¹ Yosia acitile icakucilila kuli Yawe mu Yerusalemu, nokwipaya impaanga ishingipacakucilila pa bushiku ubwalenga ikumi limo na shine ubwa mwenshi wakutulilapo. ² Abikile bashimapepo mumilimo yabo nokubakoselesha pamilimo balebomba mu ng'anda yakwa Yawe. ³ Atile kubena Lebi abalesambilisha abena Israele bonse nabamushilo kuli Yawe, ''Bika icipao ca mushilo mu ng'anda iyo Solomoni umwana mwaume wakwa Davidi, imfumu yabena Israeli. Mwikasenda ici pamabeya yenu iyoo. Leelo pepeni Yawe Lesa wenu, uwapuswishe bantu bakwe abena Israeli. ⁴ Ikolonganikeni mwebene mwishina lya fikolwe fyenu namitundu shenu, nokukonka ifyalembwa ifilangililo fyakwa Dabid, imfumu yabena Israeli, nabonse abakwa Solomoni, nabana bakwe. ⁵ Iminina mumuputule wa mushilo, buleni ififulo fyenu ukulingana nefyo mwaakanishiwa ukulingana namayanda yafikolwe fyenu ifyaba munyinenwe, ne mfyalwa yabantu, no kubula incende shenu isho mwaakanishiwa ukulingana ne ng'anda sha fikolwe fyenu abena Lebi. ⁶ Ipayeni impaanga shapacakucilila, nokuisangulula mwebene, pekanishisheni ba munyinenwe impaanga, kukucita umwabela nshiwi lyakwa Yawe ilyo ilyapelwe mukuboko kwakwa Mose.'' ⁷ Yoshua apele amakana yatatu ayampaanga notwana ukufuma mumakumi paca mutulo wa cakucilila ica bantu bonse abali palya, nakabili apele ing'ombe amakana yatatu- ifi fyonse fyafumine pafyuma fya mfumu. ⁸ Intungulushi shakwe shapele ubupe bwakuitemenwa ku bantu, bashimapepo, nabena Lebi. Hilkia, Sekaria na Yehiele, naba cilolo ba mu ng'anda yakwa Lesa, bapele kuli bashimapepo amakana yabili ne myanda mutanda amabupe yacakucilila ne myanda itatu iya mukuni wa ng'ombe. ⁹ Nao Konania, na Shemaya na Netanele nabamunyina, na Hashabia, Yeiele na Yosabadi, ne mfumu shabena Lebi, bapele amakana yasano icabupe cakucilila kubena Lebi ne myanda isano iya mumukuni wa ng'ombe. ¹⁰ Eico imibombele ya lipekanishiwe, nabashimapepo baimine mu ncendeshabo, nabena lebi ukulingana nomo bayakanishiwe, umwabela icipope ca mfumu. ¹¹ Baipeye impanga shapa cakulila naba shimapepo basanshile umulopa uyo bapokelele ukuma ku minwe yabena lebi, na bena lebi bafundile impanga. ¹² Bafumishepo amabupe yakoca, mushila ya kutwalilamo umo fya abanishiwe mu mayanda yafikolwe fya bantu babo, kukufipela kuli Yawe, ngefyo calembelwe mwibuku lyakwa Mose, Bacitile cimo cine naku ngombe. ¹³ Baocele impaanga shapa cakucilila pamulilo mukukonka ifyo baebelwe. Nga mabupe yakutotela bayepike mu mpoto, napali bapani, na mukwangufyanya bayatwele ku bantu bonse. ¹⁴ Panuma baipekanishishe abene amabupe yabo nabashimapepo, pamulandu bashimapepo ba mubufyashi bwakwa Aaron, balibikilwepo mumabupe yakoca na mafuta mpaka ubushiku bwafika. Eico abena Lebi bapekenye amabupe yapalwabo nayaba shimapepo, no bufyashi bwakwa Aaron. ¹⁵ Bakemba, ubufyashi bwakwa Asaphi, bali mufifulo fyabo, ngefyo David abebele, Asaphi, Heman, na Jeduthan imfumu ya Seere, naba kalinda bali mu mpongolo shonse. Tabafwile ukufumapo pafifulo fyabo, pamulandu waba munyina abena Lebi abalebapekanishisha bena. ¹⁶ Eico, panshita yonse iyo imilimo ya kwa Yawe yasendwa kunse mukusefya icakucilila nokupela amabupe yakoca palufuba lwakwa Yawe, nge ifyo mfumu Yosia yakonkomeshe. ¹⁷ Abena Israel abo abasontelwe bacitile icakucilila pali ilya nshita, nomutebeto uushatutumuka panshiku cine lubali. ¹⁸ Kulya kusefya kwacakucilila takwatalile akucitika mu Israel ukufuma mu nshiku shakwa kasesema Samwele, nangu na munshita sha sha mfumu sha bena Israel tashatalile ashisefya ici icakucilila ngefyo Yosia acitile, pamofye naba shimapepo, abena Lebi, nabantu bonse abena Yuda na bena Israel abo abalipo, nabekashi ba mu Yerusalemu. ¹⁹ Ici cakucilila casangilwe mumwaka walenga ikumi limo na cine konse konse mubutungulushi bwakwa Yosia. ²⁰ Panuma yaifi fyonse, panuma Yosia, apekenye itempele umo lifwile ukubela, neco imfumu ya Egypt aile kukulwa nabena Carchemish pa mulonga wa Euphrate, na Yosia afumine kukulwa nabo. ²¹ Nomba Neko atumine abeminishi kuli wena, atile, ''Cinshi ico ncitile kuli imwe, mwe mfumu yaba Yuda? Nshileisa kukulwa naimwe ilelo, lelo ne ng'anda iyo nalapekanya ukulwa nayo. Lesa nakonkomesha mukwangufyanya, lelo icefyeni mukucilinganishiwa na Lesa, uuli naine, nangu kuti amonaula imwe. ²² Nangu cakuti, Yosia akene ukupilibuka ukufuma kuli wena. Aifungwishe umwine pakuti alwe naena. Taumfwile kumashiwi yakwa Neko nga cakuti yafumine ku kanwa kakwa Lesa; eico aile kukulwa mumupoka poka wa Megido. ²³ Archersi alashile imfumu Yoshia, ne mfumu yatile ku babomfi baiko, ''Mfumyenipo pano, pantu nalaswa icabipisha.'' ²⁴ Eico ababomfi bamufumishe kunse yeceleta, nokumubika mwiceleta lyakwe limbi. bamutwele ku Yerusalemu, eko afwilile. Ashikilwe ku ashishi wafikolwe fyakwe. Bonse abena Yuda nabena Yerusalemu baloseshe Yoshia. ²⁵ Yeremia ali nobulanda pali Yoshia nabonse bashifwe nabamunyinefwe bali nobulanda pali Yoshia. Baloseshe Yoshia munyimbo. Ishi nyimbo shaba mulutambi mu Israel; moneni, shalilembwa mwi buuku lya nyimbo sha bulanda. ²⁶ Lelo imilandu imbi iipalile ico iya kwa Josia, ne fintu fimsuma ifyo acitile mu cumfwila pali ifi fya lembwa mwi funde lyakwa Yawe- ²⁷ nemilimo yakwe, ukufuma mukutampa nokufika na kumpela, yalilembwa mwi buuku lya sha mfumu sha Yuda na Israel.