¹ Nomba umukashi wa umo uwamwaume pa bana baume abakwa kasesema aishile alelila kuli Elisha, atile, ''Umubomfi obe umulume wandi nafwa, kabili walishiba ukuti umubomfi obe alatina Yawe. Nomba uwankongole naisa ku kusenda abana bandi babili ukuti babe abasha bakwe.'' ² Nao Elisha atile kuli ena, ''Cinshi ndecita kuli iwe? Njeba finshi ukwete mung'anda?'' Atile, ''Umubomfi obe takwete nangu cimo mung'anda, ukufumyakofye umutondo wa mafuta.'' ³ Elyo Elisha atile, ''Kabiye washime inweno ukufuma ku bena mupalamano bobe, inweno umushili kantu. washime ishingi ishingalinga. ⁴ Elyo umfwile ukwingila no kwisalako icibi kunuma yobe na bana abaume bobe, nokwitulula amafuta mu nweno shonse; ne nweno shaisula ushibike sheka.'' ⁵ Awe afumine kuli Elisha no kwisala icibi kunuma yakwe nabana baume bakwe. Bapalamike inweno kuli ena, nao aleitulwilamo na mafuta. ⁶ Ilyo imitondo shaishile, atile kubana baume bakwe, ''Ndeteleni nalumbi ulunweno.'' Nomba atile kuli ena, ''Tapali inweno nashimbi. ''Elyo amafuta yalekele ukusuma. ⁷ Elyo aishile no kweba umwaume wakwa Lesa. Atile, '''Kabiye, kashitishe amafuta; nokupela inkongole, no kwikala uletusha nabana bobe.'' ⁸ Ubushiku bumo Elisha aleya ku Shunemu ukwaleikala umwanakashi uwacindama; nao amupatikishe ukulya ifyakulya naena. Kabili lyonse ELisha nga alepita, afwile aiminina palya mukulya. ⁹ Umwanakashi atile kumulume wakwe, ''Mona nomba naibusha ukuti uyu mwaume wamushilo uwakwa Lesa uupita pano lyonse. ¹⁰ Natupange umuputule uunono uwapamulu uwakwa Elisha, tubikemo ne cakusendamamo, itebulo, necipuna ne nyali. Ilyo aisa kuli ifwe akulaikala ulya mwine.'' ¹¹ Ilyo bushiku bwafikile nakabili ELisha eminina palya, aikele kumuputule nokutusha kulya. ¹² Elisha atile kuli Gehasi umubomfi wakwe, ''Ita uyu umwine Shunemu.'' Ilyo aitile ena, aiminine ku cinso cakwe. ¹³ Elisha atile kuli ena, ''Utile kuli ena, 'Walyenda muli aya mafya tonse noku tusakamana. Cinshi cinga citika kuli iwe? Kuti twakulandilako iwe ku mfumu nangu kumukalamba waba shilika?'' Ayaswike, ''Ine njikala pakati ka bantu bandi.'' ¹⁴ Kabili Elisha atile, ''Cinshi twinga mucitila, nomba?'' Gehasi ayaswike, ''Mucishinka, takwata umwana umwaume no mulume nao mukote.'' ¹⁵ Kabili ELisha ayaswike, ''Mwite.'' Elyo amwitile, aiminine pa mwinshi. ¹⁶ Elisha atile, ''Pali ino nshita ya mwaka, munshita ya mwaka umo ukekata umwana umwaume.'' Nao atile, ''Awe, shikulu no muntu wakwa Lesa, wilabepa umubomfi obe.'' ¹⁷ Nomba umwanakashi alimite no kupelwa umwana umwaume pali ilya ine nshita mu mwaka wakonkelepo, ngefyo Elisha atile kuli ena. ¹⁸ Ilyo umwana akulile, aile bushiku bumo kuli wishi, pamo naba kulobolola. ¹⁹ Atile kuli wishi, ''Umutwe wandi, umutwe wandi.'' Wishi atile kumu bomfi wakwe, ''Mutwale kuli nyina.'' ²⁰ Elyo umu bomfi amusendele nokutwala umulumendo kuli nyina, umwana aikele pamakufi yakwe ukufika akasuba kaba pakati elyo no kufwa. ²¹ Awe Umwanakashi ali ninine nokulalika umulumendo paca kusendamapo ca muntu wakwa Lesa, aisala ne cibi, no kufuma. ²² Aitile umulume wakwe, no kutila, ''Napapata ntu mineniko umo paba bomfi na imo pali bapunda pakuti nyendeshe ku muntu wakwa Lesa elyo na labwela.'' ²³ Umulume atile, ''Cinshi ulefwaila ukuila kuli ena leelo? Temweshi upya te Sabata.'' Ayaswike, ''Conse cili fye bwino.'' ²⁴ Elyo aninine pampunda nokutila kumubomfi wakwe, ''Ensha endesha; wileka ukwendesha pamulandu wandi kano nga nasosa ico.'' ²⁵ Awe alile nokwisa ku muntu wakwa Lesa pa lupili lwa Kamele. Awe ilyo umuntu wakwa Lesa amumwene fye akatalamukila, atile kuli Gehasi umu bomfi wakwe, ''Mona, kuno umwanakashi umwina Shunemu. ²⁶ Napapata butukilako no kuyamukumanya no kusosa kuli ena, 'Bushe fyonse fili fye naiwe no mulume obe no mwana?'' Ayaswike, ''Fyonse filifye bwino.'' ²⁷ Ilyo aishile kumuntu wakwa Lesa palupili, amwikete kumakasa yakwe. Gehasi alimupaleme ukuti amufunyepo nomba umuntu wakwa Lesa atile, ''Muleke, pantu ali no bulanda, na Yawe nafisa ubwafya ukufuma kuli ine kabili yanjebele nangu kamo.'' ²⁸ Elyo atile, ''Bushe nali kwipwishe umwana umwaume, kuli shikulu? Bushe nsha sosele, 'Mwileka ncetekele'?'' ²⁹ Elyo Elisha atile ku Gehasi, ''Ipekanye bula nenkonto yandi muminwe yobe. Kabiye ku ng'anda yakwe. Nga wakumanya umuntu uli onse, takuli kumuposha, nangu uli onse nga akuposha, takuli kumwasuka. uyebika inkonto yandi pamenso yabana.'' ³⁰ Nomba nyina wa mwana atile, ''Napali Yawe uwa mweo, napali iwe uwa mweo, nshakakushe.'' Awe Elisha alimine nokumukonka. ³¹ Gehasi alibatangilile nokubika inkonto pamenso ya bana, nomba umwana talandile nangu ukumfwa. Awe elyo Gehasi abwelele muku kumanya Elisha noku mweba asosele, ''Umwana tabukile.'' ³² Ilyo Elisha afikile mu ng'anda, umwana alifwile kabili ali na pa cakusendamapo. ³³ Awe Elisha alingile no kwisala icibi umwana no mwine no kupepa kuli Yawe. ³⁴ Alile nokulambalala pamwana; abikile akanwa kakwe pa kanwa kakwe, amenso yakwe pamenso yakwe, amaboko yakwe pamaboko yakwe. Akontamine pa mulumendo, no mubili wamulumendo wali kabile. ³⁵ Elyo Elisha atendeke ukwenda ukushinguluka mumuputule na kabili ayay uku noku kontamina umwine pamulumendo. Umwana atesemwine imiku cine lubali elyo aiswile na menso yakwe! ³⁶ Awe Elisha aitile Gehasi nokutila, ''Ita umwina Shunemu!''Awe alimwitile, ilyo aishile na mu muputule, Elisha atile, ''Senda umwana obe umwaume.'' ³⁷ Elyo awile panshi pamakasa yakwe nokukontamina panshi, elyo asendele umwana wakwe nokufuma. ³⁸ Elyo Elisha aishile nakabili ku Gilgali. Namu calo mwali icipowe, na bana baba kasesema baikele ku cinso cakwe. Atile ku mubomfi wakwe, ''Tekapo impoto iikulu pamulilo no kwipikila abana baume ba bakasesema.'' ³⁹ Umo pali bena aile mwibala mukusaba umusalu. Asangile umwangashi wamumpanga epakuswako imyungu ya mpanga aisusha mu cakufwala cakwe. Baliiputawile nokubika mumpoto, nomba tabaishibe bwino ilya myungu. ⁴⁰ Awe ba pungwile mumpoto pakuti abantu balye. Leelo, ilyo balelya, bapundile nokutila, ''Ku muntu wakwa Lesa, muli imfwa mumpoto!'' Awe balifililwe ukulya ifi nakabili. ⁴¹ Nomba Elisha atile, ''Leteni ubunga bumo.''Aposele fi mumpoto nokutila, ''Pungwileni abantu, pakuti balye.'' Elyo tamwashele nangu cimo icikola mumpoto. ⁴² Umuntu aishile ukufuma balishalisha kumuntu wakwa Lesa no kuleta imikate ya barle amakumi yabili mu cola cakwe ukufuma kufisabo ifipya, ne ngano ishibishi. Atile, ''Pela ifi kubantu pakuti balye.'' ⁴³ Umubomfi wakwe atile, ''Kuti nayakanya shani ici kubantu umwanda?'' Nomba Elisha atile, ''Pela ifi kubantu, pakuti balye, pantu Yawe efyo asosa, ''Bakalye nokushapo fimo.'' ⁴⁴ Awe umubomfi wakwe ayakenye ifi kuli bena; balilile, nokushapo fimo fyalishele, nge shiwi Yawe abalaile.