¹ Mu nshiku shakwa Yehoyakimu, Nebukadinesa imfumu ya Babiloni asanshile Yuda; Yehoyakimu ali umubomfi wakwe pamyaka itatu. Elyo Yehoyakimu apilibwike kunuma nokupondesha Nebukadinesa. ² Yawe amutumine Yehoyakimu ifipondo fyaku Kaludeya, Aramu, Moabu, na Amoni; ena atumine pali Yuda kukumonaula. Ici mukusuminisha na mashiwi yakwa Yawe ayalandilwe ukupitila mu mubomfi yakwe kasesema. ³ Nikukanwa ka kwa Yawe uko ici caishile kule Yuda, ukubafumya bena icinso cakwe, pamulandu wamembu shakwa Manase, fyonse ifyo ena acitile, ⁴ nakabili pamulandu wamulopa wakaele ilyo ena asumishe, pantu aswishe Yerusalemu nomulopa wakaele. Yawe talekabila pali ico. ⁵ Nga pamilandu imbi iikumine Yehoyakimu, elyo nafyonse ifyo ena acitile, bushe tafyalembwa mwi buku lyafyalecitika ku mfumu ya Yuda? ⁶ Yehoyakimu asendeme nefikolwe fyakwe, Yehoyakini umwana wakwe umwaume aishileba imfumu mu cifulo cakwe. ⁷ Imfumu ya mu Egypto tayatalile aisansamo ukufuma mu calo caiko, pamulandu imfumu ya Babiloni yapokele ifyalo fyonse filya ifyaletungululwa ne mfumu ya Egypto ukufika ku wa Yufuleti. ⁸ Yehokini ali ne myaka ikumi na cine konse konse ilyo atampile ukuteka; atekele Yerusalemu imyenshi itatu. Ishina lyakwa nyina wakwe ali ni Nehushta; ali mwana umwanakashi wakwa Elnatani uwa mu Yerusalemu. ⁹ Ena acitile icabipa mu menso yakwa Yawe; ena acitile conse ico wishi wakwe alecita. ¹⁰ Pali ilya nshita abashilika bakwa Nebukadinesa imfumu ya Babiloni yasanshile Yerusalemu nokushinguluka. ¹¹ Nebukadinesa imfumu ya Babiloni yaishile ku musumba iyo abashilika nabaishinguluka, ¹² elyo Yehoyakini imfumu ya Yuda yaile nokufuma ku mfumu ya Babiloni, ena nabanyina, ababomfi bakwe, banamfumu bakwe, elyo nentungulushi shakwe. Imfumu ya Babiloni yaikete ena mu mwaka wa cine konse konse mukuteka kwakwe. ¹³ Nebukadinesa afumishemo mulya fyonse ifyali ifintu ifikankala mu ng'anda yakwa Yawe, elyo nafilya mu cipano ca mfumu. Ena aputawile mutupimfya tonse ifipe ifyali fya golide ifyo Solomoni imfumu ya Israele yapangile mwi tempele lyakwa Yawe, ngefyo Yawe asosele fikacitika. ¹⁴ Ena asendele muli bunkole bonse Yerusalemu, shonse intungulushi, na bonse abaume ababulwi amakana ikumi lya nkole, elyo bonse bakabasana bashikafula. Takwali nangu umo uwashele kanofye umulanda muli cilya calo. ¹⁵ Nebukadinesa asendele Yehoyakini mulibukole pa Babiloni, pamofye nanyina wamfumu, abakashi, intungulushi, elyo nabaume bakutufumu tunono abamuli cilya calo. Ena saendele bena muli bunkole ukufuma ku Yerusalemu ukuya ku Babiloni. ¹⁶ Bonse abaume ababulwi bali ikana cine lubali, elyo ikana limo ilya baume bakaba sana bashikafula, bonse abalingile ukulwa imfumu ya Babiloni iyaleteka abantu muli bunkole pa Babiloni. ¹⁷ Elyo imfumu ya Babiloni yalengele Matania, Yehoyakini munyina wakwa wishi, imfumu mucifulo cakwe nokumucinja ishina ukuti ni Sidekia. ¹⁸ Sedekia ali nemyaka amakumi yabili na umo ilyo atampile ukuteka; atekele imyaka ikumi na umo mu Yerusalemu. Nyina wakwe ishina ali ni Amutali; ena umwana mwanakashi wakwa Elemia ukufuma ku Libiana. ¹⁹ Ena ico icali icabipa mu menso yakwa Yawe; ena acitile conse ico Yehoyakimu acitile. ²⁰ Ukupitila mucipyu cakwa Yawe, fyonse ifi fintu fyacitike mu Yerusalemu na mu Yuda, mpakafye ena abafumyamo mu cinso ckawe. Elyo Sedokiya apondokele imfumu ya Babiloni.