¹ Kabili imfumu yatimine intumi abakolonganine kuli ena abakalamba bonse abamu Yuda naba mu Yelusalemu. ² Elyo imfumu yaile ku ng`anda yakwa Yawe, nabaume bonse abamu Yuda nabonse abekala mu Yelusalemu pamo nao, naba shimapepo, bakasesema, nabonse abantu, ukufuma kukanono ukufika na kumukulu. Eyo yabelengelen mumatwi yabo amashiwi yonse ayali mwibuku lyacipangano ilyo ilyo ilyasangilwe mu ng`anda yakwa Yawe. ³ Imfumu yaiminine mupepi no Luceshi no kucitaicipangano pantanhsi yakwe, ukwenda panuma yakwe Yawe no kusunga amafunde yakwe, ifyakutungulula fyakwe nefipope fyakwe, nomutima onse no mweo onse, kukushininkisha amashiwi aya ici icipangano ifyalembelwe muliili ibuku.Kabili abantu bonse basumine ukwiminina pacipangano. ⁴ Imfumu yakonkomesha Hilkai shimapepo mukalamba,nabashimapepo inkonkani shakwe, nabakalinda wapamwinshi ukuleta ukufumamwitempele iyakwa Yawe ifipe fyonse iyo ifyapangilwe Baali na Ashela, na nshonse intanda ishamumulu. Afyocele kunse ya Yerusalemu mumabala mumpokapoka ya Kindrone nokusenda imito yafiko ku Betele. ⁵ Yaloshe nabashimapepo babalesa abo imfumu ya Yuda yasontele ukoca ifynunkila pancende shashinguluka Yerusalemu aboabaleoca ifyanunkila kuli Baali, kukasuba naku mwenshi nakufya mumulu, kuntanda shonse isha mumulu. ⁶ Kabili afumushe imilando ya Ashela ukufuma mwitempele lya kwa Yawe, kunse ya Yelusalemu kumupoapoka wa Kidrone no kocela kulya. Aumine ukufisha kulukungu no kuposa ulukungu munshinshi shabantuntufye. ⁷ Awemye nemiputule yaba cilende abaume abo abali mwitempele lyakwa Yawe, umo abanakashi balepangila amatenti ya Ashera. ⁸ Yosia aletele bose bashimapepo kufuma mumisumba yamu yuda no kukowesha incende ishikatami uko bashimapepo baleocela ifya mununko, ukufuma ku Geba ukufika naku Beeresheba. Aonawile incende ishikatami paminshi iyo iyali pabwingililo ukufika pamwinshi wakwe Yosua(umusumba wakwa katekaa), kulubali lwa kuso ukwa mwinshi a musumba. ⁹ Nangula bashimapepo baisho incende ishikatami tabasuminishiwe ukupekanya pacintamba cakwa yawe mu Yerusalemu, eco baleya umukate uushitutumuka pali bamunyina wabo. ¹⁰ Yosia akoweseshe Tofete, uwaba mumupokapoka ya Beni Hinomu, pakutila nangu umo uwakulenga umwana mwaume nangu umwana mwanakashi ukupita mumulilo nge cakuipelesha kuli Moloke. ¹¹ Abulile bakabalwe abo imfumu sha Yuda shapele kukasuba. Bali kulya pa ncende apakwingilila ukuya kwi tempele lyakwa Yawe, mupepi nomuputule wakwa Natani-Meleke, umubomfi wamulubamsa. Yosia aocele na maceleta aya kasuba. ¹² Yosia imfumu yaonawile ifintamba ifyo ifyali pamutenge wa muputule wapamulu uwakwa Ahasi, uo ishamfumu sha Yuda sha pangile, elyo nefintamba ifyo Mnase apangile mu ng'anda shibili ishakulubulwilamo ishetempele yakwa Yawe. Yosia alifishonawile mutupimfya elyo afiposele na mumupoka poka wa Kidrone. ¹³ Imfumu yalengele ifintamba ifya ncende kukabanga ka Yerusalemu, kumasamba yalupili lwa mafisa kanwa ulo Solomoni imfumu ya Israel akulile Astarete, uwali icabunani cabena Sidone; na Kemoshe, uwali icabunani cabena Moabu; necakwa Moleki, icabunani icabantu bakwa Ammone. ¹⁴ Atobele ifyaimikwa fyamabwe mufipifya no kuputula panshi imilando ya Ashela no kwisushamo muli sho ncende amafupa yaba ntunse. ¹⁵ Yosia nakabili aonawile umupwilapo icintamba icali mu Betelene ncende iikatani iyo Yeroboam umwana mwaume wakwa Nebati (niumo uwalengele Israel ukubembuka) nokucibombelapo. Eico nakabili aocele cilya icintamba ne ncende iya cindama no kuma ukufikafye kulukungu. Eco nakabili aocelwe imilando ya Ashela. ¹⁶ Lintu Yosia alolekeshe iciputulwa, aishibe inshinshi ishali kulubali lwa lupili. Atumine abaume ukuya bula amafupa ukufuma ku nshinshi, elyo aocele ena pa cintamba, nokucikowesha. Ici kukonkana neshiwi lyakwa Yawe ilyo umuntu wakwa Lesa alandile, umuntu uwasosele ifyo fintu abilishe. ¹⁷ Elyo asosele ukuti, ''Bushe cibumbwa nshi ici ndemona?'' Abaume aba mumusumba batile kuli ena ati, ''Ninshinshi ya muntu wakwa Lesa uwafumine ku Yuda nokusosa pafintu mwacitile pa cintamba ca mu Betele.'' ¹⁸ Kbili Yosia atile, ''Mulekeni eka. Nngu eseshapo amafupa yakwe.'' Nabo balilekele amafupa yakwe mupepi na mafupa yakwa kasesema uwafumine ku Samaria. ¹⁹ Elyo yosia alifumishe yonse amayanda ayali pa ncende ishakatama isho ishali mumisumba ya Samaria, ayo imfumu sha Israel shakulile, nokulenga Yawe ukukalifiwa. Acitile kuli bena filya fine bacitile ku Betele. ²⁰ Aipeye bonse bashimapepo bapa ncende ishakatama pa fintamba nokoca amafupa yabantu. Elyo abwelele ku Yerusalemu. ²¹ Elyo imfumu yakonkomeshe abantu bonse ukutila, ''Sungeni icakucilila kuli Yawe Lesa wenu, ukulingana nefyalembwa mwi buuku lya cipangano.'' ²² Pantu ukusefya ici icakucilila tacatalile acicitwa ukufumafye mu nshiku sha bapingushi abatungulula Israel, nangu inshiku isha mfumu sha mu Israel nangu mu Yuda. ²³ Lelo mu mwaka walenga ikumi na cine konse konse ku mfumu Yosia ici cakucilila kuli Yawe bali sefeshe Yerusalemu. ²⁴ Yosia nakabili alofeshe abo balanda nabafwa nangu kumipashi. Elyo kabili alofeshe utulubi twa bunani, nefilubi, nafyonse ifyamakankamike ifyalemoneka mu calo cakwa Yuda na mu Yerusalemu, pakuti afikilishe amashiwi ayali mumafunde ayo yalembelwe mwi buuku ilyo Hilkia shimapepo asangile mu ng'anda yakwa Yawe. ²⁵ Panuma Yosia, takwali nangu imo imfumu iyali ngayena, iyabwelele kuli Yawe no mutima onse, no mweo onse, namaka yonse, uwakonkele amafunde yonse ayakwa Mose nangu imfumu iili yonse nga Yosia iyaimine panuma yakwe. ²⁶ Nangu cibe ifyo, Yawe tapilibwike ukufuma ku koca mukukalipa kwakwe, mufyo aokele pali Yuda pamulandu wakuti fyonse fintu Manase acitile pakukalifya ena necifukushi. ²⁷ Kabili Yawe atile, ''Nkabili nkafumya Yuda ku cinso candi, nga fintu nafumishe Israel, efyo nkaposa uyu musumba uo nasala, Yerusalemu, elyo ne ng'anda iyo natile, ''Ishina lyandi likekala mulya.'' ²⁸ Ne milandu yashalako iyapali Yosia, fyonse fintu acitile, Bushe tafyalembwa mwi buuku lya ficitika mu sha mfumu sha Yuda? ²⁹ Mu nshiku shakwe, Farao neko, imfumu ya Egypt, yaile kukulwa ne mfumu Asiria kumumana wa Yufrate. Imfumu Yosia yaile kukukumanya Neko mubulwi, na Neko aipeye wene mu Megido. ³⁰ Ababomfi bakwa Yosia bamusendele uwafwa pa ncende ukufuma ku Megido, ukumuleta ku Yerusalemu, no kumushika mu nshinshi yakwe. Elyo nabantu ba mucalo babulile na Yehoahasi umwana mwaume wakwa Yosia, nokumusuba, nokumupanga imfumu yabo pacifulo cakwa wishi. ³¹ Yehoahasi ali ne myaka amakumi yabili na itatu ilyo atampile ukuteka, atekele imyenshi itatu mu yerusalemu. Neshina lyakwa myina niba Hamutali; ali mwana mwanakashi wakwa Yeremia uwa ku Libna. ³² Yehoahasi acitile ifyabipa mu menso yakwa Yawe, ukulingana nafyonse ifyacitile ifikolwe fyakwe. ³³ Farao Neko amubikile mu ceni ku Ribla mu calo ca Hamati, pakutila amuleshe ukuteka mu Yerusalemu. Elyo Neko alipilishe Yuda amatalanta ya silfere umwanda umo elyo italanta lya golde limo. ³⁴ Farao Neko apangile Eliakimu umwana mwaume wakwa Yosia wishi, nokwalula ishina lyakwe ukuba Eliakimu. Lelo abulile Yehoahasi ukumusenda ku Egypt, na Yehoahasi eko afwilile kulya. ³⁵ Yehoyakimu alipile silfere na golde kuli Farao. Ukulingana no mutande wakukumanya ifyalefwikwa kuli Farao, Yehoyakimu alipilishe Lealo umusonko nokupatikisha umuntu umo umo mu bantu ba mu calo ukulipila ena silfere na golde ukulingana nefyo ali nokulipila. ³⁶ Yehoyakimu ali ne myaka amakumi yabili na isano ilyo atendeke ukuteka, atekele imyka ikumi naumo mu Yerusalemu. Neshina lyabanyina ni Sebidia; ali mwana mwanakashi wakwa Pedaya uwaku Ruma. ³⁷ Yehoyakimu acitile ifyabipa mumenso yakwa Yawe, nga fintu ifikolwe fyakwe fya citile.