¹ Cacitike mumwaka wapabula mubufumu bwakwa sedeki, mumweshi wakulenga ikumi, kabili pabushiku bwakulenga ikumi mumweshi, Nebukadinesa imfumu yamu Babilini yaishile nabashilika baiko bonse ku kulwisha Yerusalemu. Nokukula inkambi ukulubali, bakulile icibumba cakulwilamo ukushingulusha. ² Eco umusumba ube mukucingililwa mpaka umwaka we kumi naumo kubufumu bwakwa Sedeki. ³ Mubushiku bwapabula mumweshi walenga bune mumwaka, elyo icipowe cakulishe mu musumba mukuti takwali fyakulya ku bantu mu calo. ⁴ Elyo umusumba watobelwe, na bonse abaume babulwi babutwike ubushiku panshila yampongolo pakati kafibumba fibili, iya pebala lyamfumu, libe abena Kadina bashingulwike umusumba. Imfumu yaile kuntunga yaku Araba. ⁵ Leelo abashilika baku Kadina bakonkele imfumu Segeki nokuicilila kuncende yabatama mumupokapoka mumumana wa Yodani mupepi na Yeriko. Abashilika bakwe bonse balisalangene ukufuma kuli yena. ⁶ Balikete imfumu nokuileta kumfumu ya Babele ku Ribula, eko baipingwilile ukukakwa. ⁷ Leelo abana baume bakwa Sedeki, balikomenwe mumenso yakwe. Elyo bamutonkawile amenso, bamukakile muminyololo, nokunuleta ku Babele. ⁸ Nomba mumweshi walenga busano, mubushiku bwacine lubali mumweshi, mumwaka wakulenga ikumi napabula kuli Nebukadinesa imfumu ya Babele, Nebukadinesa, umubomfi wamfumu ya Babele kakonkomesha wabalinshi bakwe, baishile ku Yerusalemu. ⁹ Aocele ing'anda yakwa Yawe, nesano lya mfumu, namayanda yonse ayamu Yerusalemu; necikulwa conse icikalamba alyocele. ¹⁰ Namalinga yonse ayashingulwike Yerusalemu, ifita fyonse ifyabena Babele fyali nakalinda wabakakonkomesha balyonawile. ¹¹ Naku bantu bonse abashele mu musumba, abo abaponene kumfumu ya Babele, nakebusha yampendwa- Nebukadinesa, kapingula wabalinshi, balitamfiwe ukufuma mu calo cabo. ¹² Leelo kapingula wabalinshi bashilemo abalanda bamo mu calo ku kubomba mu myangashi namu muabala. ¹³ Nefyaimikwa ifyamukuba ifyali mung'anda yakwa Yawe, nefya kutekapo necishiba camukuba icali mung'anda yakwa Yawe, abana Kadani balifiputawile mutupimfya nokusenda umukuba ukubwekesha ku Babele. ¹⁴ Amalongo, bashofolo, ifyakuputwilako, nenweno nefipe fyonse ifyamukuba nefya bashimapepo basungile mwitempele- abena Kadani balifisendele fyonse. ¹⁵ Amalongo yakufumishako imito nefyapangilwe na golide, nefyapangilwe nasilbere- nomukalamba wabakalinda bamfumu alisendelwe nao. ¹⁶ Inceshi shibili, icishiba, nefyakutekapo ifyo Solomoni apangile mu ng'anda yakwa Yawe ifyakwatishe umukuba tafyafinine. ¹⁷ Ukulepa kwaluceshi lwakubalilapo bwali imikono ikumi na cine konse konse, kabili pali necitebo camukuba pamulu waciko. Icitebo cali imikono itatu, fyonse fyapangilwe nomukuba. Lumbi uluceshi nefyapikulwa fyaciko fyali cimo cine ngecapakubala. ¹⁸ Kapingula wabalinshi abulile Sera shimapepo mukalamba, pamo na Sefania, shimapepo wakonkapo, nabalinshi bapamwinshi batatu. ¹⁹ Ukufuma mu musumba abulilemo umufungwa uwali umukalamba wabashilika, nabaume basano abali bampanda mano bamfumu, aba lifye mu musumba. Kabili asendele nomufungwa umukalamba wafita fya mfumu kangalila wa bakalemba abaume bakuya kubushilika, nabaume amakumi mutanda ukufuma mu calo abali mu musumba. ²⁰ Elyo Nebukadinesa, kapingula wabalinshi, alibasendele nokubaleta ku mfumu yamu Babele ku Ribula. ²¹ Imfumu yamu Babele yalibepeye mu Ribura mu calo ca Hamate. Muli iyi inshila, abena Yuda batamfiwe mu calo cabo. ²² Kuli balya abantu abashele mu calo cabena Yuda, abo Nebukadinesa imfumu ya Babele yashilemo, abikileko Gedala umwana mwaume wakwa Ahikemu, umwana mwaume wakwa Safeni, kukulabamona. ²³ Nomba ilyo bakapingula babashilika bonse, bena nabantu babo, baumfwile ukuti imfumu ya Babele naipela abena Gedala ubulashi, baile ku Gedala pa Misipa. Aba baume bali ni Ishimeo mwana Netani, Yohanani mwana mwaume wakwa Korea, Sera mwana mwaume wakwa Tanimete umwina Netofa, na Yasania mwana mwaume wakwa Maaka- bena ba baume babo. ²⁴ Gedala alapile kuli bena nakubaume babo, nokutila kuli bena, ''Mwitina abena Kadani. Ikaleni mucalo nokusunga imfumu Babele, kabili cikawama kuli imwe.'' ²⁵ Nomba cacitike mu mweshi wacine lubali Ishimeo mwana mwaume wakwa Netani umwana mwaume wakwa Elishama, uwafuma mulupwa lwabufuma, aishile nabaume ikumi nokusansa Gedala. Gedala alifwile, nabaume bamu Yuda nabena Babele abali pamo naena pa Misipa. ²⁶ Elyo bantu bonse, ukutampila pabanono nabakalamba, nabakapingula babashilika, balinine nokuya ku Egypto, pantu batinine abena Babele. ²⁷ Cacitike panuma mu mwaka walenga amakumi yatatu na cine lubali iyakutamfwa mu calo cakwa Yohakimu imfumu yabena Yuda, mumweshi wekumi nayabili, pabushiku bwalenga bwalenga amakumi yabili na cine lubali mumweshi, ukuti Aweli Maduki imfumu yamu babele yalekele Yeoyakimu imfumu yaba Yuda ukufuma mucifungo. Ici fyacitike mumwaka ukuti Aweli-Maduki atendeke ukuteka. ²⁸ Alesasa mubusuma kuli ena nokumupela icipuna icacindama ukucila ishamfumu shimbi isho alinasho mu Babele. ²⁹ Aweli-Maduki afulile Yeoyakimu ifyakufwala fyamucifungo, kabili Yeoyakimu cilanshita alelya kwitebulo lya mfumu inshiku shamweo wakwe. ³⁰ Nokulipilwa kwa fyakulya kwalepelwa kuli ena cilabushiku inshiku shonse ishamweo wakwe.