¹ Mose abilikishe kuli bonse abena Israeli atile kuli bena, ''Umfweni, mwe bena Israeli, ku makambisho na kubupingushi nalalanda mu matwi yenu leelo, mufishibe nokufisungu. ² Yawe Lesa wenu napanga icipangano naifwe mu Horebu. ³ Yawe tapangile ici cipangano nefikolwe fyesu, leelo naifwe, ifwe bonse abaleikala pano ileelo. ⁴ Yawe asosele naimwe icinso ne cinso palupili ukufuma mukati kamulilo ⁵ (ine naleiminine pakati kakwa Yawe naimwe panshita ilya, ukusokolwela amashiwi yakwe; pantu imwe mwalitinine pamulandu wamulilo, naimwe tamwaninine pamulu walupili). Yawe atile, ⁶ 'Nine Yawe Lesa wenu, uwamifumishe mucalo ca Egypto, mu ng'anda yabusha. ⁷ Wilaba natulesa tumbi pantanshi yandi. ⁸ Wilaipangila wemwine icakubasa kucimpashanya ca cili conse mu mulu napanshi, nangu icapesamba lya calo, nangu icaba panshi yamenshi. ⁹ Wilafukama kuli fyena nangu ukufibombela, pantu ine Yawe Lesa obe, nine Lesa wabufuba. Ine nshakakandile abana, abalenga shitatu nakuukulo yalenga iine, pamulandu wamampulu yafikolwe fyabo kuli abo abampata, ¹⁰ na ukulanga bwangu icitemwiko kumakana, kuli abo abantemwa no kusunga amafunde yandi. ¹¹ Wilalumbula ishina lyakwa Yawe Lesa obe apafye, pantu Yawe takamileke ukuba abakaele elyo mulelumbula ishina lyakwe apafye. ¹² Ukusunga ubushiku bwe Sabata nokubulenga ukuba ubwamushilo, ngefyo Yawe Lesa obe akukambishe. ¹³ Munshiku mutanda ulebombamo umulimo obe onse; ¹⁴ leelo ubushiku bwacine lubali li Sabata lyakwa Yawe Lesa obe. Pali ubu wilacitapo umulimo uuli onse- iwe, nomwana obe umwaume, nomwana obe umwana kashi nomubomfi obe umwaume, nomuleshi obe umwanakashi, ne ng'ombe yobe, ne mpunda, ne fitekwa fyobe fyonse, na umuleshi uuli mumpongolo shobe. Kukuleka umubomfi obe umwaume na umubomfi obe umwanakashi atushe ngaiwe. ¹⁵ Uleibukisha ukuti wali umubomfi mucalo ca Egypto, na Yawe Lesa obe alikufumishe mulya muminwe iyakosa kabili kukuboko ukwatambikwa. Nipali ici Yawe Lesa obe akwebela ukusunga ubushiku bwe Sabata. ¹⁶ Cindika wiso na noko, ngefyo Yawe Lesa obe akukonkomesha ukucita, mukuleka shifule inshiku mu calo eco Yawe Lesa obe akupela, neco cikawama kuli iwe. ¹⁷ Wilaipaya. ¹⁸ Wilacita bucende. ¹⁹ Wilaiba. ²⁰ Wilaba kambone wabufi kumunobe. ²¹ Wilakumbwa umukashi wamwina mupalamano, wilakumbwa ng'anda yamunobe, ibala lyakwe, nangu umubomfi wakwe umwaume, nangu umwanakashi, ing'ombe yakwe, nangu ipunda lyakwe, nangu icili conse icili pamwina mupalamano obe.' ²² Aya amshiwi Yawe aosele mwishiwi ilikalamba kuli bonse abalongene palupili ukufuma mukati kamulilo, mwekumbi, nemfimfi ikalamba, talundilepo amashiwi nayambi. Afilembele pafipampa fibili ifyamabwe nokufileta kuli ine. ²³ Caishile mukuti, ilyo mwaumfwile ishiwi pakati kamfimfi, libe ninshi ulupili lupepya, mwaishile kuli ine mupepi- bonse bafilolo benu naba kalamba bamitundu yenu. ²⁴ Mwatile, 'Moneni, Yawe Lesa wenu natulanga ubukata bwakwe nobukulu bwakwe, kabili natumfwa ishiwi lyakwe ukufuma mukati kamulilo; twamona leelo ukuti ilyo Lesa alanda kubantu, kuti baba no mweo. ²⁵ Leelo mulandunshi twingafwila? Pantu uyu ukalamba uletulofya bonse; ngatwaumfwa ishiwi lyakwe Yawe Lesa wenu nakabili, tukafwa. ²⁶ Pantu ninani ukulunda pali ifwe uuli muli bumubili uwamfwa ishiwi lyakwa Lesaa wamweo ukusosa ukufuma mukati kamulilo nokuba nomweo, ngefyo twacita? ²⁷ Leelo imwe, mufwile ukuya nokukutika kuli conse ico Yawe Lesa wesu alelanda; ukubwekeshapo kuli ifwe conse ico Yawe Lesa wesu asosa kuli ifwe, tulakutika kuli cena nokucikonka. ²⁸ Yawe alyumfwile amashiwi yenu ilyo mwalesosa kuli ine. Atile kuli ine, 'Ningumfwa amashiwi yaba abantu, kufyo balesosa kuli iwe. Ifyo bacisosa fisuma. ²⁹ Iye, ngamwaliba umutima uyo muli bena, uwakungumfwila nokusunga amafunde yandi yonse, ico kuti cabawamina nabana babo umuyayaya! ³⁰ Kabili ukatile kuli bena, ''Bweleleni muma tenti.'' ³¹ Leelo iwe, imanina panondi, ndekweba amafunde yonse, amakambisho nafyabupingushi ifyo wakulaba sambilisha, pakuti balefisunga muli cilya calo ico bali nokukwata. ³² Ufisunge, ecalenga, ifyo Yawe lesa akwebe; wialukila kukuboko kwakulyo nangu kukuboko kwakuso. ³³ Muleendela munshila iyo Yawe Lesa wenu amikambishemo, pakuti mwaba abamweo, napakuti caba icawama kuli imwe, namukulenga inshiku shenu ukutantalila mu calo ico mukakwata.