¹ Nomba umwaka walenga ikumi limo na cine konse konse uwakwa Yosifati imfumu yaba Yuda, Yolamu umwana umwaume uwakwa Arabu atendeke ukuteka Israele umu Samalia; atekele pamyaka ikumi limo na ibili. ² Acitile ifyabipa mu menso yakwa Yawe, lelo tacitile nga wishi nangu nyina, eco afumishepo uluceshi lwa mbawe ulwa mapepo ulwakwa Baali ulo wishi apangile. ³ Nomba lambatile ku membu shwaka Yorabamu umwana umwaume wakwa Nebati, uwalengele Israele ukubembuka; tapilibwike ukufuma kuli bena. ⁴ Nomba Mesiya imfumu yakwa Moabu aleteka impaanga. alingile ukupela ku mfumu wakwa Israele abana ba mpaanga 100,000 namasako yabasukusuku 100,000. ⁵ Lelo panuma Arabu aafwile, imfumu yakwa Moabu asangwike imfumu yakwa Israele. ⁶ Eico imfumu Yolamu yashile Samalia pali ilya nshita nukukolonganika Israele onse ku bulwi. ⁷ Atumine inkombe kuli Yoshifati imfumu yaba Yuda, ukutila, ''Imfumu yabena Moabu nainsangukila. Bushe kuti waya nanebo kukulwisha Moabu?'' Yoshifati ayaswike, ''Ndeya. Naba ngefyo waba, abantu bandi nga bantu bobe, abakabalwe bandi nga nibakabalwe bobe.'' ⁸ Elyo atile, ''Musango nshi twingabasanshilamo?'' Yoshifati, ayaswike ati, ''Kunshila yakuamatololo iya ku Edomu.'' ⁹ Eico imfumu yabena Israele yaie pamo nemfumu yabena Yuda elyo nemfumu ya Edomu. Baendele mukushinguluka panshiku cine lubali, elyo kabili takwali amenshi yabashilika nangu ayanama shintu baile nasho. ¹⁰ Eico imfumu yabena Israele yatile, ''Cinsi ici? Bushe Yawe etile imfumu shitatu ukushipela muminwe yabena Moabu?'' ¹¹ Lelo Yoshifati atile, ''Bushe tapali pano kasesema wakwa Yawe pakuti twingepushishamo Yawe?'' Umo pababomfi bakwa shamfumu wakwa Israele ayaswike nokutila, ''Elisha umwana umwaume uwakwa Yoshifati epo ali, ewatile amenshi paminwe yakwa Eliya.'' ¹² Yoshifati, ''Ishiwi lyakwa Yawe lili naena.'' Eico imfumu yabena Israele, Yoshifati ne mfumu yabena Edomu yatentemukile kuli ena. ¹³ Elisha asosele ku mfumu yabena Israele ati, ''Cinshi ico mfwile nacita namwebo? Kabiye kuli bakasesema baba wiso nababanoko.'' Eco imfumu yabena Israele yasosele kuli ena ukuti, ''Awe, pantu Yawe naita ishi mfumu shitatu pamo kukushipela mu minwe yakwa Moabu.'' ¹⁴ Elisha alyaswike ukuti, ''Apofye Yawe wafita fya mweo, uo ine njiminina pantanshi yakwe nga tekuba nomucinshi kukubako kwakwa Yoshifati imfumu yabena Yuda, nga nshikusakamene nangu ukukuloleshako. ¹⁵ Lelo nomba ndeteleni kalisha wa cilimba.'' Cacitike nge fyofine, cilya kalisha we sese alelisha, ukuboko kwakwa Yawe kwaishile pali Elisha. ¹⁶ Asosele ati, ''Yawe asosa atila, 'Pangeni ifilindi monse mumupokapoka wauyu mumana uwakama.' ¹⁷ Pantu ifyo asosa Yawe, 'Tamwamone umwela, nangu imfula, lelo uyu umupokapoka wa uyu mumana uleisulamo amenshi, nokuti munwe, mwebo nefitekwa fyenu ne nama shenu shonse.' ¹⁸ Ici cintu caanguka mu menso yakwa Yawe. Kabili akapela mwebo ukucimfya abena Moabu. ¹⁹ Mukasansa umushi onse uwe linga no mushi onse uusuma, ukwishiba umuti onse uusuma, ukucilika tonse utumfukumfuku twa menshi, nokonaula icakaniko ca mpanga ishisuma na mabwe.'' ²⁰ Elyo ulucelo ukulingana na panshita iyakupelelapo ilambo, kwaishile amenshi ukufuma ku ntunga ya Edomu; icalo icaisulamo amenshi. ²¹ Nomba ilyo bonse abena Moabu baumfwile ukuti ishamfumu shonse nashisa mukulwisha, balikolongene pamo, bonse abengafwala ifyanso, kabili baiminine pa mumpaka. ²² Bashibwike ulucelo celo nakasuba kalisanike pa menshi. Lintu abena Moabu bamwene amenshi ukulungatana nabena, yalemoneka ayakashika kwati mulopa. ²³ Batile, ''Mulopa uyu! Cinefye ishamfumu nashonaika, nokwipayana! Eco nomba, mwebena Moabu, twendeni mukubatapa!'' ²⁴ Ilyo baishile ku nkambi yabena Israele, abena Israele balimine nokusansa abena Moabu, abafulumwike ku cinso cabo. Ifita fyabena Israele fyasowele abena Moabu ukucilinganya impanga ukubepayaula. ²⁵ Balyonawile imishi yabo, napebala lyonse ilisuma cila muntu aliposelepo ilibwe mpaka pafimbwa. Balicilike utumfukumfuku twa menshi nokutemaula imiti iisuma yonse. Kanofye Kiri Haveseti ewasheleko namabwe yaena umo yaikalila. Lelo abashilika abali nefyanso fyakusukushila balishingulwike nokusansa. ²⁶ Ilyo imfumu Mesha iyaku Moabu yamwene ukuti ya cimfya kubulwi, yabulilepo abaume abalupanga imyanda cine lubali ukuti bapulinkanye ukufika ku mfumu ya Edomu, lelo balifililwe. ²⁷ Elyo abulile umwana wakwe umwaume, uwakulishepo uwali nokupyana panuma ya ena, kukumupela nge lambo lya cakuninika pa cibumba. Eico kwali ukukalipila abena Israele ukukalamba, nefita fyabena Israele fyashile imfumu Mesha nokubwelela ku calo cabo.