesa wenu akankomeshe ine kukumusambilisha imwe, ukuti imwe mukaleya sunga mu calo ico mwalayabuka mwishilya lya Yodani kuku cikwata. ² Pakuti muletina Yawe Lesa wenu, pakulasunga ifipope na mafunde ukuti mukonkomeshe imwe- imwe, nabana benu abaume, na beshikulu benu inshiku sha myeo yenu shifule. ³ Eico umfweni kuli bena, Israeli no kubasunga bena, pakuti fileya bwino naiwe, pakuti mufule sana, mu mpanga umwaba umukaka nobuci, ngefyo Yawe, Lesa wabashinwe, amulaile imwe akacita. ⁴ umfweni, Israeli: Yawe Lesa wesu aba umo. ⁵ Muletemwa Yawe Lesa wenu nomutima wenu onse, no mweo wenu onse, namaka yenu. ⁶ Amashiwi aya ndemukonkomesha imwe leelo yakaba mu miyima yenu; ⁷ elyo imwe muli nokubasambilisha bwino kubana benu; nokuyalandapo ilyo mwikele mu muyanda yenu, nelyo muleenda mu musebo, napakulala panshi napa kubuuka. ⁸ Imwe uli ne kufikaka fyena nge fishibilo pa maboko yenu, elyo nge cakukaka pa mpumi pakati kamenso yenu. ⁹ Muli nokuyalemba yena pafila fya minshi ya mayanda yenu napa mpongolo shenu. ¹⁰ Ilyo Yawe Lesa wenu akamileta mu mpanga iyo alapile kuli bashinwe, kuli Abrahamu, kuli Israeli, na kuli Yakobo, ukuti akamupela imwe, iyikulu elyo iyisuma imisumba iyo tamwakulile, ¹¹ na mayanda ayaisulamo ifintu fisuma ifyo imwe uushabikamo, ifishima ifyo imwe mushaimbile, amabala ya myangashi naya miolifa aya mushabyele, mukalalya no kwikuta- ¹² elyo mukaba abatekanya tecakwesha ukulaba Yawe, uwamufumishe mu mpanga ya Egypto, umo uwali abasha. ¹³ Mulecindika yawe Lesa wenu; ena eo mukalepepa, elyo mukalelapa mwishina lyakwe. ¹⁴ Mwikalakonka tulesa tumbi, tulesa twaba bantu bambi abakaba mumbali yenu- ¹⁵ pantu Yawe Lesa wenu uwaba muli imwe ni Lesa wabufuba- nga mwacita, icifukushi ca kwa Yawe Lesa wenu nobukali bwakwe buka mwishila akamulofya imwe pacinso cesonde. ¹⁶ Mwilaesha yawe Lesa wenu nga filya mwaeseshe Masa. ¹⁷ Mufwile mwabaka ukusunga amafunde yakwa Yawe Lesa wenu, nefyakushimika fyakwe, ne fya bupingushi fyakwe, ifyo amukonkomeshe imwe. ¹⁸ Mulecita ifyalungama kabili ifisuma pa menso yakwa Yawe, ukuti cikamuwamine imwe ukuti mwingayamo nokukwata impanga isuma iyo Yawe alapile kuli bashinwe, ¹⁹ kukutamfyamo abalwani benu ukufuma kuli iwe, ngefyo yawe alandile. ²⁰ Ilyo umwana obe akepusha iwe mu nshita pa kwisa, no kulanda panshita yakwisa, ukulanda, lifunde nshiilya cipangano, ilyabupingushi, elyo na mafunde yambi ayo Yawe Lesa wesu akonkomeshe imwe?' ²¹ elyo ukalanda ku mwana obe umwaume, ifwe twali abasha bakwa Farao mu Egypto; Yawe atufumishe mu Egypto kukuboko, ²² acita ifishibilo nefisungusho ifikalamba ifyabipisha pa bena Egypto, pali farao, naba ng'anda yakwe, pacinso cesu; ²³ leelo atufumyako ifwe kulya, no kutuleta kuno, nokutupela impanga iyo alapile kuba fyashi besu. ²⁴ Yawe alikonkomeshe ifwe ukulabela ifipope, ku kutina Yawe Lesa wenu pakuti cikatuwamine, tuleenda aba mweo, ngefi fine cili leelo. ²⁵ Ngatwalasunga amakambisho aya pa cinso cakwa Yawe Lesa wesu, ngefyo atukonkomeshe ifwe cikaba ebulungami bwesu.'