¹ Umupashi wakwa Lesa waishile pali Asaria umwana mwaume wakwa Odedi. ² Aile mukukumanya Asa nokutila kuli ena, ''Umfweni kuli ine, Asa, na mweba Yuda bonse na bena Benjamin: Yawe ali naimwe, cikulufye mwaba naine. Nga mwamufwaya ena, akaleka mukamusange; lelo nga mwamusha nao akamusha. ³ Nomba pantu inshita iitali, Israel ali uwabula Lesa wa cine, ukwabula shimapepo waku sambilisha, kabili takwali amafunde. ⁴ Lelo ilyo bali mubuklanda bwabo bali bwelele kuli Yawe, Lesa wabena Israel, ⁵ muli shilya nshita takwali umutende kuli ena uwaleenda kumbi kuli ena uwaleenda kuno; mucifulo, ubwafya ubukulu bwali kubekashi bonse aba mu fyalo. ⁶ Balibaputawile mutupimfya, icalo ukulwikana ne calo cinankwe, kabili umusumba no musumba unankwe, pantu Lesa alibabikile mubwafya mu misangi yonse iya kucula. ⁷ Lelo beni abakosa, kabili wileka amaboko yenu yabe ayanaka, pantu kumulimo wenu kukaba icilambu.'' ⁸ Ilyo Asa aumfwile aya amashiwi, ukusesema kwakwa kasesema Odedi, alishipile nokulenga ifintu ifyabunani ukufuma mu calo conse ica Yuda na Benjamin, no kufuma mumisumba iyo apokele ukufuma mu mpili mu calo ca bena Efraimu, kabili bakulile cipya cipya icipailo cakwa Yawe, icali ku ntanshi. ⁹ Alonganike abena Yuda nabena Benjamini bonse, nabo aba ikele nabena- abantu aba fumine kuli Efraimu na Manase, na ukufuma kuli Simeone. Pantu bafumine ku Israel kuli ena mu mpendwa iikulu, ilyo bamwene ukuti Yawe Lesa wakwe ali na ena. ¹⁰ Eico balongene pamo pa Yerusalemu mu mwenshi walenga shitatu, mu myaka ikumi naisano. ¹¹ Bapele ilambo kuli Yawe bulya bwinefye bushiku ukufuma pafyo bapokolwele ifyo baletele. ing'ombe imyanda cine lubali ne mpaanga amakana cine lubali. ¹² Baingile mu cipangano cakufwaya Yawe Lesa wafikolwe fyabo, ne mitima shabo shonse ne myeo yabo yonse. ¹³ Basuminishenye ukuti uyo onse uwakana ukufwaya Yawe Lesa wakwa Israel, afwile ukufwaya, cibe umuntu ali munono nangu umukalamba, cibe mwaume nangu mwanakashi. ¹⁴ Baipele kuli Yawe ne shiwi ilikalamba, nokupunda, namapenga ne ntandala. ¹⁵ Abena Yuda bonse balisekelele pamulapo balapile pantu balapile ne mitima shabo shonse kabili balifwaile Lesa mukukabila kwabo, kabili alisangilwe kuli bena. Yawe apele kuli bena umutende ukushinguluka bena. ¹⁶ Nao afumishe Maaka, nakulu wakwe, ukumufumya pali bunamfumu, pamulandu alipangile akalubi kabunani ukufumya ku cimuti camikwa. Asa aputula panshi akalubi kabunani, ukukashonaula mulukungu no kocela pamupoka poka wa Kidrone. ¹⁷ Lelo incende ishikulu tashalobelwe mu Israel. Umutima wa kwa Asa ewalifye uwacishinka inshiku shakwe shonse. ¹⁸ Aletele mu ng'anda yakwa Lesa silfere na golde nefipe ukuti ena nawishi wakwe balengele ukuba ifya mushilo. ¹⁹ Takwali inkondo ukufika mu mwaka walenga amakumi yatatu na isano mukuteka kwakwa Asa.