¹ Mose aile nokulanda amashiwi aya kubena Israeli bonse. ² Alandile kuli bena, ''Ine ndine myaka umwanda umo na makumi yabili; teti nakabili mfumu no kwingila; Yawe nalanda kuli ine, 'Tawakabuke Yodani.' ³ Yawe Lesa wenu, eukamutangilila; akalofya inko ili kuntanshi yenu, nokubatafyamo bonse, Yoshua, eukamutangilila imwe, ngefyo Yawe asosele. ⁴ Yawe akabacita ngafilya acitile kuli Sihoni na Ogi, isha mfumu shabena Amoli, nakumpanga, aba aonawile. ⁵ Yawe akabafumya kuli imwe, no kubacita ngafilya na mukonkomeshe. ⁶ Beni abakosa ne mibele isuma, mwitina iyoo, nangu ukukwata umwenso kuli bena; pantu Yawe Lesa wenu, uo imwe mukaya nankwe takamulekeleshe imwe.'' ⁷ Mose aitile Yoshua no kulanda kuli ena pa mwnso yabena Israeli bonse, beni abakosa ne mibele isuma, ufwile ukuya na ba bantu mu mpanga iyo Yawe alapile kufikolwe kukubapela kuli bena; ufwile ukucakanya pakati kabo nge cacishilano cabo. ⁸ Yawe, ewakulakutangilila iwe; akulaba nobe; takakushe iwe, tecakwesha kutina kabili tecakwesha kunenuka.'' ⁹ Mose epakulemba aya mafunde nokupela kuli bashimapepo, abana baume babena Lebi, abalesenda imbokoshi ya cipangano cakwa Yawe; kabili apele ifyalembwa cimo cimo kubakalamba bonse abena Israeli. ¹⁰ Mose abakonkomeshe bena no kulanda, ''Pampela yacila mwaka walenga cine lubali wakusula, ku nkongole pa nshikunkulu ya nsakwe, ¹¹ Ilyo abena Israeli bonse baisa mukumonekela ku cinso cakwa Yawe Lesa wenu pa ncende iyo akasala, mukalebelenga aya mafunde ilyo bonse abena Israeli ilyo balekutika. ¹² Mukalekolonganika abantu, abaume, nabanakashi, nabana banono, pamo nenko fye abekala mu mpongolo ya musumba, pakuti bakaleufwa nokusambilila, ukukwatila Yawe Lesa wenu akatina nokusunga amashiwi yonse aya mafunde. ¹³ Citeni ifi pakuti abana babo, abashaishiba, ba fwile baufwa nokusambilila ku cindika Yawe Lesa wenu, pa nshita fye yonse mukalaikala mu calo ico mwayabukila Yodani kukucipoka.'' ¹⁴ Yawe alandile kuli Mose, ''Mona, ubushiku buleisa ilyo ufwile ukufwa; ita Yoshua mwise nankwe mwitenti lya kukumaninamo, pakuti mupele ifikambisho.'' Mose na Yoshua epokuyaipalamika abena mwitenti lya ku kumaninamo. ¹⁵ Yawe amonekele mwitenti muntumba yacushi; intumba ya cushi yaiminine lwa pa mwinshi we tenti. ¹⁶ Yawe alandile kuli Mose, ''Mona, uli nokuyalala kuli wiso; aba bantu baisa ima nokucita nga bacende bwakupepa tulesa tumbi tumbi uto utuli pakati kabo mu mpanga uko baleyamo. bakansula ine nokutoba icipingano ico twapangene nabo. ¹⁷ Elyo, pali bulya bushiku, nkubafulilwa nokubasula bena. Nkafisa icinso candi uko bali bena kabili bakaloba. Ifinkunka ifingi fikabaponena. ifingi ifinkunka na mafya yakabasanga pakuti bakalande pali bulya bushiku, 'Ifi finkunka tafishile pali ifwe pantu Lesa wesu natusenguka?' ¹⁸ Mucishinka nkafisa icinso candi pali bulya bushiku pa mulandu wa kubifya kwabo, pakupilibukila kuli tu lesa tumbi. ¹⁹ Nomba ilembeleni ulu lwimbo mwebene nokusambilishe nakubena Israeli. Bika mutunwa twabo, pakuti ulu lwimbo lukabe lukambone kuli ine pakati ka bena Israeli. ²⁰ Pantu ilyo nkabatwala bena mu mpanga iyo nalapile ukupela ifikolwe fyabo, impanga umufufumuka umukaka nobuci, kabili ilyo balya baikuta nokwina baina, elyo bakapilibuka kuli tulesa tumbi no kupepa bakankana ine bakonaula ne icipangano candi. ²¹ Ilyo ifibi ifingi na mafya fikabeshila aba bantu, ulu lwimbo lukabashinina (pantu tabakalabe icafumine kutumwa twalupwa lwabo). Ningishiba ifintu baletontonkanya ifyo baletontonkanya ukucita leelo, panuma yaifi nabafumishe mu mpanga iyo nabalaile bena.'' ²² Kanshi Mose alembele ulu lwimbo muli ubo bwine bushiku no kulusambilisha kubena Israeli. ²³ Yawe apele Yoshua mwana Nuni ifipope nokulanda, ''Ube uwakosa ne mibele isuma pantu nine ukengisha abana ba Israeli mu mpanga iyo nalapile kuli bena, nokulaba naine.'' ²⁴ Fya citike ilyo Mose apwile ukulemba amashiwi mwi buuku lya mafunde, ²⁵ ukuti akonkomeshe abena lebi abalesenda imbokoshi iyo cipangano cakwa Yawe, nokulanda, ²⁶ ''Bula ili buuku ilya mafunde nokubika lubali lwa mbokoshi ya cipangano cakwa Yawe Lesa wenu, pakuti cikaleba palya pene nga kambone pakati kenu. ²⁷ Pantu nalishiba bucisanguka na bunkosa mikoshi; moneni, ilyo ncilino bumi naimwe nangu leelo, nga cakuti kuti mwasangukila Yawe, pali bufi nganafwa? ²⁸ Longaneni kuli ine bonse mweba kalamba mu mikowa yenu, naba cilolo benu, pakuti nande amashiwi aya mu matwi yabo no kwita umulu, ne calo fibe ifya kubashinina. ²⁹ Pantu ninjishiba ukuti panuma yamfwa yandi mukailufyanya mwebene no kuifumya kufyo namukonkomeshe imwe; ifinkunka fikamiponena imwe munshiku shikakonkapo. ifi fikacitika pantu mukacita ifyabipa pamenso yakwa Yawe, nokumulenga akalipe pa mulandu wa milimo yaminwe yenu.'' ³⁰ Mose alandile mu matwi ya bonse abena Israeli abakolongeneamashiwi ya lwimbo mpaka fye nelyo ba pile.