¹ Nomba, mweba israeli, umfweni kumafunde nakumakambisho yantu nalayamba ukumifunda, ukuyacita; pakweba ati mwingekala na ukwingila kabili no ku kwata incende iyo Yawe, Lesa waba shinwe, alemipela. ² Tamwakabikeko ku ma shiwi yantu na mikonkomeshe, nangula ukuyafumyako, pakweba ati mwingasunga amakambisho yakwa Yawe Lesa wenu ayo ndi nokumikambisha. ³ Amenso yenu yalimona ifyo Yawe acita pamulandu wakwa Baali Peori; pantu abaume bonse abakonkele baali walwa Peori, Yawe Lesa wenu alibonaula ukufuma muli baimwe. ⁴ Leelo mwe balambatila kuli Yawe Lesa wenu muli aba mweo ileelo, onse muli imwe. ⁵ Mona, nalimifunda amafunde kabili na makambisho, ngefyo Yawe Lesa wandi akambisha ine, ukuti ufwile ukucita ifi mu kati ka calo ico muleingilamo pakweba ati mwingacikwata. ⁶ Eico yasungeni na ukuyacita; pantu aya emano yenu kabili ekumfwa kwenu mu menso ya bantu abakalaumfwa pali fyonse fi ifipope na ukutila, 'Icine cine ulu luko lukalamba lwa mano kabili bantu abomfwa.' ⁷ Pantu luko nshi lumbi ulukalamba ulwabako ulwakwata umulungu uwapalamina kuli bena, nga Yawe Lesa wenu uwaba ilyo lyonse twaita pali ena? ⁸ Nga luko nshi lumbi ulukalamba ulwabako ulwakwata amafunde na amakambisho ayalungama nga yonse amafunde ayo napekanya kuntanshi yenu ilelo? ⁹ Icikulufye muposeko amano kabili musakamane mwebene, pakuti tamulabile ifintu ifyo amenso yenu ya mona, pakweba ati tabashile imitima yenu panshiku shonse isha myeo yenu. eco kanshi, mukabeshibishe ku bana benu na kubana ba beshikulu benu. ¹⁰ Pa bushiku ubo mwaiminine kuntanshi yakwa Yawe Lesa wenu pa Horebu, ilintu Yawe alandile kuli ine, 'Nkolonganikila abantu, kabili nkabalenga ukumfwa amashiwi yandi, ukuti bengasambilila ukutina ine inshiku shonse isha mweo wabo pano calo, kabili nokutila ati bengasambilishanako abana babo.' ¹¹ Mwapaleme mupepi na mwisamba lya lupili. Ulupili ulupya no mulilo ku mutima wa mulu, na kumfimfi, na kumakumbi, kabili kumfinshi iyatikama. ¹² Yawe asosele kuli imwe pakati ka mulilo; mwaumfwile iciunda na mashiwi yaciko, leelo tamwamwene icili conse; leelo mwaumfwilefye iciunda. ¹³ Amyebele icipangano cakwe ico amikambishe imwe ukucita, amakambisho ikumi. Ayalembele pa mabwe ayapapatala yabili. ¹⁴ Yawe akambishe ine pali ilya nshita ukufunda imwe ifipope na amafunde, pakweba ati mwingayacita mu calo ico mulepitamo pa ku cikwata. ¹⁵ Eico kwateni ukusunga bwino mwebene- pantu tamwamumwene pabushiku bulys Yawe asosele kuli imwe pa Horebu ukufuma mu kati ka mulilo- ¹⁶ pakuti tamuifulungenye mwebene na ukuipangila akalubi mu cimpasho ca munwe uli onse, mukumoneka kwabaume nangu abanakashi, ¹⁷ ukupalana kwa nama ili yonse pa calo, ukupalana kwa fyoni ifipupuka mu mulu, ¹⁸ ukupalana kwa cimumbwa conse ica panshi, nangula ukupalana kwe sabi lyonse ilya mu menshi pesamba lya calo. ¹⁹ Tawakenune amenso ku mulu na ukumona pa kasuba, umweshi, nangula intanda- fyonse ifita ifyaba mu mulu- kabili talukeni mukufipepa na ukufitemwa- fyonse fintu ifyo Yawe Lesa wenu apele nge cakaniko ku bantu pesamba lya calo conse. ²⁰ Leelo Yawe amibulile na ukumileta ukufuma mu cakwengulwilamo ifyela, ukufuma mu Egypto, ukuba kuli ena abantu bakwe ngecakupyanina cakwe, nefyo muli munshiku shalelo. ²¹ Yawe alifulilwe ine pamulandu wenu; alilapisha ukuti nshakaye kulya ku Yodani, kabili nshakaye mu calo cilya icisuma, icalo ico Yawe wenu apele kuli imwe nga icakupyanina. ²² Eico, imfwile nafwila muli ici calo; nshifwile ukuya ku Yodani; leelo nkaya kulya na ukukwata cilya calo icisuma. ²³ Mumfwikishe mwebene, pakuti tamulabile icipangano cakwa Yawe Lesa wenu, ico apangile, na ukuipangila mwebene utulubi mu cimpasho icili conse ico Yawe Lesa wenu amikenye ukupanga. ²⁴ Pantu Yawe Lesa wenu mulilo uulepya, Lesa wa bufuba. ²⁵ Ilyo mu kafyala abana nabana babeshikulu, nelyo mu kaba mu calo panshita iyitali, kabili nga mwailufyanya mwebene na ukupanga icabaswa ku minwe ku cimpasho icili conse, kabili ukucita icabipa ku cinso cakwa Yawe Lesa wenu, ku kumupililika ukufulwa- ²⁶ nketa umulu na isonde ukuba ngabakambone pali imwe muli buno bushiku ukuti mukalobe bwangu ukufuma mu calo ico muleyamo ica Yodani ku ku cikwata; tamwakekalemo inshiku ishingi, leelo mu kalobelafye. ²⁷ Yawe akamisalanganishisha mu bantu bambi, kabili mu kashala abanono mu mpendwa mu nko, uko Yawe akamitwala. ²⁸ Kulya kwine mukalapyungila imilungu imbi, iyo abantu babomba neminwe yabo, iya fimuti na amabwe, ifishimona, ifishumfwa, ifishilya, nangu ukununsha. ²⁹ Leelo ukufuma kulya mu kafwaya Yawe Lesa wenu, kabili mu kamusanga, ilyo mukamufwaya pa numa yamitima yenu na imweo yenu. ³⁰ Ilyo mukaba na macushi, kabili ilyo ifi fyonse fikesa pali imwe, munshiku shonse shilya ishakunuma mukabwelele kuli Yawe Lesa wenu na ukumfwa kwishiwi lyakwe. ³¹ Pantu Yawe Lesa obe ena ni Lesa uwaluse; tamilekeleshe nangu ukumyonaula, nangu ukulaba icipangano ico apangene nabashinwe no ukulapo kuli bena. ³² Ipusheni nomba panshiku shapita, iyali ninshita yenu iyantanshi, pabushiku Yesu alengele umuntu pa calo, ipusheni ukufuma kumpela ya mulu ukufika na kuibiye, nga cakuti kwali nafimbi ifyacindeme pali ifi, nangu kwaliko icishaumfwikike nge ci? ³³ Bushe abantu tabatalile abomfwapo ishiwi lyakwa Lesa alelanda ukufuma mu kati ka mulilo, ngefyo mwaumfwile, kabili nokwikala? ³⁴ nangu Lesa alitala eshapo ukuya no kuibulila umwine uluko ukufuma mu luko lumbi, ku fyakwesha, kufishibilo, kabili kufipapwa, kabili kunkondo, kabili ku kuboko kwa bulamba, na ku kuboko ukwatambalala, kabili nefyakutinya ifikalamba, nga fyonse ifyo Yawe Lesa wenu acitile kuli imwe mu Egypto mu menso yabo? ³⁵ Kuti imwe ifi fintu fyalilangwa, pakuti mwingeshiba ukuti Yawe ni Lesa, kabili nokutila ati takwaba umbi ukucila pali ena. ³⁶ Ukufuma mu mulu alengele imwe ukumfwa iciunda cakwe, pakweba ati engamitungulula; pa calo alengele imwe ukumona umulilo wakwe; mwaumfwile amashiwi yakwe ukufuma mu kati ka mulilo. ³⁷ Pamulandu wakuti alitemwa bashinwe, asalile aba mubufyashi bwakwe, na ukumifumya mu Egypto mu kubako kwakwe, kubukalamba bwa maka yakwe; ³⁸ atamfishemo ku ntanshi yenu imikowa iyikalamba kabili iya maka ukumicila, ukuleta imwe mu kati, ukumipela icalo nge ca kupyanina, ngelelo. ³⁹ Ishibeni ico ileelo, kabili cibikeni mu mitima yenu, ukuti Yawe ni Lesa uwa mu mulu kabili na pano isonde; takwaba naumbi. ⁴⁰ Mulesunga ifipope na amakambisho yakwe ayo namikambisha ileelo, ukuti yengalaya bwino naimwe na bana benu abakamikonkapo, ukuti mwingekala inshiku ishingi mu calo ico Yawe Lesa wenu alemipela umuyayaya.'' ⁴¹ Elyo Mose asalile imisumba shitatu kulubali lwa kukabanga ka Yodani, ⁴² pakuti umo engabutukilako nga cakuti aipaya umunankwe ku kukana ishiba, uushali mulwani wakwe uwakale. pakubutukila ku musumba umo pali iyi, pakuba no mweo. ⁴³ Kwali: beseri mu matololo, icalo icabatama, ku bena Rebeni; Romate mu Gileadi, ku bena Gadi; na Golani mu bashani, ku bena Manase. ⁴⁴ Aya emafunde ayo Mose abikile kuntanshi yabena Israeli; ⁴⁵ ifi efipangano fya fipope, amafunde, na fimbi ifipope ifyo asosele ku bena Israeli ilyo bafumine mu Egypto, ⁴⁶ ilyo bali ku kabanga ka ku Yodani, mu mupoka poka uwalungatana na Bete Peori, mu calo ca Sihoni, imfumu yabena Amore, uwaleikala mu Heshebone, uo Mose na bena Israeli bacimfishe ilyo balefuma mu Egypto. ⁴⁷ Babulile icalo no kucipyana, na icalo ca mfumu Oge wa bashani- ishi, ni mfumu shibili ishabena Amore, abali kwishilya lya Yodani ukulola ku kabanga. ⁴⁸ Ici citungu cafumine ku Aroere, ku mbali ya mupoka poka wa Arnone, ku lupili lwa Siyoni, ⁴⁹ ukubikapofye nafyonse ifiputulwa fya mu konko wa mu mana wa Yodani ku kabanga ukucila Yodani, ukuya kuli bemba mukalamba, ku mutentemuko wa lupili lwa Pisgah.