¹ Nomba ilyo ifi fyonse fikesa pali imwe, ipalo ne tipu ifyo na bika pantanshi yenu, elyo mwaibukisha munko isho Yehoba Lesa wenu amutafishisheko, ² kabili nga mwabwelela kuli Yehoba Lesa wenu nokumfwila ishiwi lyakwe, ukukonka fyonse ifyo ndemikonkomesha leelo imwe nabana benu - nemitima yenu yonse nemipashi, ³ lyena Yehoba Lesa wenu akabwesha ubusha bwenu nokumicitila inkumbu pali imwe; akabwesha nokukolonganya ukufuma mubantu abo Yehoba Lesa wenu amusalanganishishe imwe. ⁴ ngacakuti abantu abatamfiwa bali muncende iitali pesamb a lyamulu, ukufuma kulya Yehoba Lesa wenu akamikolonganika, elyo ukufuma palya akamuleta. ⁵ Yehoba Lesa wenu akamileta imwe mumpanga iyo bashinwe bakwete, naimwe mukaikwata nakabili; akamicitila icisuma kabili akamifusha ukucila fintu acitile bashinwe. ⁶ Yehoba Lesa wenu akasembulula imitima yenu nemitima ya bufyashi bwenu, kabili mukatemwa Yehoba Lesa wenu kumitima yenu yonse ne myeo yenu yonse, pakuti mube no mweo. ⁷ Yehoba Lesa wenu akabika ifyo iftipu pabalwani benu na pabamipata, nabamipakasa. ⁸ Muli no kubwela kabili nokumfwila ishiwi lyakwa Yehoba kabili muli nokucita amafunde ayo ndemikonkomesha imwe ileelo. ⁹ Yehoba Lesa wenu ali nokufusha ubusuma mumilimo yonse iyaminwe yenu, na mufisabo fya mwifumo lyobe, namufisabo fyamufitekwa fyenu, nefisabo fyamumushili, kwishuko. Pantu Yehoba nakabili akabwekeshapo ukucita icisuma, ngefyo asekelele bashinwe. ¹⁰ Akacita ici ngamwaumfwila ishiwi lyakwa Yehoba Lesa wenu, ngacakutila mwasunga amafunde yakwe ne fipope ifyalembwa muli ici citabo camafunde, ngamwapilibukila kuli Yehoba Lesa wenu nemitima yenu yonse nemyeo yenu yonse. ¹¹ Pantu aya mafunde ayo ndemukonkomesha imwe, ileelo tayakosa kuli imwe, nangu ukutali uko mushingafilwa ukufikako. ¹² Tayali mumulu, icakutila musose, ''Nani engatuila kumulu nokutuletela pano panshi pakutila twingayumfwa, pakuti twingabomba?' ¹³ Nangu tayali panshi yabemba, icakutila mwingasosa, ''Nani wingatuila pali bemba nokutuletela ifwe pakutila tumfwe, pakuti twingabomba?' ¹⁴ Leelo icebo cilifye mupepi naimwe, mutunwa twenu namumitima yenu, pakuti mwingabomba. ¹⁵ Lolesheni, leelo nimbika kuntanshi yenu umweo no busuma, imfwa no bubi. ¹⁶ Nga mwasumina amafunde yakwa Yehoba Lesa wenu, ayo ndemikonkomesha leelo ukutemwa Yehoba Lesa wenu, ukwenda munshila shakwe, nokusunga amakambisho, nefipope fyakwe nobupingushi bwakwe, mukekala nokusanda, na Yehoba Lesa wenu akamupala mumpanga intu muleingilamo mukuikwata. ¹⁷ Leelo imitima yenu ngayapilibuka, nokukana umfwa mucifulo caico mukafumishiwako no kufukamina tu lesa nokutupepa, ¹⁸ elyo ine ndebila kuli imwe ileelo ukutila icinefye muli nokuloba; tashakatantalile inshiku shenu mumpanga iyomulepitamo ukuya ku Jordani ukufuma nokucikwata. ¹⁹ Ndeita umulu ne calo ukubo ubunte pali mwebo ileelo ukutila nimbika kuntanshi yenu umweo nemfwa, ipalo netipu; eico saleni umweo pakutila mube nobumi imwe nolupwa lwenu. ²⁰ Citeni ici pakutemwa Yehoba Lesa wenu, ukubela ishiwi lyakwe, nokulambatila kuli ena. Pantu ebumi bobe nokutantalila kwanshiku shenu; alapile kufikolwe fyenu, kuli Abrahamu, kuli Isaki, nakuli Yakobo, ukubapela bena.''