¹ Elyo abekala calo babulile yehoahasi umwana mwaume wakwa Yoshia, no kumucita imfumu mwipunda lyakwa wishi mu yerusalemu. ² Yehoahasi ali nemyaka amakumi yabili na itatu iya bukulu ilyo atendeke ukuteka, kabili atekele imyaka itatu mu Yerusalemu. ³ Imfumu yamu Egypto yamufumishe pa Yerusalemu, no kushita icalo umwanda umo uwa silfere acitile bwino na golide imo apele ukulingana napapelele amaka. ⁴ Imfumu ya Egypto yacitile Eliakimu, uwali munyina wakwa Yehoahasi, imfumu pali Yuda na Yerusalemu no kwalula ishina lyakwe Eliakimu ukuba Yehoyakimu. Elyo neko abulile Eliakimu munyina wakwa Yehoahasi amutwele ku Egypto. ⁵ Yehoyakimu ali nemyaka amakumi yabili na iine iyabukulu ilyo atampile ukuteka, kabili atekele imyaka ikumi limo na umo mu Yerusalemu. Acitile ububi kucinso cakwa Yawe Lesa wakwe. ⁶ Elyo Nebukadinesa, imfumu ya babele, yamusanshile nokumukaka mu minyololo ku kumutwala ku Babele. ⁷ Nebukadinesa kabili asendele ifintu mu ng'anda yakwa Yawe ku babele, no kubika mucipango cakwe pa Babele. ⁸ Imilandu yakwa Yehoyakimu, ifyamuselu acitile, nefyasangalwe pali ena, mona, fyalilembwa mwibuku lya shamfumu mubene Yuda na Israeli. Elyo Yehoyakimu, umwana wakwe, aishileba imfumu mwipunda lyakwe. ⁹ Yehoyakimu ali nemyaka cine konse konse iya bukulu elyo atendeke ukuteka; atekele imyeshi itatu nenshiku ikumi limo mu Yerusalemu. Acitile ifyabipa kucinso cakwa Yawe. ¹⁰ Ku kwaluka kwa mwaka, imfumu Nebukadinesa yatumine abaume yamutwele na Babele, nefintu fisuma ukufuma mu ng'anda yakwa Yawe, no kucita Sidekia munyina imfumu pabena Yuda na Yerusalemu. ¹¹ Sidekia ali nemyaka amakumi yabili na umo iyabukulu elyo atendeke ukuteka; atekele imyaka ikumi limo na umo mu Yerusalemu. ¹² Sidekia acitile ububi kucinso cakwa Yawe Lesa wakwe. Tainashishe umwine pantanshi yakwa Yeremia kasesema, uwalesosa lfyalefumuma kukanwa kakwa Yawe. ¹³ Sidekia asangukile mfumu Nebukadinesa, uwamulengele ena ukulapa pali Lesa.Atalamike nomukoshi wakwe, no mutima wakwe ku kukana bwelela kuli Yawe Lesa wabena Israeli. ¹⁴ Kabili, intungulushi shonse isha bashimapepo na bantu bacishishemo ukukanaba na bucishinka, no kukonka ificitwa fya muselu ku nko. Bakoweshe ing'anda yakwa Yawe iyo ashishishe mu Yerusalemu. ¹⁵ Yawe, Lesa wafikolwe, atumine shiwi ku kombe imiku shibili, pantu alinoluse pa bantu bakwe na pancende aleikala. ¹⁶ Leelo bacushishe nkombe shakwa Lesa, kabili basulile shiwi lyakwe, bashenteke bakasesema bakwe, mpaka ubukali bwakwa Yawe bwaimine paba bantu bakwe, mpaka takwali nobwafwilisho pali ici. ¹⁷ Lesa aletele pali bena imfumu yabena Kaldi, uwaipeye abana banono abaume kulupanga umwashile, ukwabula uluse pa bana banono abaume nangu bana fisungu, abaume abakote nangu abamfwi. Lesa abapele bonse mu maboko yakwe. ¹⁸ Fyonse ifyakubeka fya mu ng'anda yakwa Lesa, ifikulu ne finono, ulupiya lwa mu ng'anda yakwa Yawe, no lupiya lwa mfumu na bacilolo baiko- Ifi fyonse afisendele ku Babele. ¹⁹ Baocele panshi ing'anda yakwa Lesa, kabili baponeshe panshi fibumba fya Yerusalemu, baocele ifipango fyali mulya fyonse, kabili baonawile fyonse fintu ifisuma ifyali mulya. ²⁰ Imfumu yasendele ku Babele abo bapuswike ku lupanga. baishileba abasha bakwe na bana babo abaume ukufika kubufumu bwa Persia. ²¹ Ici cacitike ku kufikilisha ishiwi lyakwa Yawe ica mukanwa kakwa Yeremiya, ukufika ku calo balingile ukusefya Sabata wakutusha. Mukubaka ama Sabata panshita ntali mukushikilika, mu kuleka imyaka cine lubali ipite muli iyi nshila. ²² Mu mwaka wantanshi kuli Koreshe, imfumu ya Persia, ukuti icebo cakwa Yawe ica mukanwa kakwa Yeremia cifishiwe, Yawe alicincishe mupashi wakwa Koreshe, imfumu ya Persia, no kuleka apishe imbila monse mu bufumu bwakwe, no kuilemba namwilembo. Atile, ²³ ''Ifi efyo Koreshe, imfumu ya Persia, atile: Yawe, Lesa wa mulu, nampela ine yonse amabufumu pe sonde. Nakonkomesha ine ukukula ing'anda yakwe mu Yerusalemu, ili muli Yuda. Onse uwa muli imwe pa bantu bakwe, Yawe Lesa wakwe, aba nankwe. Lekeni aninike aye ku calo.''