¹ Kutikeni, mwe myulu, kabili lekeni nsose. Lekeni isonde lyumfwe amashiwi yaku kanwa kandi. ² Lekeni ifya kusambilisha fyandi fipone panshi nge mfula, lekeni ukulanda kwandi kulekoloka ngo mume, ngo bufumi pacani citeku, ngo kumima kwa mfula pafisabo. ³ Pantu nkabila ishina lyakwa Yawe, no kulondola ubukulu bwa kwa Lesa. ⁴ Kumabwe, imilimo yakwe yacishinka pantu inshila shakwe shalilungama. Ni Lesa uwa cishinka, uwabula akalema, mulungami kabili mololoke. ⁵ Bayonaula fye abene. Tabali abana bakwe. Ekalema kabo. Bantu abapetama kabili inkulo iyapondama. ⁶ Bushe kuti mwalambula Yawe muli iyi nshila, mwefipumbu kabili imbulwa mano sha bantu? bushe tali shinwe wenu, umo uwa mubumbile imwe? Amubumbile no kumusalanganya imwe. ⁷ Ibukisheni ku nshiku sha kale, tontonkanyeni pa myaka iya fulisha iya nkulo shakunuma. Ipusheni shinwe nao akamulanga, abakalamba benu na bo baka mweba. ⁸ Elyo uwapulamo apele inko ubupyani ilyo apatukenye umutunse onse, nakabili ayakenye imipaka yabantu, ngefyo alinga impendwa ya tu lesa twabo. ⁹ Pantu Yawe icakaniko cakwe bantu; Yakobo ecakaniko cabupyani. ¹⁰ Aishile ku kumufwaya mu matololo, kabili iya bulamo akantu, muciswebebe; amucingilile nokumusunga, ali mulindile nge mboni yelinso lyakwe. ¹¹ Nge kapumpe uulelinda icasansala cakwe nokufukatila abana bakwe, Yawe aansa amapindo yakwe noku babula, ali babulile nokubasendela mu muno yakwe. ¹² Yawe eka ali batungulwile; tamwali imilungu imbi mu mitula tula. ¹³ Amutekele pamisansama yapano icalo, bokumulisha ifisabo fya mumpanga; kabili amulenga ukulya ubuci mucilibwe, no kufumya amafuta mucilibwe icakosa nganshi. ¹⁴ Alile bata wa ng'ombe no mukaka wa mu mukuni wa mpanga, ne nama yanona ya mpanga yaku Bashani ne imbushi, nga ubwapelwa bwa ngano--anwine umwangashi uwafumine ku fisabo. ¹⁵ Leelo Yeshuruni akulile uwaina nokufipantaula-- uwaina, nautetela kufyakulya--nausula Lesa obe uwa kubumbile, naukana ne libwe lye pusukilo. ¹⁶ Na balenga Yawe akalumwa palwa tu lesa twabo; pafya muselu fyabo naba mukalifya. ¹⁷ Nabapela amalambo kufiwa, ifishili Lesa--tu lesa utushaishibikwa, tu lesa utushimoneka, tu lesa twabashibo utushitinwa. ¹⁸ Icilibwe icasansuka uwaishileba shinwe, uwali Lesa obe, kabili walabile Lesa uwa kupele ubufyashi. ¹⁹ Yawe amwene ci nokuba poselekesha, pamulandu wafyo abana abaume nabana abanakashi bamu kalifye. ²⁰ ''Nkafisa icinso candi ukufuma kuli bena, ''Efyo asosa, ''Nkamone mpela shabo efyo shikaba; pantu ninkulo iyo naliko, abana abashalungama. ²¹ Nabanenga akalumwa pa cishili Lesa na bankalifya pafya bipa fyabo. Naine nkabalenga akalumwa kubashaba bantu; ninkulo iya tumpa nkaba fisha ku mutima. ²² Pantu umulilo naukoshiwa kubukali bwandi no kubilima ukufuma na kumbo ukwashika sana; ulepwisha calo no busomboshi bwaciko, no kubilimya ifyakukulapo pa mpili. ²³ Nkaleta ubonaushi pali bena; nkaposa imifwi yandi yonse pali bena; ²⁴ bakaba abakalipwa kunsala, abaliwa ku mingu shamulilo ne cikuko icabipa kabili ameno yanama shabipa ndetuma pali bena, pamo no busungu bwa fikulika mu lukungu. ²⁵ Panse ya lupanga lukalenga ukufwilwa abana, namu mayanda mukaba umwenso, abalumendo nabakashana bakafwa, abana bonka, nabana baume abakote bakafwa bonse. ²⁶ Natile nkabaposa ukutali, pakuti bekalaibukishiwa ku bantu. ²⁷ Leelo na tinine ukusonsomba kwaba lwani, naba lwani babo bakapingwila mufilubo, na kabili bakatila, 'Ukuboko kwesu na kwimya, nifwe twacita ifi fyonse. ²⁸ Pantu Israeli luko ulwalufya amano, kabili tamuli ukumfwa muli bena. ²⁹ Yee, baba abamano, ngabaumfwa ifi, ngabatontonkanya impela yabo. ³⁰ Kuti umo atamfya ikana limo, nababili ukubika amakana ikumi ku kulwa, nge cilibwe icasansuka tacaposele, na Yawe tabekatileko? ³¹ Pantu ilibwe lyabalwani besu talili nge libwe lyesu, ngefyo abalwani besu bacita. ³² Pantu umwangashi wabo mwangashi uwafuma ku Sodomu, nokufuma mu mabala yaku Gomora; ifisabo fya myangashi fisabo finkolwa nkolwa, ifisansangu fya fiko fintu fyalula. ³³ Umwangashi wabo busungu bwafisoka, kabili busungu bukali bwa ngoshe. ³⁴ Bushe ici tecankama icanshikilwa ine, icaisalilwa umwashila mwakusungila mwandi? ³⁵ Icilandushi candi, nokulambula kwandi, cakunshita yaku telemuka kwa makasa yabo; pantu ubushiku bwakonaulwa kwabo na kupalama, na ifintu ifyali nokwisa citika pali bena fili nokucitika mukwangufyanya.'' ³⁶ Pantu Yawe akapela umulinganya ku bantu bakwe, kabili noluse kuba bomfi bakwe. Akamona nayapwa amaka yabo, kabili nangu umo takashale, nangula abasha nangu bantungwa. ³⁷ Elyo akatila, ''Balikwi ba lesa wabo, ilibwe ilya sansuka ilyobabulile ngecicingililo, ³⁸ tu lesa utulya amafuta ya fyamalambo nokunwa umwangashi wafya kunwa ifya mabupe? Leka beme no kukwafwa; leka babe ubucingo bobe. ³⁹ Lolesha nomba ukuti ine, nangu ine, nine Lesa, kabili takuli lesa uwacila ine; ndeipaya, kabili nine nenga ukuba no mweo; ndapuma, kabili ndaposha, kabili takuli wa kupokolola mukuboko kwandi. ⁴⁰ Pantu naimishe amaboko yandi ku mulu nokusosa, ngefyo naikalilila, nkacita. ⁴¹ Ilyo nkanona lupanga lwandi lukatwe, elyo namaboko yandi yakatampa ukuleta umulinganya, nkacita icilandushi paba lwani bandi, no kubwesesha abampata ifya balinga. ⁴² Nkalenga imifwi yandi ikanwe umulopa, nolupanga lukalye umunofu wamulopa wabobaipeye naba kakwa, no kufuma mu mitwe yantungulushi shaba lwani bandi.''' ⁴³ Sangalaleni mwe nko shonse, pamo na bantu bakwa Lesa, pantu umulopa waba bomfi bakwe akaulandula; necilandushi akabwesesha paba lwani bakwe, no kupwishisha impanga, ya bantu bakwe. ⁴⁴ Mose aishile nokusosa amashiwi yonse ngo lwimbo mu matwi yaba bantu bakwe, ena, na Yoshua umwana mwaume wakwa Nuni. ⁴⁵ Elyo Mose apwishishishe ukusosa ifyebo kubena Israeli bonse. ⁴⁶ Atile kuli bena, ''Bikeni amano yenu ku mashiwi ayo ine nabapo kambone kuli imwe leelo, pakuti mukakambishe abana benu ukuyasunga, amashiwi yonse ayaili funde. ⁴⁷ Pantu tecintu cafye kuli imwe, pantu ya mweo, nokulundulula inshiku sha myeo yenu mumpanga uyo muleyako Yodani ku kuikwata.'' ⁴⁸ Yawe alandile kuli Mose mubushiku bumo bwine no kutila, ⁴⁹ ''Nina ulupili lwa Abarimu, no lupili lwa Nebo, ululi nimpanga ya Moabu, lubali na Yerico. Mukalolesha mu mpanga ya Kenani, iyo ndepela kubana bakwa Israeli nge cakaniko cabo. ⁵⁰ Mukafwila mulupili ulo mukanina, kabili mukalongane kulya abantu bonse, ngefyo Aaroni munonko umwina Israeli afwile mulupili lwa Hor, no kulonganikwa nabantu bakwe. ⁵¹ Nefi filinokucitika pamulandu wa kuti tamwali aba cishinka kuli ine pabantu bakwa Israeli pa menshi ya Meriba mu Kadeshe, mumatololo ya Sini; pakuti tamwa nshishishe nokuncindika pa bantu bakwa Israeli. ⁵² Pantu mukamona impanga ilya, leelo tamwakayemo mulya, mumpanga ilya ndepela kubana bakwa Israeli.''