¹ Elyo Yawe Lesa wenu akamuleta mumpanga iyo muli noku kwata, ukafunyamo inko ishingi ilyyo tamulayamo- abena Hitite, abena Girgashite, abena Amoeite, abena Cananite, Perisite, abena Hibite, na bena Yebusite- inko cine lubali ishakosa na maka ukucila imwe. ² Ni Yawe Lesa wesu uwa bapele kuli imwe uku bacimfya, na kabili mu kabonaule bonse. Mwikabika cipangano pakati kenu na bena, na kabili mukabonaule bonse. Mwikabika icipangano nabo, nokukana bakwatila inkumbu. ³ Tamufwile ukufya abana benu kuli bena. Tamufwile ukupela abana benu abanakashi kubana babo abaume, kabili tamufwile ukusenda abana babo abankashi ku bana abaume. ⁴ Pantu bakafumya abana benu abaume kuli ine, pakuti bakapepa tulesa tumbi. Elyo icipyu cakwa Lesa cikesa pali imwe, kabili akamonaula mukwangufyanya. ⁵ Ifi efyo mukacite pali bena: Mukatobaule imfuba shabo, mukonaula inceshi sha mabwe mufipimfya, nefimuti fyabo ifya imikwa mukonaula, ne fimpashanya fyabaswa mukoce mu mulilo. ⁶ Pantu imwe muli luko ulwapatulwa kuli Yawe Lesa wenu. Ali musala nga bantu bakwe abo aikwatila, ukucila pa bantu bambi abali pesamba lye donde. ⁷ Yawe tabikile ukutemwa pali imwe nangu ukumusala pa mulandu wa bwingi bwa mpendwa yenu ukucila abantu bambi- pantu mwali abacepesha mu bantu bonse-- ⁸ leelo pamulandu waku mutemwa, alekabila ukusunga umulopa uyo alapile kuli bashinwe. Emulandu Yawe amufumishe mukuboko kwa kwa Farao, imfumu ya Egypto. ⁹ Eico ishibeni Yawe Lesa wenu- ukuti e Lesa, Lesa wacishinka, ukusunga ifipangano ne cishinka pankulo ikana kuli abo aba muyemwa nokusunga amafunde yakwe, ¹⁰ leelo abwesesha bonse abamupata pa finso fyabo, kuku bonaula; takamwelele onse uwa mupata; akamupela oacinso cabo. ¹¹ Mufwile ukukonka ifipope, amafunde ifyapampamikwa ifyo namukonkomesha ileelo, pakuti muficite. ¹² Nga mwakutika kuli aya malango, nokuyabaka nokuyacita, cikacitika ifyo Yawe Lea wenu asungile icipangano na icishinka ico alapile kuli bashinwe. ¹³ Akamutemwa imwe, akamupala, akamufusha. Akapala ubufyashi bwa mumafumo yenu, ifikwalo fya mumushili--imbuto shenum imyangashi yenu ipya, na mafuta yenu--neshana shafyalwa ku ng'ombe yenu nabana ba mpanga bamumikuni yenu mu mpanga iyo nalapile kuli ba shinwe ukumipela. ¹⁴ Mukapalwa ukucila abantu bonse; tamwakabe uushakafyale umwana umwaume nangula umwana mwanakashi ing'umba mukati kenu nangu mufitekwa fyenu. ¹⁵ Yawe akafumya pali imwe amalwele yonse; takuli amalwele ayabipisha aya mu Egypto ayo mwaishibe, leelo akabika pali abo bonse abapata imwe. ¹⁶ Mu kalofya abantu bonse abo Yawe Lesa wenu alepela kuli imwe, na menso yenu tayakabe nobulanda pali bena, tamwakashinshimune tu lesa twabo, pantu ici cikaba citeyo kuli imwe. ¹⁷ Nga wasosa mu mutima obe, 'Ishinko shafulisha ukucila ine nkabacefya shani?-- ¹⁸ Wikabatina; ukebukishe ifyo Yawe Lesa obe acitile kuli Farao na kubena Egypto bonse; ¹⁹ amacushi ayakalamba ayo amenso yenu yamwene, ifishibilo, ifipesha mano, ukubako ukwamaka, nokubo ukwatambalikwa uko Yawe Lesa wenu amufumisheko. Yawe Lesa wenu akacita cimo cine ku bantu bonse abo imwe mutina. ²⁰ Nokucilamo, Yawe Lesa wenu akatuma amalonda pakati kabo, mpaka bonse aba shele naba fiseme abene ukufuma kuli imwe bakapwishishiwe no kuloba ukufuma mucinso cenu. ²¹ Tamwakabe aba mwenso pali bena, pantu Yawe Lesa wenu ali pakati kenu, mukulu kabili ni Lesa wakutinya. ²² Yawe Lesa wenu akafumya inko shonse pali imwe panono panono. Tamwakaba cimfye bonse pa nshita imo, nangu finama fya mpanga fikese mu bwingi no kumishinguluka. ²³ eelo Yawe Lesa wenu akamulenga ukucimfya pali bena nga mwabakumanya mu bulwi; akabafulunganya mpaka bakonaulwe. ²⁴ Akapela ne mfumu shabo mumaka yenu, kabili mukalenga amashina yabo ukuloba pesamba lya mulu. Tapakeminine nangu umo pali imwe, mpaka mukabonaule bonse. ²⁵ Mukoca ifyabaswa kuminwe ifya tu lesa twabo--tekwesha ukufimba pali silfere nangu ni golide uwa fimbwapo kuli bena no kuisendela mwebene, pantu ngamwacita. Mukekatwa kuli ici--pantu camuselu kuli Yawe Lesa wenu. ²⁶ Mwikaleta camuselu mumayanda yenu nokutampa ukucishinshimuna. Mukacilinga ica makankamike kabili ica muselu, pantu cena cabikwapo ku konaulwa.