¹ Nomba Naamani, umukalamba waba shilika ba mfumu yaku Aramu, ali umuntu umukulu kabili uwa cindama kuli shikulu wakwe, kabili ali cindikwe pantu ni muli ena emo Yawe apele ukucomfya kuli Aramu. Kabili ali uwa bulamba, uwamaka, nangu ali nefibashi. ² Abena Aramu balifumine no kuyabelama nge fipondo kabili ba sendele no mukashana umunono ukufuma mu calo ca Israeli. Alebombela umukashi wakwa Naamani. ³ Umukashana atile kuli na kulu, ''Inga cawama nga shikulu aile kuli kasesema waku Samaria! kuti amuposha ifi bashi alwala.'' ⁴ Eico Naamani aile nokweba imfumu ifyo mukashana umunono uwafumine ku calo ica Israeli asosele. ⁵ Kabili imfumu yabena Aramu yatile, '''Kabiye nombaline, nalatuma kalata ku mfumu yabena Israeli.'' Naamani tampile ukuya no kusenda amatalanta ikumi limo ilya silfere, indalama sha golide amakana mutanda, nefyakufwala ikumi. ⁶ Kabili alisendele inkalata ku mfumu yabena Israeli iya letila, ''Nomba ilyo iyi nkalata ilefika kuli iwe, walamona, nintuma Naamani umubomfi wandi kuli iwe, pakuti limbi kuti wa muposha ifibashi fyakwe.'' ⁷ Ilyo imfumu yabena Israeli yabelengele inkalata, ya lepwile ifyakufwala fyakwe no kulanda ati, ''Bushe nine Lesa, uwa kwipaya nokulengo muntu ukuba umumi, pantu yuy muntu atuma kuli ine ukuti mposhe umuntu wafibashi? cilepala ukuti alefwaya ukuti tuleumana na ine.'' ⁸ Nomba ilyo Elisha umuntu wakwa Lesa aumfwile ukuti imfumu yabena Israeli nailepula ifya kufwala fyakwe, atumine ishiwi kumfumu ilya letila, ''Cinshi walepwila ifyakufwala fyenu? Lekeni nomba ese kuli ine, kabili elyo alino kwishiba ukuti mu Israeli mwaliba kasesema.'' ⁹ Eico Naamani aishile nabakabalwe bakwe na maceleta yakwe nokuya iminina pa mwinshi wa ng'anda yakwa Elisha. ¹⁰ Elisha atumine inkombe kuli ena, no kulanda ati, ''Kabiye kebile pamumana wa Yodani imiku cine lubali, no mubili obe ulepola; wala sanguluka.'' ¹¹ Leelo Naamani alifulilwe no kuya no kusosa ati, ''Moneni, nacilatontonkanya icine cine ukuti alefuma no kwisa kuli ine no kwisa iminina no kwita ishina lyakwa Yawe Lesa wakwe, apishe no kuboko kwakwe pa ncende nokuposha ifibashi fyandi. ¹² Bushe Abana na Fapa, imimana ya ku damasikasi, tayawama ukulila amenshi yonse ya mu Israeli? Bushe tekuti nsambemo nokusangululwa?'' Efyo apilibwile nokuya icipyu. ¹³ Elyo ababomfi bakwa Naamani baishile nokumupalamina nokulanda kuli ena, ''Ba tata, inga cakuti kasesema akukambishe ukucila icntu icayafya, bushe ngatmucicitile? Pali bufi, apo amwebele fye ati wemwine, 'Itumpike nokusanguluka'?'' ¹⁴ Elyo atentemwike mwisamba nokwitumpika imiku cine lubali mu Yodani, ukukonka nefyo muntu wakwa Lesa amwebele. No mubili wakwe walipolele nokuba bwino kwati wa mwaice, kabili alipolele. ¹⁵ Naamani abwelele ku muntu wakwa Lesa, pamo nabonse abo ali nabo, kabili aishile nokwisaiminina pantanshi yakwe. Atile, ''Mona, nomba naishiba ukuti takwaba Lesa kumbi pano isonde kano mu Israeli. Eico nomba, napapata pokeni ubupe ku mubomfi wenu.'' ¹⁶ Leelo Elisha amwaswike, ''Napali Yawe umumi, uo ntumika, nshapoke nangu cimo.'' Naamani apatikishe Elisha ukupoka icabupe, leelo alikene. ¹⁷ Eico Nanamani atile, ''Ngate ifyo, kanshi peleniko umubomfi wenu iloba ilyo imfalashi shibili shinga senda, pantu umubomfi wenu ukutila leelo, takatale atula nakabili umutuulo wakoca nangu lilambo kuli lesa umbi kano Yawe. ¹⁸ Pali ici cintu eko limbi Yawe engelela umubomfi wenu, eico, ilyo imfumu yandi yaingila mung'anda yakwa Rimone mukupepa kulya, nashintilila napakuboko kwandi kabili na fukeme mu ng'anda yakwa Rimone, elyo nafukeme mu ng'anda yakwa Rimone, limbi Yawe kuti ayelelako umubomfi wakwe pali ici cintu.'' ¹⁹ Elisha atile kuli ena, ''Kabiye mu cibote.'' Efyo Naamani aile. ²⁰ Aendele fye icalinga, elyo Gehasi umubomfi wakwa Elisha umuntu wakwa Lesa aisoseshe umwine, ''Moneni, shikulu wandi alekafye Naamani umina Siria aya ukwabula ukupokako icili conse ku minwe yakwe ifyabupe ifyo acileta. Napali Yawe umumi, ndemukonka ulubilo nokuyapokako fimo kuli ena.'' ²¹ Eico Gehasi akonkele Naamani panuma. Elyo Naamani amwene umuntu alemukonka ulubilo, aikile mwiceleta lyakwe ku kuya mukumukumanya nokutila ati, ''Bushe fyonse fili bwino?'' ²² Gehasi atile, ''Fyonse filifye bwino. shikulu wandi antuma, nokulanda ati, 'Mona nomba na pokelela abaisa ukufuma kucalo campili ku Ephrahamu abana baume baba kasesema babili. Napapata bapeleko bapeleko italanta limo ilya silferenefya kufwala fibili.'' ²³ Naamani ayaswike, ''Natemwa sana pakukupela ba talanta babili.'' Kabili alemu cincisha asukile akakile mu mifuko ibili amatalanta yabili aya silfere, ne fyakufwala fibili, apele nababomfi bakwe babili ukuti basende pantanshi yakwa Gehasi. ²⁴ Ilyo Gahasi afikile kukapili, ali pokele ifyola fya silfere ukufuma muminwe yabo nokufisa mu ng'anda; nokuleka baleya, efyo baile. ²⁵ Ilyo Gahasi aingile nokwiminina pali shikulu wakwe, Elisha atile kuli ena, wafuma kwisa, Gahasi?'' Ayaswike, ''Umubomfi wenu tele nangu kumo.'' ²⁶ Elisha atile kuli Gehasi, ''Bushe umupashi wandi tawacikonka ilyo ulya muntu acipilibuka ukuti ekile mwiceleta nokwisa ku kumanya? Bushe ino enshita yakupoka indalama ne fya kufwala amabala ya miolife na mabala yamyangashi, impanga ne ing'ombe, na ababomfi abaume na ababomfi abanakashi? ²⁷ Eico ifi bashi fyakwa Naamani fyalaba pali iwe nolipwa lobe umuyayaya.'' Awe Gehasi afumine pamenso yakwe, nefibashi fyabutile tutu ngo bunga bwa mfula.