¹ Kabili twalyalulwike twakonka no musebo walola ku Bashani. Ogi, imfumu ya Bashani, baishile mukutupakasa, umwine nabantu bakwe bonse, mukutulwisha ku Edelei. ² Yawe epakunjeba ati, 'Wimutina, pantu nimupeela mu minwe yobe, kumo kwine ne fita fyakwe fyonse, pamo ne calo cakwe cine. Umucite filya wacitile Sihoni imfumu yabena Amoli uwaleteeka mu Heshiboni.' ³ Eico Yawe Lesa wesu nao epakutupela Ogi imfumu yaku Bashani ne fita fyakwe fine fyonse. Twabepaya bonsefye, ukwabula ukushapo nangu umo uwakupusuka. ⁴ Pa nshita ilya twapokele ne misumba yakwe yonsefye. Takwashele musumba nelyo umo uo tushapokele pa misumba amakumi mutanda ne citungu conse ica Agobu ico imfumu Ogi iya mu Bashani. ⁵ Yonse iyi misumba yali na malinga ayatali ne mpongolo ne mipikisho yakwisalilako, kabili kwali ne mishi imbi iyingi iyishakwete malinga. ⁶ Elyo na ifwe epakupela imisumba yonse kukonaulwa, nga filya twacitile Sihoni imfumuya Heshiboni. Twaonaula imisumba yonse no kwipaya abantu balimo abaume, abanakashi na baice. ⁷ Leelo ifitekwa ne fitapwaukufuma mu misumba yabo fyena twalifisendele fwe bene. ⁸ Kabili panshita ilya efyo twapokele ifyalo fya shamfumuishi shibili isga bena Amoli lubali lwa ku kabanga ka mumana wa Yodani, ukutendeka ku mukonko wa Alinoni ukushinta na ku lupili lwa Hemoni ⁹ (Abena Sidonibeta ulupili lwa Hemoni ukuti lupili lwa Sirioni, abena Amoli nabo balwita ukuti lupili lwa Seni) ¹⁰ twapoka ne misumba yonse iya mu calo cabatama, na Gileadi yonse, Bashani onse nokuya fikafye ku Saleka na ku Edelei, imisumba ya mu calo cakwa Ogi mu Bashani.'' ¹¹ (Ogi eka, imfumu ya Bashani, ewashelepopa bena Refaimu. Ne mbokoshi ya citumbi cakwe yali iye libwe, na mubwipi yali bamita babili, elyo mubutali bamita bane na citika. Ukushinta na leelo epo icili mu musumba wa bena Amoni mu Laba.) ¹² ''Pa calo twapokele pa nshita ilya, napeele ku bena Rubeni na benaGadi icitumbi ukutendekela mu misumba wa Aroeli ku kapinda ka ku kuso mupepi no mukonko wa Alinoni, no kulundako iciputulwa ca calo ca mpili ica Gileadi, kumokwine ne misumba yaciko. ¹³ Citika wa luko lwakwa Manase naupeele icitungu icasheleko ku calo ca Gileadi, na nabikapo ne calo conse icakwa Ogi imfumu ya Bashani. (Icalo conse ica Agobu mu Bashani caishibikwe ukuti e calo ca bena Refaimu. ¹⁴ Yairi, uwa mulupwa lwakwa Manase, apokele icalo conse ica Agobu, ukuya fika na mu mupaka wa bena Geshuri no wa bena Maaka. Ici calo conse cainikwe ishina lyakwe, ukufika na leelo citwa Hafoti Yairi.) ¹⁵ Kabili napeele Gileadi kuli Makiri. ¹⁶ Leelo napeele ku bena Rubeni na bena Gadi icitungu ukutendekela ku Gileadi ukuya shinta naku mukonko wa Alinoni, umupaka wabela pakati ka mukonko, elyo no kufika ku mumana wa Yaboku, uwapakanya na bena Amoni. ¹⁷ Ku masamba wali mupaka wa mumana wa Yodani mu Araba, ukufuma ku kinereti ukufika kuli bemba wa (Araba, bemba wa mucele) ukuyashintafye mwisamba lya lupili lwa Pisiga. ¹⁸ Elyo panshita ine ilya namukonkomeshe nati, 'Yawe Lesa wenu namupeele ici calo ukuti cibe cenu. Nomba abaume bonse amalamba nabaipangashe ifyanso fyabulwi, babukile kwishilya lya mumana wa Yodani, batangile bamunyinenwe bambi abena Israeli. ¹⁹ Kanofye abakashi benu na bana benu ebali nokushala mu misumba namupeela pamo ne fitekwa fyenu (ninjishiba namukwata ifitekwa ifingi) ²⁰ mpakafye Yawe akapeele na bamunyinenwe ukutuusha pamo nha imwe. Bakaikwatila nabo icalo ico Yawe lesa wenu akabapeela kwishilya lya mumana wa Yodani. Lyena elyo mukabwelela cila umo ku citungu cakwe ico namupeela.' ²¹ Elyo panshita ilya nakonkomeshe Yoshua nati, 'Nauimwena namenso yobe wemwine fyonse Yawe Lesa acitile kuli shilya mfumu shibili. Yawe akalacita cimo cine kusha mfumu shonse isha uko muleya. ²² Tecakwesha kushicina, pantu Yawe Lesa obe eukalakulwishishako.' Lesa akanya Mose ukwingila mu Kenani. ²³ Kabili pali ilya nshita napapeete Yawe, nokutila, ²⁴ 'Mweshikulu Yawe, walitampa kulanga umubomfi obe ubulamba bobe namaka yakuboko kobe; bushe mulungunshi umbi mu mulu napano isonde uuwingacita ifyabulamba ifyo ucita? ²⁵ Leka ngabuke imumana njemonako icalo cisuma icili kwishilya lya Yodani, icalo cisuma ica mpili, na Lebanoni.'' ²⁶ Pamulandu waimwe Yawe alifulilwe, kabili tewakumfwa ifyonalelanda. Yawe atile kuli ine, 'Walanda fyafula - kabili wibwekeshapo ukulanda pali uyu mulandu: ²⁷ kabiye pamulu wa lupili lya Pisiga kabili uulolekeshe kukapinda ka kukuso, naku kapinda ka kukulyo, kukabanga nakumasamba; ulolekeshe bwino, efyo uleya mukumona, pantu iwe tawayabuke uumumana wa Yodani. ²⁸ Kanshi, upele Yoshua imilimo nokumukoselesha kabili nokumucitisha , pantu euli nokutungulula aba bantu, kabili ekalenga ukuti bakapoke cilya calo cabupyani ico iwe walamona.' ²⁹ Kanshi ifwe epakwikala mwishika mupepi nomusumba wa Beti Peori.