¹ Yoshual ali nemyaka cine konse konse ilyo atendeke ukuteka; ena atekele imyaka amakumi yatatu na umo mu Yerusalemu. ² Ena acitile icalungama mu menso yakwa Yawe, elyo aendele mu nshila yakwa Davidi icikolwe cakwe, elyo tayalukile ku kulyo nangu kukuso. ³ Pantu mu myaka cine konse konse iyakute kwakwe, ilyo acili umwaice, ena atampile ukufwaya panuma yakwa Lesa wakwe Davidi, icikolwe cakwe. Mu myaka ikumi na ibili, ena atampile ukufwaya Yuda na Yerusalemu ukufuma mu ncende sha pa mulu, ifimuti fya Ashela ne fyabaswa elyo nefyaengululwa. ⁴ Abantu batobawile panshi ifipailo fyakwa Baali mu menso yakwe; ena aputawile icipailo ifya cena icisuma ico icali pamulu wabena. Ena atobawile ifimuti fya Ashela ne fyabaswa, elyo nefyaengululwa ifyacela mutupimfya mpakafye fyasangwike ulukungu. Ena asanshile ulukungu pa manda sha abo abaletula kuli fyena. ⁵ Ena aocele amafupa yabashimapepo wabo pafipailo fyabo. Muli iyi nshila, ena awemye Yuda na Yerusalemu. ⁶ Ena acitile cimo cine mu misumba yakwa Manase, Eframu, elyo Simoene, konsefye naku Naftali, namufibolya ukushinguluka bena. ⁷ Ena atobawile panshi ifipailo, ukubongolola ifimuti fya Ashela elyo nefyabaswa ifimpashanya mu bunga, nokutetaula mukulekanya fyonse ifipailo fyacena cisuma ukupulinkana na mu calo ca Israele. Elyo ena abwelele ku Yerusalemu. ⁸ Nomba mu mwaka walenga cine konse konse kwa kuteka kwakwe, panuma Yosha nawamya icalo elyo ne tempele, ena atumine Shafani umwana mwaume wakwa Asalia, Maseya, umukalamba wa musumba, elyo Yoa umwana mwaume wakwa Yoahasi kalemba, ukulungika ing'anda yakwa Yawe Lesa yakwe. ⁹ Baile kuli Hikia shimapepo mukalamba, elyo bamupele ulupiya kuli ena ulo ulwaleletwa mu ng'anda yakwa Lesa, ulo abena Lebi bamalonda bapafibi, balongenye ukufuma kuli Manase na Eframu, ukufuma kuli bonse abashalapo kubena Israele, ukufuma kuli bonse aba Yuda na Benjamini, ,elyo ukufuma ku lupwa lwa Yerusalemu. ¹⁰ Bapele ulupiya ku bantu abo baleangalila umulimo wape tempele lya kwa Yawe. Aba bantu balipile ababomfi abo abalungishe nokusungilila itempele. ¹¹ Balipile bakalipenta elyo nabakakula mukushitamo amabwe ayaputaulwa ne mbao shakupalikila. Elyo neshakupangila ifikulwa ifyo inshamfumu shimo shaba mu Yuda shaonawile. ¹² Abantu babombele umulimo mu cishinka. Bakangalila wa milimo ya Yahati na Obadia, abena Lebi, abana baume bakwa Mariya; ilyo Sakaria na Mushulamu, ukufuma mu bana baume bakwa Kohati. Bambi abena Lebi, bonse abo bali bakalisha wa nyimbo ishisuma baleangalila abana abalebomba incito. ¹³ Aba abena Lebi bali abakalamba kuli abo abalesenda ifibombelo fya makule na kubantu bonse nabambi abo abalebomba mu nshila ishalekana lekana. Kwali kaili abena Lebi abo abali bakalemba, abalashi, elyo nabamalonda wa mpongolo. ¹⁴ Elyo baletele ulupiya ulo baletele mu ng'anda yakwa Yawe, Hikia shimapepo asangile ibuku lya mafunde yakwa Yawe ato ayapelwe kuli Mose. ¹⁵ Hikia atile kuli Shafani kalemba, ''Ninsanga ibuku lya mafunde mu ng'anda yakwa Yawe.'' Hikia aletele ibuku kuli Shafani. ¹⁶ Shafani atwele ibuku ku mfumu, elyo kaili alondolwele kuli ena, ukutila, ''Ababomfi benu balecita conse ico icipelwe kuli bena. ¹⁷ Babulile impiya shilya isho basangile mu ng'anda yakwa Yawe, elyo bapele mu minwe yabalashi na kubancito.'' ¹⁸ Shafani kalemba aebele imfumu, ''Hikia shimapepo nampela ibuku.'' Elyo Shafani abelengelemo ku mfumu. ¹⁹ Cacitike ilyo imfumu yaumfwile amashiwi yama funde, yena yalepawile ifyakufwala fyaiko. ²⁰ Imfumuyakonkomeshe Hikia, Ahikamu umwana mwaume wakwa Shafani. Abbdone umwana mwaume wakwa Mika, Shafani kalemba, elyo na Asaya, umubomfi yakwe atile, ²¹ ''Kabiye nokwipusha Yawe ukufwaya kwakwe pali ine, elyo nakuli balya abo bashala mu Israele na Yuda pamulandu wa mashiwi yebuku ilyo ilyasangilwe. Pantu cikulu, icipyu cakwa Yawe ico icapongolwelwa pali ifye. Cikulu, pamulandu ifikolwe fyesu tafyaumfwile ku mashiwi ye buku ili kabili ngokusumina fyonse ifya lembwamo.'' ²² Kabili Hikia, nabalya abo imfumu yakonkomeshe, baile kuli Hulda kasesema mwanakashi, umukashi wakwa Shalumu umwana mwaume wakwa Tikba umwana mwaume wakwa Hahasi, kasunga wa mwaleikala ifyakufwala (ena aleikala mu Yerusalemu mu muputule uunono uwacibili), elyo balandile nao muli iyi nshila. ²³ Ena atile kuli bena, ''Ifi efyo Yawe, Lesa wakwa Israel atila: Ebeni umuntu uyo uumitumine imwe kuli ine. ²⁴ 'Ifi efyo Yawe atila: Moneni, ndimukuleta icinkuka pali iyi ncende napalupwa lwabo, fyonse ifitipu ifyo nalembele mwi buku ifyo babelenga pa menso ya mfumu ya Yuda. ²⁵ Ici cili nokucitika pamulandu balisula ine elyo balyoca ne cacena cisuma kuli tulesa tumbi, elyo balinenga ukufulwa ine pali fyonse ifyo iminwe yabo yapanga, eico, icipyu candi cili nokufuma pali iyi ncende, elyo tacili nokupelela.' ²⁶ Lelo ku mfumu ya Yuda, iyo iimitumine imwe ukwipusha Yawe ifyo afwile ukucata, ici eco muyetila kuli ena, Yawe, Lesa wakwa Israele alanda ici, palubali lwa mashiwi ayo imwe mwaumfwa, ²⁷ pamulandu umutima obe walinakilile, ilyo iwe waicefeshe wemwine pantanshi yakwa Lesa ilyo waumfwile amashiwi yakwe ukufuma kuli ici cifulo nakubekashi, ilyo pamulandu iwe waliicefya wamwene pali ine ilyo walepawile ifyakufwala fyobe nokulila pali ine, naine nalikutika kuli iwe-uku ekupingulapo kwakwa Yawe ²⁸ moneni ndi nokulonganikila iwme kufikolwe fyenu. Imwe muli nokulonganishiwa ku manda shenu mu mutende, elyo amenso yenu tayakamone icinkunka icilifye conse ico ndi nokuleta pa ncende iyi napabekashi baiko.''' Abantu basendele ubukombe ukubwesesha imfumu. ²⁹ Ilyo imfumu yatumine bakapaso nokukolonganika bonse abakalamba ba muli Yuda elyo na Yerusalemu. ³⁰ Ilyo imfumu yaile ku ng'anda yakwa Yawe, elyo na bantu bonse nabekashi ba mu Yerusalemu, naba shimapepo, abena Lebi, elyo abantu bonse, ukufuma ku bakalamba nabanono. Ena elyo abelengele mu matwi yabo yonse amashiwi ya mwibuku lya cipangano ilyo ilyasangilwe mu ng'anda yakwa Yawe. ³¹ Imfumu yaiminine mucifulo caiko nokupanga icipangano pa ntashi yakwa Yawe, ukulaenda na Yawe, nokusunga amafunde yakwa Yawe, amashiwi yakwe, ifipope fyakwe, umutima wakwe onse naku mweo onse. Ukusumina amashiwi ya cipangano ico icalembwa muli ili ibuku. ³² Ena lalengele abo abasangilwe mu Yerusalemu na Benjamini mukubela ku cipingano. Abekashi ba mu Yerusalemu babeleleko ku cipingano cakwa Lesa, Lesa wafikolwe fyabo. ³³ Yosiya afumishepo fyonse ifyabunani ukufuma mju mpanga iyo iyali mu bantu abena Israele. Ena apangile umuntu onse mu Israele ukulashinshimuna Yawe, Lesa wabo. Pantu shonse inshiku shakwe, tabafumineko ukufuma mukukonka Yawe, Lesa wafikolwe fyabo.